7
1 Ɛ́ nɛ́ Elize sɛ́: «Ɩ́ zesi Nyuutɩna Wɩɩsɛ wɩ́bʋlɛ́: Ná Nyuutɩna Wɩɩsɛ há sʋ́ʋ́ ná: “Cíé, nyɛ́ cɛ́rɛ mɛ́, míŋ kííló fí rɩ́ bɛllɛ yɛlɩ́ sɩ́ a meéwicaaka balá, ká rɩ́ ɔ́rzɛ kííló mɛ́rɛ rɩ́ baná má yɛlɩ́ a meéwicaaka balá, Samari dánnʋɔ mɛ́.”» 2 Ɛ́ nɛ́ kuóro sóójipúl nɔhɔ̃́ ná há kénú aá va tɛ́ŋ wuu mí, bʋl Wɩɩsɛ báálɔ rɩ́ a bʋlɛ́: Rɩ́ Nyuutɩna Wɩɩsɛ fa có rʋ́ʋ́ luri tókórówa baná nyúú má, ɩ wɩ́bʋlɩ́ né sɩ́ wóllí tʋ́ŋ>>» Ɛ́ nɛ́ Elize sɛ́: «Ɩ tɩɩ sɩ́ɩ́ sɩ́ ná ɛ́ ɓɩdííle, amá ɩ wʋ́ɔ́ dí.»Siiri sóójiwa fɔ́ɔ́ ká tɔ́wɔ́ púl
3 Dáyɛ́lma baná fá mɩŋ tɔ́ɔ́ ná dánnʋ́ɔ́ mɛ́. Ɓa bʋl náŋá rɩ́ a bʋlɛ́: «Beé rí tɛ á ké rɛ́ɛ́wa, aá dɛ́llɩ́rá sʋʋ>> 4 Rɩ ráá nɛ́ sɛ́: Á zʋ tɔ́ɔ́ sɩɛrʋ, á sɩ́ sʋsɛ ráŋ, beé wɩ́ɛ́, losu mɩ́ŋ tɔ́ɔ́ ná sɩɛrʋ. Rɩ ráá nɛ́ báá káánɛ rɛ́ɛ́ má, á háá sʋ́sɛ́ nɛ́! Á káŋrá tɩɩ mʋ́ pá Siiri sóójiwa. Rɩ ɓa sɩ́ ráá ka mɩɩsɛ, ráá ka; rɩ ɓa báá ɓʋ́ʋ́sɩ́rá má nɛ́, rɩ́wɔ́ ɓʋ́ʋ́sɛ!» 5 Tɩtábirfɛl tɛ́ŋ mɛ́, ɓa isi a caasɛ Siiri sóójiwa púl, aá mʋ́. Ɓa há mʋ́ɔ́ peri Siiri sóójiwa púl, rɩ nɛ́ŋ wuu to ráŋ. 6 Bee wɩ́ɛ́, Nyuutɩna fa ɔ́ɔ́ Siiri sóójiwa nɛ lalyóóre púl ɓɩzeno rɩ́wɔ́ záksɛ arɩ́wɔ́ lalyóórítórkowa dɔ́mɛ ɓa púl mí, ɓa bʋl náŋá rɩ́ a bʋlɛ́: «Ɩzɩrayɛl kuóro yɔ́wɛ́ Hɛtɛ duo nɩɛ kuóre arɩ́ Ezipiti nɩɛ kuóre ní, rɩ́wɔ́ ko yórá!» 7 Tɔ́ɔ́ há kúé aá bíri, ɓa ísó fá rɩ́wɔ́ láwɔ́ mɩɩsɛ; ká tɔ́wɔ́ púl rɩ́wɔ́ taŋtɛwa, rɩ́wɔ́ záksɛ arɩ́wɔ́ kokúsi. 8 Dayɛ́lma ná mʋ́ɔ́ a peri púl ná, a zʋ táŋtɛ nɔ́ŋɔ sɩɛrʋ, a dí ká nyɔ. Ká pá wárɛ rɩ́ salmɛ arɩ́ gɛnnɛ, a kaa mʋ́ féŋsi. A baa lɩɩ mʋ́ zʋ́ táŋtɛ nɔ́ŋɔ má sɩɛrʋ, a pá cɩksɛ náŋa, a káŋwɔ́ má mʋ́ féŋsi.
