David sɛ́ Salɔmɔŋ nɛ́ sɩ́ lɔ́ʋ́ nyúú mí
28
AAAAAAAAAAAAAAA 1 Kuóro Davidi yɩ́rɛ Ɩzɩrayɛl sɩ́dííre rɩ́ jɩmʋ́ʋ́la sɩ́dííre rɩ́ sóójiwa ná há mɩ́nʋ́ laka sɩ́dííre, sóóji bʋ́ɩ́wa nyúútɩ́náwa, sóóji zɔlɔwa nyúútɩ́náwa, kɛŋpʋ́ŋsa ná háá bélú kuóɓɩ́ɛ́, ʋ pʋsɛ mɛ́ rɩ́rʋ́ bɛlɛ mɛ́; ʋ tʋtʋnnɩhɩ́ɛ̃́sɛ, ʋ sóójiwa arɩ́wɔ́ sóójibɩbara, ɓa wuu ko Zerizalɛmɛ. 2 Ɛ́ nɛ́ kuóro Davidi isi cɛ́ daha a bʋlɛ́: «Ŋ maábináŋa, ŋ nɩɛ, ɩ́ zésíŋ rɩ́. Ŋ fa bɩ́ɩ́nɔ rɩ́ŋ sɔ jaa, dɩfɩɛlɩ́, a bil Nyuutɩna Wɩɩsɛ nʋtʋmɛ dáka; á Wɩɩsɛ naasɛ dɩsakɩ́. Ŋ sɩɛ́ hé cɩksɛ wuu náŋá mɛ́ rɩ́ŋ sɔ. 3 Amá Wɩɩsɛ bʋ́lɩ́ŋ rɩ́ bʋlɛ́: «Ɩ ra wɩ jaá sɔ́ɔ́ páŋ, bee wɩ́ɛ́, ɩ ká lalyooro ní, ɩ bɩsɛ cɛ́l kɩ́ŋkáŋ. 4 Nyuutɩna Wɩɩsɛ, Ɩzɩrayɛl Wɩɩsɛ lɩ́sɩ́ŋ nɛ́ ŋ áná jaa wuu sɩɛrʋ, a makɛ rɩ́ŋ dí Ɩzɩrayɛl kuorí a kaá mʋ́ wuu. Bee wɩ́ɛ́ ʋ lɩ́sɛ Ziida nɛ́ rʋ́ʋ́ a nyúútɩ́na, a lɩ́sɩ́ŋ áná jaa Ziida jɩmʋ́l sɩɛrʋ, a baa lɩ́sɩ́ŋ nɛ́ ŋ aŋbɛlɛ wuu sɩɛrʋ rɩ́ŋ dí Ɩzɩrayɛl nɩɛ wuu kuorí. 5 Nyuutɩna Wɩɩsɛ páŋ bɛlɛ ɓɩkáná; amá Salɔmɔŋ nɛ́ ʋ lɩ́sɩ́wɔ́ wuu sɩɛrʋ, rʋ́ʋ́ nɛ́ ké Nyuutɩna Wɩɩsɛ dɩtɩ́llɛ, Ɩzɩrayɛl kuóɓasa ná daha. 6 Ʋ bʋ́lɩ́ŋ rɩ́ bʋlɛ́: "Ɩ bio Salomɔŋ nɛ́ sɩ́ sɔ́ŋ jaa rɩ́rɩ́ŋ wuolli; bee wɩ́ɛ́, ʋ nɛ́ ŋ lɩ́sɛ rʋ́ʋ́ áŋ bíí ká rɩ́ŋ má ɔ́ʋ́ áná. 7 Rʋʋ nɛ́ sáŋɛ́ rʋ́ʋ́ tɩ́ŋɩ́ŋ wɩ́makɛ́ rɩ́rɩ́ŋ kíŋse anɛ ɛ́ ʋ zaa háá ɛ́ɛ́, ŋ sɩ́ a rʋ́ʋ́ kuorí ka dóé a kaá mʋ́ wuu. 8 Ɛ́ wɩ́ɛ́, mʋ́l neé mí, Ɩzɩrayɛl nɩɛ wuu sɩ́ɛ́ mɛ́, Nyuutɩna