SAMƲƐL BƲLLƐ KƐNƆ
Davidi nɩ́ɔ́ rɩ kuóro Sayul sʋ́wɔ́
1
1 Kuóro Sayul há kué sʋwɛ, Davidi ná fa há yóé dí Amalɛkɛ nɩɛ, bɩ́rɔ́ ko Sikilagɛ a ké ráŋ tápʋlɛ bɛllɛ. 2 Ʋ tápʋlɛ botoro kal, nɛrɔ nɔ́ŋɔ lɛ́ kuóro Sayul lalyoore púl a ko, ʋ gɛnnɛ wuu cɔ́nnɛ ká kuŋkulo tɔ́ʋ́ nyúú wuu mí. Ʋ há kúé peri Davidi, ʋ túwó ɓɩ́rmú sɩ́ɛ́. 3 Davidi bɔ́sʋ́: « Nɛ́ɛ́ rɛ́ ɩ lɛ » Ɛ́nɛ́ ʋ sɛ́: « Ŋ lɛ́ Ɩzɩrayɛl lalyoore púl ní. » 4 Davidi baa bɔ́sʋ́: « Béé rí kué >> Tɩ́ŋʋ́ naasɛ páŋ!» Rʋʋ sɛ́: « Ɩzɩrayɛl lalyoore fɔ́ʋ́ ká tá lal, ká ɓa ɓɩkana ɓallɛ a sʋsɛ. Kuóro Sayul tɩɩ rɩ́rʋ́ bio Zonataŋ má sʋ́sɔ́. 5 Ɛ́ nɛ́ Davidi baa bɔ́sɛ ɛ́ báálɔ: « Ɩ á ɛrɛ́ ká zɩŋ rɩ́ Sayul rɩ́rʋ́ bio Zonataŋ sʋ́sɔ́ » 6 Báwie ná há bíl nʋɔ áá pɔ́ʋ́ sɛ́: «Ŋ fa mʋ́ɔ́ mɩŋ Gilbʋa paalɔ nyúú ní, a cɛ́rɛ, rɩ kuóro Sayul zɩ́nɔ́ gúú cɔlmɛ mɛ́́, ká zakzɩ́na rɩ́ lalyóórítorkowa sɩɛ́ ko lɛrmʋ́ hé. 7 Ʋ bɩ́rɔ́ bel a náŋ, a yɩ́rɩ́ŋ. Ɛ́ nɛ́ ŋ sɛ́ : «Ɛ nɛ́ ŋ sáŋ a bʋlɛ néŋ ní.» 8 Ʋ bɔ́sɩ́ŋ: Aŋ rɩ́ kɛ́ɩ́: Ɛ́ nɛ́ ŋ sɛ: Ŋ ká Amalɛkɛwa nɛ́ŋ rɛ́. 9 Ɛ́ nɛ́ ʋ sɩ́ŋ tuuperi ɓʋ́ʋ́, rʋ́ʋ́ sɩ́ɛ́ wuu ní bíré, kɔ́ʋ́ hiẽsó ha wɩ ténné. 10 Ɛ́ nɛ́ ŋ tuuperi a ɓʋ́ʋ́, beé wɩ́ɛ́ ŋ há nóú, ŋ ɩ́ɔ̃́ rʋʋ báá waá wa. Káŋ wúri nyúbála ná há cú nyúú mí, a lɩ́sɛ nɛ́sɛhɔɔ ná má há mɩ́nʋ́ nɛ́sɛ mɛ́́; nówó ní ŋ kaa ko rɩ́ŋ pɛ́ɩ́, ŋ nyuutɩna. 11 Davidi dee kánʋ́ gɛnnɛ cɔ́nnɛ; nɩɛ ná há mɩ́nʋ́ laka má cɔ́nnɩ́wɔ́ gɛnnɛ. 12 Ká ɓa wí yuó a kaá ja gbaŋ, ɓa wɩ óŋ wuu díé, ká wi Sayul rɩ́rʋ́ bio Zonataŋ mɛ́́, arɩ́ Ɩzɩrayɛl nɩɛ ná wuu há ká Nyuutɩna Wɩɩsɛ púl nɩɛ mɛ́́; ɓa nɩɛ ná wuu lal sii há ɓʋ́ʋ́sɛ́ mɛ́́. 