Zɔwabɛ yóó la Raba tɔ́ɔ́
20
1 Ʋ bɩna nɔ́ŋɔ há péré, kuóre háá mʋ́ lal tɛ́ŋ ná mɛ́, Zʋwabɛ lá lalyoore ɓɩkáná sɩ́ɛ́, ɓa mʋ́ zɔkɛ Amɔŋ nɩɛ; ká mʋ́ tɔ́ Raba há ká Amɔŋ nɩɛ tɔ́zeno hé. Ká Davidi é káánɛ Zerizalɛmɛ mɛ́. Zʋwabɛ tú Raba hé, a zɔkʋ́. 2 Davidi kéŋ Amɔŋ nɩɛ veno Mɩlkɔmmɛ kuónéŋcú wúrú nyúú mí; salmɛ kuónéŋcú ní, ʋ píŋ fa pérí kilo mɛrɛ́ rɩ́ fí, dɔ́wɩ́wero oro mɩ́nʋ́ mɛ́. Ɓa lɩ́sɛ ɛ́ dɔ́wɩ́wero cɔ́ Davidi kuónéŋcúú mí. Davidi pa ɛ́ tɔ́ɔ́ onni ɓɩkana a kaa lɛ. 3 Ká a Raba nɩɛ lɩ́ɩ́ mʋ́ aá tʋŋ tʋtʋ́ŋduoru. Ɓa ka sííwa rɩ́ píŋgáásɛwa arɩ́ saasɛ aá tʋŋ. Ɛ́ tɩɩ nɛ́ ʋ a Amɔŋ tɔ́nɛ nɩɛ ná wuu mí. Ká Davidi rɩ́rʋ́ lalyoore wuu sɩɛ́ bɩrko Zerizalɛmɛ.Ɩzɩrayɛl nɩɛ baa yó lal rɩ́ Filisiti nɩɛ
4 Ɛ́ har mɛ́, lal baa ísí Ɩzɩrayɛl nɩɛ rɩ́ Filisiti nɩɛ pɛ́kɛ Gɛzɛɛrɛ mɛ́. Ɛ́ nɛ́ Sibekayi há lɛ́ Husa ɓʋ́ Sipayi há lɛ́ Rafa duo sɩɛrʋ, a a Filisiti nɩɛ dí hɩ̃ɩ̃sɛ. 5 Lal nɔ́ŋɔ báá ísí Ɩzɩrayɛl nɩɛ rɩ́ Filisiti nɩɛ pɛ́kɛ. Ɛ́ nɛ́ Yayiiri bio Elanaŋ ɓʋ́ Lahimi há ká Goliyatɛ há lɛ́ Gaatɛ maábinɔ́ŋɔ. Ɛ́ Lahimi cɔlmɛ daa zéŋ fa pérí pɛ́ŋsɔɔra vákuo.
6 Lal nɔ́ŋɔ báá ísí Gaatɛ mɛ́. Báperí oro sɩɛ́ fa mɩŋ ráŋ, ʋ nɛ́sɛ wuu kéŋ néníwiisi balgo, ʋ naá má wuu naníwiisi balgo; ʋ néníwiisi rɩ́rʋ́ naníwiisi wuu nɛ́ mɛrɛ́ rɩ́ baná. Ʋ má lɛ́ Rafa duo sɩɛrʋ nɛ́. 7 Ʋ lɩɩ cɛ́ rʋ́ʋ́ mákʋ́ ballɩ́ pá Ɩzɩrayɛl nɩɛ. Ɛ́ nɛ́ Zonataŋ ŋmɔ́wʋ́ ɓʋ́. Zonataŋ áná nɛ́ ká Simeya. Simeya ká Davidi maábinɔ́ŋɔ nɛ́.
8 Ɛ́ báála lɛ́ Gaatɛ nɛ́, Rafa duo nɩɛ sɩɛrʋ. Davidi rɩ́rʋ́ lalyoore nɛ́ ɓʋ́ʋ́sɩ́wɔ́.