Wɩɩsɛ púl arɩ́rá Wɩɩsɛ tɩɩ sɩ́ɩ́ mɛ́, ɩ́ hé dóé a tɩŋ Nyuutɩna Wɩɩsɛ, ɩ́ Wɩɩsɛ wɩ́makɛ́ ná wuu. Ɛ́ é, ɩ́ sɩ́ tɩ́llɛ tɔ́wéró né, ká rʋ́ʋ́ a liwe rɩ́ɩ́wa tá pɛ́ɩ́wa bɛlɛ rɩ́wɔ́ tɩ́llʋ́ a kaá mʋ́ wuu. 9 Ɩ é, ŋ bio Salomɔŋ, hé taŋá a zɩŋ Wɩɩsɛ ná há kɛ́ɩ́ áná Wɩɩsɛ; a tʋŋ pɔ́ʋ́ rɩ́rɩ́ɩ́ sɩɛrʋ wuu arɩ́rɩ́ɩ́ dʋma wuu. Bee wɩ́ɛ́, Wɩɩsɛ bel nɩbííne wuu sɩɛnnɛ nɛ́, a zɩ́ŋ sabɩɩna wuu duó. Rɩ́ɩ́ nɛ́ jɔ́ʋ́, ʋ sɩ́ lo rɩ́ɩ́ nóú; rɩ́ɩ́ nɛ́ vɔ́ʋ́ tá, ʋ má sɩ́ yóí tá ɓóŋ. 10 Ɛ́ wɩ́ɛ́, mʋ́l néé mí, zɩŋ rɩ́ Nyuutɩna Wɩɩsɛ lɩ́sɩ́, rɩ́ɩ́ sɔ jaa ná há sɩ́ ɔ́ʋ́ dɩmɩnɩ́. Ka baŋcɩpɩrɩ́ a tʋ́ŋ.Davidi makɛ Wɩɩsɛ jaa ná nɩ́ɩ́sɔ pá Salɔmɔŋ
11 Davidi mákɛ́ záwára ná rɩ́rʋ́ jɩwiisi rɩ́ ɓɩɛ dɩbilí rɩ́ túkni rɩ́ sɩɛrʋ jɩɩsɛ rɩ́ jaa ná ɓa há sɩ́ bil nʋtʋmɛ dáka ráŋ ná wuu nɩ́ɩ́sɔ pɔ́ʋ́ bio Salomɔŋ. 12 Ʋ fa há bɩ́ɩ́nɛ́ rʋ́ʋ́ sɔ́ Nyuutɩna Wɩɩsɛ jaa wuolli ná wuu rɩ́wɔ́ nɛ ɛ́, ʋ máŋsɔ́ pɔ́ʋ́, ɛ́ ná tɩɩ ʋ há mɔhɛ̃́ rʋ́ʋ́ sɔ jɩɩsɛ lɛ́l wuollí ná rɩ́ ɛ́ ná ʋ há mɔhɛ̃́ rʋ́ʋ́ sɔ jɩɩsɛ ná ɓa há sɩ́ hé Wɩɩsɛ jaa kuóɓɩɛ rɩ́ cɩksɛ ná há ká Wɩɩsɛ tɩ́llɛ róŋ. 13 Ʋ mákʋ́ vʋk'ɔɔsa rɩ́ Levi duo nɩɛ púlli, Nyuutɩna Wɩɩsɛ jaa tʋtʋmɛ́ ná wuu arɩ́ cɩksɛ ná wuu ɓa há sɩ́ kaa tʋŋ Nyuutɩna Wɩɩsɛ jaa sɩɛrʋ. 14 Ʋ mákʋ́ salmɛ ná ɓa há sɩ́ kaa cʋɔrɛ salmɛ cɩksɛ ná wuu há sɩ́ tʋŋ tʋtʋmɛ́ ná zíŋ mʋɔsɔ; rɩ́ meéwíé ná há sɩ́ kaa cʋɔrɛ meéwíé cɩksɛ ná wuu há sɩ́ tʋŋ tʋtʋmɛ́ ná zíŋ mʋɔsɔ. 