Salomɔŋ kuorí sɩɛrʋ nɩhɩ́ɛ̃́sɛ arɩ́rʋ́ tʋtʋnnɩhɩ́ɛ̃́sɛ wɩ́ɛ́
4
1 Salomɔŋ nɛ́ fa ká kuóro Ɩzɩrayɛl tíé wuu mí. 2 Ʋ tʋtʋnnɩhɩ́ɛ̃́sɛ nɛ́ fa ká nyáŋ: Sadɔkɛ bio Azarɩya nɛ́ fa ká Wɩɩsɛ vʋk'ɔɔsɔ; 3 Ɛlɩhɔrɛfɛ arɩ́ Ahɩya, há ká Sɩsa bɛlɛ nɛ́ fa ká nɩɛ ná háá pʋ́ŋsɩ́wɔ́ kɛnnɛ; Ahiludi bio Yosafatɛ má nɛ́ faá buoli kuóro nʋɔ wɩ́ɛ́; 4 Yehoyada bio Benaya má nɛ́ fa ká lalyoore nɔhɔ̃́, Sadɔkɛ arɩ́ Abɩyataarɛ má a Wɩɩsɛ vʋk'ɔɔsa. 5 Nataŋ bio Azarɩya má nɛ́ fa ká tʋtʋnnɩhɩ́ɛ̃́sɛ ná nɔhɔ̃́. Nataŋ bio nɔ́ŋɔ, ɓa háá yɩ́rɛ Zabudi má fa ká Wɩɩsɛ vʋk'ɔɔsɔ, ká pɛ́ cɩ́cáánɛ kuóro. 6 Ahɩsarɛ má nɛ́ faá bel kuóro jaa mɛ́; ká Abɩda bio Adɔnɩramɛ má bíbel nɩɛ ná háá tʋŋ yótʋtʋmɛ́. 7 Salomɔŋ fa kéŋ tʋtʋnnɩhɩ́ɛ̃́sɛ fí arɩ́ bɛllɛ nɛ́, ɓa bíbel Ɩzɩrayɛl tíé wuu mí. Ɓa nɛ́ sɩɛ́ fa kéŋ ɓɩdííle ko aá pá kuóro rɩ́rʋ́ jaa nɩɛ. Ɓa oro wuu sɩɛ́ fa tɛ ɓɩdííle ná kaa kóé cana sɩ́ɩ́ nɛ́, bɩna wuu sɩɛrʋ. 8 Ɓa yɩra nɛ́ nyɛ:Huuri bio, ʋ nɛ́ faá bel Ɩfɩrayɩŋ tíé ná pallɛ há kánɔ́ mɛ́.
9 Dɛkɛɛrɛ bio, ʋ má nɛ́ faá bel tɔ́nɛ nyáŋ mɛ́: Makasɛ, Saalibimi, Bɛtɩsɛmɛsɛ arɩ́ Ɛlɔŋ'Bɛtɩhanaŋ.
10 Hɛsɛdɛ bio há mɩ́ŋ Arʋbɔtɛ mɛ́, ʋ má nɛ́ faá bel Soko dɩ́tɩllɛ mɛ́ arɩ́ Hɛfɛrɛ tíé wuu mí.
11 Abɩnadabɛ bio má nɛ́ faá bel Dɔɔrɛ dɩtɩ́llɛ mɛ́. Ʋ nɛ́ fa já Salomɔŋ toló Tafatɛ.
12 Ahiludi bio Baana má nɛ́ faá bel Tanakɛ arɩ́ Megido dɩtɩ́llɛ́ mɛ́. Ʋ nɛ́ haá bel Bɛtɩsɩaŋ wuu ha lɛ́l tɔ́ɔ́ ná ɓa háá yɩ́rɛ Sarɩtaŋ, Zɩzɩrɛyɛl mʋ́l rɩ́, a pɔ́ Bɛtɩsɩaŋ mɛ́, a kaa mʋ́ Abɛl Mɛhɔla, a caŋ mʋ́ Yɔkɩmɩyamɛ.
13 Gɩbɛrɛ bio há mɩ́ŋ Ramɔtɛ mɛ́, Galaadɛ tíé mí, ʋ nɛ́ faá bel Yayiri dɩ́tɩllɛ mɛ́. Manase bio há mɩ́ŋ Galaadɛ mɛ́, ʋ nɛ́ faá bel Argɔbɛ há mɩŋ Basaŋ tíé mí rɩ́rʋ́ tɔ́zeŋse ná mɛɛ́sɩbotoro ɓa há sɔ́ zeŋe kíl, a ka kɔmɔ́ ɔ́wɔ́ bonni dɩyakɛ́.
14 Ido bio Ahɩnadabɛ nɛ́ faá bel Mahanayimi tíé wuu mí;
15 Ahɩmasɛ nɛ́ faá bel Nɛfɩtalɩ tíé wuu mí. Ʋ má fa já Salomɔŋ toló ná ɓa háá yɩ́rɛ Basɩmatɛ.
16 Husayi bio Baana nɛ́ faá bel Asɛɛrɛ tíé arɩ́ tɔ́ɔ́ ná ɓa háá yɩ́rɛ Bɩyalɔtɛ.
17 Paruwa bio Zozafa nɛ́ faá bel Ɩsakaarɛ tíé mí.
18 Ela bio Simeyi nɛ́ faá bel Bɛŋzamɛ tíé mí.
19 Uri bio Gɩbɛɛrɛ nɛ́ faá bel Galaadɛ mɛ́, dɩhɩ̃́ ná Amoritiwa kuóro Sɩhɔŋ arɩ́ Basaŋ kuóro Ɔgɛ fa há kéné. Ká nɔhɔ̃́ fa mɩŋ a bíbel tíé ná wuu mí.
20 Ziida arɩ́ Ɩzɩrayɛl nɩɛ fa púló kɩ́ŋkáŋ anɛ guóhɩɛl há pɛ́ mʋʋ nʋɔ. Ɓa wuu di ká nyɔ aá peri, a mɩŋ satɔrɔ́ mɛ́.