22
AAAAAAAAAAA 1 Ɛ́ nɛ́ Davidi sɛ́: «Rɛ́ɛ́ nɛ́ ká Nyuutɩna Wɩɩsɛ jaa dɩhɩ̃́, rɛ́ɛ́ nɛ́ Ɩzɩrayɛl nɩɛ sɩ́ má vʋkfíse koro.Davidi kenú tɩɩ rʋ́ʋ́ sɔ Wɩcʋɔlɩjɩzeno
2 David ɔ́ɔ́ ɓa yɩ́rɛ zʋ́zʋ́llɛ ná há mɩ́ŋ Ɩzɩrayɛl mɛ́, ʋ lɩ́sɛ dɔ́wɩ́cɔ́ɔ́ra ɓa sɩɛrʋ rɩ́wɔ́ cɔ́ dɔ́wʋ́ɔ́ rɩ́wɔ́ paa sɔ Wɩɩsɛ jaa. 3 Davidi ja hɔrʋ ɓɩkana, rɩ́wɔ́ kaa bɩrmɛ bonni téŋkúlli, rɩ́ bonni káŋsɛ. Ʋ já kɔmɔ́ ɓɩkana há wɩ kíílo nʋɔ kené, 4 arɩ́ sɛɛdɩrɛ daasɛ há wɩ wuó dɩɩsɛ, bee wɩ́ɛ́ Sɩɩdɔŋ nɩɛ arɩ́ Tiiri nɩɛ fa kéŋ sɛɛdɩrɛ daasɛ ɓɩkana ko pá Davidi. 5 Davidi fa sɛ́: «Ŋ bio Salomɔŋ ká heŋbíé, ʋ sabɩɩna há wɩ péré. Ká jaa ná ɓa há sɩ́ sɔɔ pá Nyuutɩna Wɩɩsɛ, ká jaa ná yɩr há sɩ́ lɛ́ dɩhɩ̃́ wuu ní, a tɩ́ŋʋ́ zéŋ rɩ́rʋ́ wer wɩ́ɛ́. Ɛ́ nɛ́ tɛ́, ŋ có rɩ́ŋ ja jaa ná cɩksɛ wuu bílú mí.» Davidi sɩɛ́ ja cɩksɛ ɓɩkana bil, ká zɩŋ sʋwɛ.
Davidi sɩ́ Salomɔŋ sɔ Wɩcʋɔlɩjɩzeno
6 Ká Davidi sɩɛ́ yɩ́rʋ́ bio Salomɔŋ, a pɔ́ʋ́ ŋmɛ́nɔ, rʋ́ʋ́ sɔ jaa pá Nyuutɩna, Ɩzɩrayɛl Wɩɩsɛ. 7 Davidi bʋ́l Salomɔŋ rɩ́ bʋlɛ́: «Ŋ bio, ŋ tɩɩ nɛ́ faá ja rɩ́ŋ sɔ jaa pá Nyuutɩna Wɩɩsɛ, ŋ Wɩɩsɛ. 8 Amá Nyuutɩna Wɩɩsɛ bʋ́lɩ́ŋ rɩ́ bʋlɛ́: Ɩ yó lalkana, a bɩsɛ cɛ́l kɩ́ŋkáŋ, ɛ́ wɩɛ́, ɩ wɩ jaa wuo sɔ aá páŋ, rɩ́wɔ́ cɩ́cʋ́ɔ́lɩ́ŋ ráŋ, bee wɩ́ɛ́, ɩ bɩsɛ cɛ́l kɩ́ŋkáŋ tíé nyúú. 9 Ná, ɩ sɩ́ lʋl bio: Ʋ sɩ́ a tɛŋfɩ́ɛ́l báalɔ, ŋ sɩ́ lɔ́ʋ́ tá dɩŋdɔma ná wuu há kílú nɛ́sɛ mɛ́, rʋ́ʋ́ ké fɩɛla sɩɛrʋ: Ʋ yɩr sɩ́ a Salomɔŋ. Ʋ hiẽso wuu mí, ŋ sɩ́ a rɩ́ Ɩzɩrayɛl nɩɛ ké tɛŋfɩ́ɛ́l rɩ́ fɩɛla sɩɛrʋ. 10 Ʋ nɩ́ɩ́ ísí sɔ jaa rɩ́ɩ́ páŋ. Ʋ sɩ́ áŋ bíí, ká rɩ́ŋ má ɔ́ʋ́ áná, ká rɩ́ŋ a, rʋ́ʋ́ kuorí sɩ́ kuótokí a Ɩzɩrayɛl mɛ́. 