Ezekiasɛ zesi wɩ́laabʋllɔ Ezayi cáánɛ
19
1 Kuóro Ezekiasɛ há nɩ́wɔ́ liŋó ná tenni, ʋ kenú gɛnnɛ a cɔ́nnɛ, ká pí jɔɔ laalɛ a mʋ́ Nyuutɩna Wɩɩsɛ Jaa. 2 Ká tʋŋ kuóro zʋ́ɔ́ nɔhɔ̃́ Eliyakiŋ, ʋ rɩ́ kɛŋpʋ́ŋsɔ Sebina arɩ́ nɩɛ ná há ká nɩhɩɛ̃́sɛ vʋk'ɔɔsa ná sɩɛrʋ, ɓa wuu laalɛ jɔrʋ a mʋ́ wɩ́laabʋllɔ Ezayi há ká Amɔtɛ bio rɩ́. 3 Ɓa mʋ́ bʋl Ezayi rɩ́ bʋlɛ́: «Ná Ezekiyasɛ liŋó: Zaa kal né ká sazɔkɔ́ rɩ́ bɛ́ŋsɛ́ arɩ́ hɩɩ̃sɛ tapʋ́l nɛ́. Bee wɩ́ɛ́, háálɔ cɛ́ lʋlɛ́ mɛ́, ká wɩ dóé kené rʋʋ ɩɩ̃nɛ. 4 Rɩɩ́ gbé Nyuutɩna, ɩ Wɩɩsɛ sɩ́ nɛ̃ zómé ná, Asiiri kuóro há tʋ́mʋ́ sóójipúl nɔhɔ̃́, ʋ kaa ko tʋ́ksɛ Wɩɩsɛ ná há wómmó. Rɩɩ́ gbé Nyuutɩna, ɩ Wɩɩsɛ sɩ́ bɛ́ŋsʋ́ a tɩ́ŋ zome ná ʋ há nɩ́ɛ́ wɩ́ɛ́. Ɛ́ wɩ́ɛ́, sʋ́lʋ́ nɩkáánɛ́ ná há wómmó yɩr mɛ́.» 5 Kuóro Ezekiasɛ nɩtʋmɛ́ ná mʋ́ɔ́ ná Ezayi. 6 Ʋ bʋlwɔ́ rɩ́ a bʋlɛ́: «Ɩ́ bɩ́rmʋ́ bʋl nyɛ a pɛ́ɩ́wa nyúútɩ́na: Nyuutɩna Wɩɩsɛ sɛ́: Sɩ́ wɩ́bʋlɛ́ ná ɩ há nɩ́ɛ́ arɩ́ zome ná Asiiri kuóro tʋtʋnna há píé tʋ́ksɩ́ŋ héwíŋ fá. 7 Ŋ sɩ́ hé sabɩɩna ʋ mɛ́: Ʋ sɩ́ nɛ̃ labáárɛ nɔ́ŋɔ a bɩrmʋ́ tɔ́ɔ́. Ráŋ nɛ́ sɩɛ́ rɩ́ŋ a rɩ́wɔ́ ŋmɔ́wʋ́ ɓʋ́ rɩ́ tókowí.Sanaŋkeribi báá bʋl nʋkɩ́ɛ́wɩ́ɛ́
8 Asiiri nɩɛ púl nɔhɔ̃́ nɩ́ɔ́ rʋ́ʋ́ nyúútɩ́na lɛ́ Lakiisi mí, a mʋ́ aá yo Libna tɔ́ɔ́. Ɛ́ nɛ́ ʋ lɛ a mʋ́ʋ́ rɩ́ ráŋ. 9 Asiiri kuóro nɩ́ɔ́ rɩ Etiopi kuóro Tiraka, rʋʋ́ kó rʋ́ʋ́ yóú. Ɛ́ nʋ́ʋ́ baa tɛ liŋó né rɩ́wɔ́ kaa mʋ́ pá Ezekiasɛ: 10 Ɩ́ bʋl nyɛ pá Ziida kuóro Ezekiasɛ: «Rɩ́ɩ́ Wɩɩsɛ ná ɩ há píí yɩɛla hóú mí, sɩ́ɩ́ nyɩ́sʋ́ rɩ́ɩ́ bʋlɛ́: “Asiiri kuóro wɩ Zerizalɛmɛ lá.” 11 Asiiri kuóre há a tɔ́nɛ ná náŋa wuu ɛ́, ɛ́ ná ɓa há zɔ́kwɔ́, ɩ nʋ́ʋ̃́ wérí. Ɩ sɩɛ́ bɩ́ɩ́nɔ́ rɩɩ é níí wóllí fóri>> 12 Ŋ ánáwa há zɔ́kɛ Gozaŋ, Haraŋ, Resɛtɛ rɩ́ Edɛŋ nɩɛ ná fa há mɩ́ŋ Telasaarɛ mɛ́, ɛ́ duowa nɩɛ wɩŋsa wólló láwɔ́ tá rɛ́>> 13 Hamatɛ, Arɛpaadɛ, Layiiri, Sefarvayimi, Hena arɩ́ Iiva kuóre mɩ́ŋ nɛɛ́>>”