15 Ʋ mákʋ́ salmɛ ná ʋ há sɩ́ kaa cʋɔrɛ salmɛ cáŋsɛ rɩ́ salmɛ cáŋdaasɛ oro wuu zíŋ mʋɔsɔ; rɩ́ meéwíé cáŋdaasɛ rɩ́wɔ́ meéwíé cáŋsɛ ná ɓa há sɩ́ cʋɔrɛ rɩ́wɔ́ kaa tʋŋ tʋtʋmɛ́ oro zíŋ mʋɔsɔ. 16 Ʋ mákʋ́ salmɛ ná ɓa há sɩ́ kaa a táábɩlwa ná ɓa háá sɩ́ sɩ́sakɛ dɩpɛ́ŋwa aá pá Nyuutɩna Wɩɩsɛ oro zíŋ mʋɔsɔ arɩ́ meéwí ná há sɩ́ kaa cʋɔrɛ meéwíé táábɩlwa ná zíŋ mʋɔsɔ. 17 Ʋ mákʋ́ salmɛ cʋɔrɩ́ ná ʋ há sɩ́ pii cʋɔrɛ naŋlííríhɛmɛ, cɛ́l loŋni, nyíŋgbaŋzeŋsi, nyíŋgbaŋwɩɛla, nyíŋgbaŋa oro wuu salmɛ cʋɔrɩ́ zíŋ mʋɔsɔ arɩ́ meéwi nyíŋgbaŋsɛ, oro wuu meéwí zíŋ mʋɔsɔ. 18 Ʋ mákʋ́ salmɛ cʋɔrɩ́ ná ʋ há sɩ́ pii a tulaalé koro zíŋ mʋɔsɔ pɔ́ʋ́. Ʋ mákɛ malkawa salmɛ tórko ná nɩɩsɔ pɔ́ʋ́, malkawa ná há jɛ́rɩ́wɔ́ kiŋkeru tɔ́ Nyuutɩna Wɩɩsɛ nʋtʋmɛ daka ná mɛ́. 19 Ká Davidi sɛ́: «Nyuutɩna Wɩɩsɛ tɩɩ nɛ́sɛ nɛ́ pʋ́ŋsɛ wɩ́ɛ́ nyáŋ, ʋ nɛ́ ɛ́ɛ́ ŋ zɩŋ wɩ́ɛ́ nyáŋ wuu arɩ́ tʋtʋmɛ́ ná wuu nɩɩsɔ.» 20 Ká Davidi bʋ́lʋ́ bio Salomɔŋ rɩ́ a bʋlɛ́: «Ŋ bio, sɩ́ ló rɩ́ héwíŋ kánɩ́, pɩ́rɩ́ baŋcɩ́la a cɛ́ dóé, a tʋŋ tʋtʋmɛ́ ná; ká sɩ́ ló rɩ́ɩ́ naasɛ yʋɔrɛ! Bee wɩ́ɛ́, Nyuutɩna Wɩɩsɛ, ŋ Wɩɩsɛ mɩ́nɩ́ har; ʋ wɩ́ɩ́ har lɛ́, ʋ wɩ́ɩ́ vɛ́ɛ́ tá, a kaá jɛ́ɩ́ há sɩ́ tʋŋ Nyuutɩna wɩɩsɛ jaa tʋtʋmɛ́ ná tenni. 21 Ná vʋ́k'ɔɔsa rɩ́ Levi duo nɩɛ púlli ná há sɩ́ tʋŋ Wɩɩsɛ jaa tʋtʋmɛ́ ná wuu. Tʋtʋmɛ́ nyáŋ wuu sɩɛrʋ, nɩɛ ná há kéŋ tʋtʋmɛ́ zɩmɛ́, a cólli tʋtʋmɛ́ rɩ́wɔ́ duó wuu tʋmɛ́, sɩ́dííre arɩ́ nɩɛ ná wuu há sáŋɛ́ rɩ́wɔ́ zíl wɩ́makɛ́ ná wuu sɩ́ pɛ́ɩ́ mɛ́.