11 Mʋ́l né mí, ŋ bio, rɩ́ Nyuutɩna Wɩɩsɛ mɩ́nɩ́ har, a makɛ rɩ́ɩ́ wɩ́ɛ́ cɛ́rɛ́, ká rɩ́ɩ́ wollí sɔ Nyuutɩna, ɩ Wɩɩsɛ jaa ná, anɛ ɛ́ ʋ há tá nʋɔ a tɩ́ɩ́nɩ́ mɛ́! 12 Rɩ́ Nyuutɩna Wɩɩsɛ é há pɛ́ɩ́ zɩmɛ́ rɩ́ wɩ́zɩmɛ, rɩ́ɩ́ kuorí ká dóé Ɩzɩrayɛl mɛ́, rɩ́ɩ́ wóllí tɩ́ŋ Nyuutɩna, ɩ Wɩɩsɛ wɩ́bilé ná. 13 Ɛ́ é, ɩ wɩ́ɛ́ sɩ́ cɛ́rɛ pɛ́ɩ́, rɩ́ɩ́ nɛ́ hé dóé, a zízíl wɩ́makɛ́ ná rɩ́ wɩ́bilé ná Nyuutɩna Wɩɩsɛ há píé pá Ɩzɩrayɛl a tɩ́ŋ Moyizi mí. Ɓáŋɩ́ baŋcɩla, a tɔ́ɩ́ mʋ́l mɛ́ wérí, a sɩ́ héwíŋ fá, a sɩ́ wɩ́ɩ́ wuu fá. 14 Ná, ŋ háárɩ́ŋ tɩɩ mɛ́, a ja salmɛ tɔ́nnɛwa bʋ́ɩ́toro (3 000), a ja meéwí há kɛ tɔ́nnɛwa bʋ́ɩ́ mɛrɛ́ rɩ́ fí (30 000), arɩ́ kɔmɔ́ rɩ́ hɔɔ há wɩ wuó kérsi, ɓa há kánɔ́ wɩ́ɛ́. Ŋ ha já daasɛ rɩ́ dɔ́wʋ́ɔ́ má, ká rɩ́ɩ́ má jáá súúri. 15 Nɛ́sɛ tʋtʋnna ɓɩkana mɩ́nɩ́ laka, a zɩŋ dɔ́wʋ́ɔ́ huré, a zɩŋ dɔ́wʋ́ɔ́ cɔ́ɛ́, a zɩŋ daasɛ cɔ́ɛ́, a zɩŋ tʋtʋtmɩ́ rɩ́rʋ́ duo wuu. 16 Ká Salmɛ rɩ́ meéwí rɩ́ kɔmɔ́ arɩ́ hɔɔ é wɩ nʋɔ kené. Isi tʋ́ŋ, Nyuutɩna Wɩɩsɛ mɩ́nɩ́ har. 17 Ɛ́ har mɛ́, Davidi pá Ɩzɩrayɛl nɩhɩɛ̃́sɛ wuu ŋmɛ́nɔ rɩ́wɔ́ pɔ́ʋ́ bio Salomɔŋ mɛ́. 18 Ká báá bʋ́lwɔ́ rɩ́ bʋlɛ́: «Nyuutɩna Wɩɩsɛ, ɩ́ Wɩɩsɛ tóíwa har>> Ʋ rá wɩ ɛ́ɛ́, ɩ́ ná fɩɛla, ɩ́ kílo tɔ́nɛ dɩŋdɔma ná wuu nyúú rí>> Ʋ nɛ́ kɛ́sɛ́ tɔ́ɔ́ nɩɛ wuu héŋ nɛ́sɛ mɛ́, ɛ́ nɛ́ tɔ́ɔ́ nɩɛ saŋ pá Nyuutɩna Wɩɩsɛ arɩ́rʋ́ nɩɛ. 19 Ɛ́ wɩ́ɛ́, mʋ́l né mí, ɩ́ ja Nyuutɩna Wɩɩsɛ, ɩ́ Wɩɩsɛ rɩ́rɩ́ɩ́wa sɩɛrʋ rɩ́rɩ́ɩ́wa dʋma wuu. Ɩ́ sɔ Nyuutɩna Wɩɩsɛ dɩmɩnɩ́, a makɛ rɩ́ɩ́wa pi Nyuutɩna Wɩɩsɛ nʋtʋmɛ dáka rɩ́ cɩksɛ ná há ká Wɩɩsɛ cɩksɛ; a ko bíl jaa ná mɛ́, ɩ́ há sɩ́ sɔɔ pá Nyuutɩna Wɩɩsɛ.»