Ezekiasɛ wɩ́sʋlɔ́
14 Ezekiasɛ lá kɛnɔ ná Asiiri nɩtʋmɛ́ ná há kené ko, a karmɛ. Ká kaá mʋ́ Nyuutɩna Wɩɩsɛ jaa, a wúrí ɛ́ kɛnɔ cáánɛ Nyuutɩna Wɩɩsɛ. 15 Ɛ́ har mɛ́ ʋ sʋl Wɩɩsɛ a bʋlɛ́: “Nyuutɩna Wɩɩsɛ, Ɩzɩrayɛl Wɩɩsɛ, ɩ nɛ́ háá dí kuorí malɩ́kawa nyúú, ɩ dʋŋɔ léŋ nɛ́ ká duníé dɩtɩ́llɛ́ wuu Wɩɩsɛ, bee wɩ́ɛ́ ɩ nɛ́ á tíé arɩ́ bána. 16 Nyuutɩna Wɩɩsɛ, ɓílí dɩllɛ, a zesi. Nyuutɩna Wɩɩsɛ wúrí sɩ́ɛ́ a ná. Zesi zome ná Sanaŋkeribi nɩtʋmɛ́ ná há píé tʋ́ksɩ́, ɩ é Wɩɩsɛ ná há wómmó. 17 Ʋ ká táŋa rɛ́, Nyuutɩna Wɩɩsɛ, Asiiri kuóre zɔ́kɛ́ duowa ná naŋá arɩ́wɔ́ dɩtɩ́llɛ́. 18 Ɓa wólló pá ɛ́ duowa wɩŋsa a hé níŋ mí, a zɔkwɔ́, beé wɩ́ɛ́, ɓa fa tó táŋa wɩŋsa, amá ɓa ká daasɛ arɩ́ dɔ́wʋ́ɔ́ nɛ́, nɩbííne nɛ́ŋsa nɛ́ ɔ́wɔ́. 19 Mʋ́l ne mɩ́ Nyuutɩna Wɩɩsɛ, á Wɩɩsɛ, lárá tá Sanaŋkeribi nɛ́sɛ mɛ́. Ɛ́ é, dúníé nyúú dɩtɩ́llɛ wuu nɩɛ sɩ́ zɩŋ rɩ́ɩ́ é Nyuutɩna Wɩɩsɛ dʋŋɔ léŋ nɛ́ ká Wɩɩsɛ.”
Ezayi bʋl Nyuutɩna Wɩɩsɛ nʋlɩsɔ́ wɩ́ɛ́
20 Ká Ezayi há ká Amɔtɛ bio sɩɛ́ tɛ liŋó né ɓa kaa mʋ́ a pá Ezekiasɛ: “Ná Nyuutɩna Wɩɩsɛ, Ɩzɩrayɛl Wɩɩsɛ há sʋ́ʋ́ ná: Ŋ nɛ̃́ wɩsʋlɔ́ ná ɩ há sʋ́lɩ́ŋ rɩ́, Asiiri kuóro Sanaŋkeribi wɩ́ɛ́. 21 Ná wɩ́ɛ́ ná Nyuutɩna Wɩɩsɛ há bʋlɛ́ cɩ́nʋ́ mɛ́:
Háwero Sɩɔŋ béló guóní rí, ʋʋ́ mɔmɩ́ rɛ́.
Áŋ mɛ́ rɛ́ ɩ bɩ́bɛsɛ, aá gɩɛnɛ ɛ́>>
Ɩzɩrayɛl Wɩɩsɛ, há kɔ́ʋ́ dʋŋɔ, ʋ mɛ́ nɩ́ɩ́ cɛ́!
23 Ɩ tɩ́ŋɩ́ nɩtʋmɛ́ mɛ́, a tʋ́ksɩ́ŋ é Nyuutɩna.
a bʋlɛ́: 'Ŋ é Sanaŋkeribi tɩ́ŋɩ́ŋ lalyóórítórkowa ɓɩkaná ná mɛ́,
a zɛ́ pallɛ nyúnni ɓóŋɓóŋ,
a zʋ Liibaŋ sɩɛrʋ lúŋlúŋ.
Ŋ cónnú sɛ́ɛ́dɩrɛ tugbóru arɩ́rʋ́ sɩɩpɩrɛ tuwere.