Samari laatɛ́ wɩ́ɛ́
9 Ká dayálma ná bʋl náŋá rɩ́ a bʋlɛ́: «Á háá ɔ́ɔ́ ná, ʋ wɩ weri: Zaa ká labáárɛwero tápʋl nɛ́. Rɩ raá nɛ́ lóé rɩ tɔ́ɔ́ pʋl, ká rá búóli ɛ́ labáárɛ, á sɩ́ ná bɛŋsɛ́. Ɩ́ ko mʋ́l né mí, ráá mʋ́ búóli ɛ́ labáárɛ a pá kuóro zʋ́ɔ́ nɩɛ.» 10 Ɓa bɩrmʋ́ a yɩ́rɛ tɔ́ɔ́ ná dánnʋpɔ́ɔ́rɔ nɔ́ŋɔ, a bíl nʋɔ pɔ́ʋ́ a bʋlɛ́: «Á zʋ́ Siiri nɩɛ púl sɩɛrʋ, nɛ́ŋ wuu báá tó ráŋ, á wɩ nɩbíŋ wuu liŋó nɩ́ɛ́. Záksɛ rɩ́ kokúsi dʋŋɔ nɛ́ vɔ́sɛ́ ráŋ, a súúríwó táŋtɛwa ɓa há fɛ́ɛ́ ká tá ɓa cɩ́ŋwɔ́ cɩ́nɛ́.» 11 Dánnʋpɔ́ɔ́ra ná yɩ́rɛ nɛrɔ nɔ́ŋɔ mʋ́l ná tɩɩ mɛ́, ʋ ká labáárɛ ná zʋ́ kuóro zʋ́ɔ́ sɩɛrʋ. 12 Ɛ́ nɛ́ kuóro isi tɩ́tafɩɛla, a bʋlʋ́ tʋtʋnna rɩ́ a bʋlɛ́: «Ɩ́ lo rɩ́ŋ máŋsɛ Siiri nɩɛ há bɩ́ɩ́nʋ́ ná á mɛ́! Ɓa ɩ́ɔ̃́ rɩ́ losu kéŋrá: ɛ́ nɛ́ tɛ ɓa tɔ́wɔ́ púl ká mʋ́ féŋsi gɩr sɩɛrʋ, ká bʋlɛ́: «Rɩ ɓa kúó lɛ tɔ́ɔ́ ná mɛ́, á sɩ́ kɛ́sɩ́wɔ́ ɓɩwómme, ká zʋ tɔ́ɔ́ ná sɩɛrʋ.» 13 Ʋ tʋtʋnna sɩɛrʋ nɛrɔ nɔ́ŋɔ bʋlʋ́ rɩ́ a bʋlɛ́: «Á kɛ́sɛ záksɛ bɔmmʋ́ɔ́, ɓa ná há káánɛ a mɩ́ŋ tɔ́ɔ́ sɩɛrʋ. A rɩ́ ɛ́ wuu, ɓa maá a rɩ́wɔ́ sʋsɛ anɛ ɛ́ tɔ́ɔ́ ná nɩɛ wuu háá a rɩ́wɔ́ sʋsɛ ɛ́ nɛ́. Á tʋŋ nɩɛ naŋá arɩ́ ɛ́ záksɛ, rɩ́wɔ́ mʋ́ ná wɩ́ɩ́ há mɩ́nɛ́. 14 Ɓa hé záksɛ, lalyóórítórkowa bɛllɛ mɛ́, kuóro tʋŋ sóójiwa rɩ́wɔ́ kiri Siiri sóójiwa har, kɔ́ʋ́ sɛ́: Ɩ́ mʋ́ ná. 15 Ɓa kírwó har mʋ́ peri Zʋrdɛŋ fuo. Ŋmɛ́nɔ wuu sú rɩ́ gɛnnɛ arɩ́ onni náŋa Siiri nɩɛ há yóé tá, ɓa háá já kɩ́kɛ́lɛ́ wɩ́ɛ́. Ɛ́ nɛ́ nɩtʋmɛ́ ná bɩrko bílwó sɩ́ɩ́ há nóú ná nʋɔ pá kuóro. 16 Ɛ́ nɛ́ Samari nɩɛ mʋ́ Siiri nɩɛ púl, a pɔ́wɔ́ onni. Meéwícááka balá peri míŋ kíló fí rɩ́ bɛllɛ ɛ́ ráá má ɔ́rzɛ kíló mɛrɛ́ arɩ́ baná yɔ́wɛ́ anɛ ɛ́ Nyuutɩna Wɩɩsɛ fa há bʋlɛ́. 17 Kuóro fa tʋ́mʋ́ tʋtʋnnɔ ná há kénú aá va tɛ́ŋ wuu mí ní, rʋ́ʋ́ pɔ́ tɔ́ɔ́ dánnʋɔ mɛ́. Amá nɩɛ ná háá yiki náŋá dánnʋɔ ná mɛ́, ɓa nʋ́ɔ́sʋ́ a ɓʋ́, anɛ ɛ́ ná Wɩɩsɛ báálɔ fa há bʋlɛ́, tɛ́ŋ ná mɛ́ kuóro fa há kóú rí. 18 Wɩɩsɛ báálɔ fa bʋl kuóro rí a bʋlɛ́: «Cíé, nyɛ cɛ́rɛ́ mɛ́, meéwícaaka balá sɩ́ yɔwɛ míŋ kííló fí rɩ́ bɛllɛ ɛ́ rá má ɔ́rzɛ kííló mɛrɛ́ rɩ́ baná, Samari dánnʋɔ mɛ́. 19 Ɛ́ nɛ́ kuóro tʋtʋnnɔ ná fa bʋl Wɩɩsɛ báálɔ ná rɩ́ a bʋlɛ́: «Rɩ Nyuutɩna Wɩɩsɛ fá có rʋ́ʋ́ luri tókórowa é bána nyúú, ɩ wɩ́bʋlɩ́ né sɩ́ wóllí tʋŋ>>» Ɛ́ nɛ́ Elize fá bʋlʋ́ rɩ́ a bʋlɛ́: «Ɩ sɩ́ɩ́ sɩ́ ná, amá ɩ wʋ́ɔ́ dí» 20 Ɛ́ nɛ́ sɩɛ́ ɓɩɛná tʋ́mɛ́: Nɩɛ ná fa háá yiki náŋá dánnʋɔ mɛ́ nʋ́ɔ́sʋ́ ɓʋ́.