13 Ɛ́ nɛ́ Davidi baa bɔsɛ báwie ná há tʋ́ŋ yúó pɔ́ʋ́ bʋlɛ́: « Ɩ lɛ́ nɛ́ rɛ́ » Ɛ́ nɛ́ ʋ sɛ́: «Ŋ ká Amalɛkɛ tɩ́náwa báálɔ oro, há ká zʋ́zʋʋlɛ́ tɔ́ɔ́ né mí, bio ní.» 14 Davidi sɛ́: «Béé rí ɩ wɩ héwíŋ fɛ́ɛ́, ká ɓʋ́ Nyuutɩna Wɩɩsɛ nɩlɩ́sɛ!» 15 Davidi yɩ́rʋ́ sóóji nɔ́ŋɔ, a bʋ́lʋ́ rɩ́ bʋlɛ́: «Tuuperi a ŋmɔ́wɛ báálɔ́ né ɓʋ́! » Sóóji ná peri ŋmɔwɛ ɓʋ́; 16 Davidi sɩɛ́ fa la sɩ́ɛ́ bʋl pɔ́ʋ́: « Ɩ sʋʋ kɛ́ɩ́ tɩɩ nyúú wɩ́ɩ́; ɩ bʋ́l wɩ́ɛ́ vɔ́wɩ́ tɩɩ. Ɩ há sɛ́: ‹Ŋ nɛ́ ɓʋ́ Nyuutɩna Wɩɩsɛ nɩlɩ́sɛ› »Davidi ɓá Sayul rɩ́ Zonataŋ yúó zeŋbí
17 Ɛ́ nɛ́ Davidi sɩɛ́ ɓá zeŋbí né Sayul rɩ́rʋ́ bio Zonataŋ sʋʋ wɩ́ɛ́. 18 Ká bʋlɛ́ rɩ́wɔ́ máŋsʋ́ a pá Ziida tɔ́ɔ́ nɩɛ wuu. Yɩl ná ɓa há yɩ́ɛ́ pá túyóóre ní; ɓa pʋ́ŋsʋ́ hé nɩtáŋa kɛnɔ sɩɛrʋ. Ɛ́ yɩl nɛ́ nyɛ: 19 « Ɩzɩrayɛl, beé rí ɓʋ́ʋ́sɩ́ lalyóóríbɩbara nyɛ>>
Ɩ́ sóójibɩbara nɛ́ jɛ́rɛ́ dúŋduóme daha nyɛ>>
20 Ɩ́ sɩ́ ɛ́ labáárɛ búólú Gatɛ tɔ́ɔ́ sɩɛrʋ,
Ɩ́ sʋ́ʋ́ césú Asɩkalɔŋ ŋmɛ́ŋsɛ nyunni,
rɩ́ Filisiti nɩɛ tolé sɩ́ ísí jʋɔ́sɛ,
rɩ́ pɛŋkɛnnɛ tɩ́náwa tolé sɩ́ ísí nyʋ́kɛ.
21 Gilbʋa pallɛ,
rɩ́ duóŋ rɩ́ nyɛlɔ sɩ́ɩ́wa nyúú túwú,
rɩ́ɩ́wa daha baksɛ sɩ́ kɔrɔ kánʋ́.
ɩ́ daha nɛ́ sóójibibara hɔkɛrɛ zʋ busunnu,
Sayul hɔkɛ́rɛ ná nʋʋ báá há wʋ́ʋ́ mɩ́ɩ́ laarɛ
22 Dɩŋdɔmɔ cɛllɛ sɩ́ɛ́, sóójɩbibara nʋnnɛ sɩ́ɛ́,
Zonataŋ tuó waá cɩkɛ
Sayul má tókowi wɩ lɩ́ɛ́ ká bɩrɩ́ áá zʋ yɔ́ɔ́.
23 Nɩɛ fa có Sayul rɩ́ Zonataŋ wérí ɓa híẽsó mí,
sʋʋ má tɩɩ wʋ́ɔ́ náŋá mɛ́ kɛ́nnɛ́,
ɓa fa lʋ́mɔ́ kɩ́llɛ kiesé,
ɓa fa kéŋ baŋcɩpɩrɩ́ kɩ́llɛ kɩ́ŋkánáwa.
24 Ɩzɩrayɛl háála, ɩ́ wi Sayul mí!
Ʋ nɛ fa tɛ ɩ́ ná gɛwere aá su,
a ɓɩ́ɛ́rɩ́wa gɛnʋʋsɛ rɩ́ salmɛ pɛ́ɩ́wa.
25 Béé rí ɓʋ́ʋ́sɛ lalyóóríbɩbara lal mɛ́,
Béé rí tɛ Zonataŋ sʋwɛ dʋ́ŋduóme daha>>
26 Ŋ sɩɛrʋ wuu ní zɔ́kɛ́ ɩ wɩ́ɛ́, Zonataŋ,
ŋ maábinɔ́ŋɔ káŋ naŋnɔ́ŋwero.
Ɩ fa há cóŋ ɛ́ ʋ wɩ woó máŋsɛ,
Ɩ fa há cóŋ ɛ́, ʋ kɛ háála cólle.
27 Ow! lalyóóríbɩbara sʋ́sɔ́,
soojibɩbara yʋ́ksɔ́.