Ŋ bɩ́ɩ́nɛ wɩ́ɛ́ nyáŋ tá fól wuu ní, mʋ́l né mí sɩɛ́, ŋ sɩ́ a rɩ́wɔ́ nʋɔ sú.
héwíŋ mʋ́ʋ́nɩ́wɔ́, hɩɩ̃sɛ má káŋwɔ́.
Ɓa nɩhɩ̃́ baka nyɔ́ɔ́ nɛ́,
anɛ nyɔ́lɔɔ háá wɛ́ɛ́,
anɛ luŋse daha nyɔ́ɔ́,
tɛ́ŋ ná mɛ́ ɩ háá mʋ́ lal, ɛ́ rá má tɛ́ŋ ná mɛ́ ɩ háá lɛ́ lal aá ko,
nyʋkwɩ́bʋlɛ́ ná má zʋ́ŋ dɩlla,
ŋ sɩɛ́ sɩ́ hé hɔɔ ɩ mɩɩsɛ mɛ́,
a hé garka ɩ nʋɔ mɛ́.
Ŋ sɩ́ a rɩ́ɩ́ bɩrtɩŋ ŋmɛ́nɔ ná ɩ há píé ko, a mʋ́ɩ́ jaa. 29 Kɛ́ɩ́ má Ezekiasɛ, ná wɩ́ɩ́ ná há ka nyɩnɛ pɛ́ɩ́: “Dʋla, ɓa sɩ́ dí óŋbíé ná há nyʋ́wɔ́ tɩɩ mɛ́; wɩ́ɩ́rɛ má ɛ́ tɩɩ nɛ́. Amá bɩŋsɛ botoro nyúú mí, ɩ́ sɩ́ wólli du bile a kʋsɛ, a cɔ́ŋsɩ́wa víínyí tuuni a díwó nɔnɔ. 30 Ziida dɩtɩ́llɛ nɩkáánɛ́ sɩ́ nɛ̃́ tuu ná nalursi há zʋ́ tíé, kɔ́ʋ́ nɔnɔ tɔ́ʋ́ hílli mí. 31 Ʋ ká ɛ́ nɛ́, nɩɛ sɩ́ káánɛ Zerizalɛmɛ mɛ́, nɩlúlɩɩlɛ́ sɩ́ káánɛ Sɩɔŋ paalɔ mɛ́.”
Nyuutɩna Wɩɩsɛ há sɩ́ tʋ́mʋ́ ná nɛ́ ɛ́, a tɩ́ŋʋ́ collé zeno ná mɛ́.
32 Ɛ́ wɩ́ɛ́, ná Nyuutɩna Wɩɩsɛ há sʋ́ʋ́ ná a tɩ́ɩ́nɛ Asiiri kuóro mí:
Ʋ wɩ tɔ́ɔ́ né sɩɛrʋ zʋ́,
ʋ wɩ tɔ́ɔ́ né yo rɩ́ hɛŋ,
ʋ wɩ hɔkɛ́rɛ káá cɩ́nʋ́ mɛ́
a tɩ́ŋɩ́ŋ tɩɩ yɩr mɛ́ arɩ́rɩ́ŋ tʋtʋnnɔ Davidi má yɩr mɛ́.»
Asiiri nɩɛ colé arɩ́ Sanaŋkeribi sʋʋ wɩ́ɛ́
35 Ɛ́ tɩ́taŋ, Nyuutɩna Wɩɩsɛ malka túwí Asiiri tɩ́náwa púl, a ɓʋ́ʋ́sɛ báála bʋ́ɩ́ zɔlɔ rɩ́ mɛɛ́sɩbaná arɩ́ bɔmmʋ́ɔ́ (185 000). Tɔ́ɔ́ há pʋ́lɛ́ cɩ́cʋ́ɔ́, nɩɛ isó a ná ɛ́ sʋsɛ́ wuu. 36 Ɛ́ nɛ́ Asiiri kuóro Sanaŋkeribi bɩrmʋ́ Niniivi, a ké ráŋ. 37 Kal oro, ʋ sɩɛ́ há ɓírmú wɩɩsɛ Nɩsɩrɔkɛ jaa sɩɛrʋ, ʋ bɛlɛ ná sɩɛrʋ nɩɛ bɛllɛ, Adɩramɛlɛkɛ arɩ́ Sarɛsɛɛrɛ zʋ́ɔ́ ɓɔ́ʋ́ ɓʋ́ rɩ́ tókowí ká fá a mʋ́ Araratɛ tɔ́ɔ́. Ʋ bio nɔ́ŋɔ, Asaradɔŋ nɛ́ lɔ́ʋ́ nyúú mí a dí kuorí.