Samɩɛl dʋ́ŋdʋ́ʋ̃́ kɛnɔ
Aanɛ sʋ́l bio Wɩɩsɛ rɩ́
1
1 Báálɔ oro fa mɩŋ Efɩrayimi tíé, ɓaá yɩ́rʋ́ Ɛlkana. Ʋ lɛ́ pallɛ sɩɛrʋ tɔ́ɔ́ ná ɓa háá yɩ́rɛ Rama nɛ́. Ʋ áná yɩr nɛ́ Yerohaŋ. Yerohaŋ má áná yɩr nɛ́ Elihu. Elihu má áná yɩr nɛ́ Tohu. Tohu má áná yɩr nɛ́ Sufi. 2 Ɛlkana sɩɛ́ fa kéŋ háála bɛllɛ; nɔ́ŋɔ yɩr nɛ́ Aanɛ, ká nɔ́ŋɔ yɩr a Penina. Penina é fa lʋ́l bɛlɛ, ká Aanɛ wɩ bíí kené. 3 Bɩná wuu, Ɛlkana sɩ́ isi mʋ́ Wɩɩsɛ jaa Silo mí, rʋ́ʋ́ cʋɔlɛ Nyuutɩna Wɩɩsɛ ná há kɛ óŋ wuu, ká ɔsɛ vʋk pɔ́ʋ́. Báálɔ ná ɓa háá yɩ́rɛ Eli, ʋ bɛlɛ nɛ́ fa ká Nyuutɩna Wɩɩsɛ vʋk'ɔɔsa a mɩŋ Silo mí. Ɓa yɩra nɛ́ ká OFini rɩ́ Finéya.4 Kál ná rɩ Ɛlkana nɛ́ ɔ́sɛ́ vʋk, ʋʋ́ coki namɩɛ pá Penina, a conni pá Penina bɛlɛ má wuu. 5 Ká pi dɩzeno ní pá Aanɛ é. Beewɩ́ɛ́, Nyuutɩna Wɩɩsɛ wɛ Annɛ lʋlɔ pɛ́ɛ́, kɔ́ʋ́ cóllú ní kɩ́ŋkáŋ. 6 Ɛ́ nɛ́ kál wuu sɩɛ́, ʋ hánɔ́ŋɔ Penina líláámú, a makɛ rʋ́ʋ́ cɔ́ɛ́ wɛ, Nyuutɩna Wɩɩsɛ há wʋ́ʋ́ lʋlɔ pɛ́ɩ́ wɩ́ɛ́. 7 Bɩná wuu dé, ɛ́ nɛ́. Rɩ Aanɛ nɛ́ mʋ́ Wɩɩsɛ jaa rʋ́ʋ́ cʋɔlɛ Nyuutɩna Wɩɩsɛ, Penina máá jɔ́ʋ́ nʋɔ mɛ́ ɛ́ nɛ́. Aanɛ sɩɛ́ de wíwi, a vɛ ɓɩɛ díí. 8 Bɩna oro, ʋ háá wi ɛ́, ʋ bála Ɛlkana bɔ́sʋ́ bʋlɛ́: «Aanɛ, Beérí kení ɩ wíwi>> ɩ sɩɛrʋ zɔkɛ ɩ wɩ ɓɩɛ́ dí>> Ŋ wɩ bɛlɛ fí mí cúcó a pɛ́ɩ́>>»
9 Ɓa há dí ɓɩɛ tenni, a nyɔ sɩ́ŋ má tenni Silo mí, Aanɛ ísó. Wɩɩsɛ vʋk'ɔɔsɔ Eli fa yéllú dɩcak'gɓó mí, Nyuutɩna Wɩcʋɔlɩjaa dánnʋɔ. 10 Ká Aanɛ sɩɛrʋ wuu zɔkɛ, ʋ cʋɔlɛ Nyuutɩna Wɩɩsɛ káá bɩ́sɛ sɩ́mɩɩrʋ. 11 A tá nʋɔ pá Wɩɩsɛ a bʋlɛ́: >>Nyuutɩna Wɩɩsɛ há kɛ óŋ wuu, rɩɩ bélíŋ susu né, a bɩ́ɩ́nɩ́ŋ wɩ́ɛ́, rɩɩ wɩ́ŋ wɩ́ɛ́ sʋ́llɛ́, ŋ há kɛ́ɩ́ tʋtʋ́nnʋ́, ká lo rɩ́ŋ má lʋl heŋbólé, ŋ sɩ́ púú pɛ́ɩ́ Nyuutɩna Wɩɩsɛ, rʋ́ʋ́ ɛ́ɩ́ óŋ, ʋ hiẽsó wuu mí. Ɓa wʋ́ʋ́ nyúú píérí ná.>> 12 Aanɛ cʋɔlɛ Nyuutɩna Wɩɩsɛ dáánɛ, ká Eli ké aá kɩ́ɛ́lʋ́ mɛ́. 13 Ʋ há cʋ́ɔ́lɛ Wɩɩsɛ aá hóú sɩɛrʋ, nɛ́ŋ wʋ́ʋ́ wɩ́bʋlɛ́ nɛ́, kɔ́ʋ́́ nʋkɛnnɛ dʋŋɔ zízíksi, Eli bɩ́ɩ́nɔ́ rɩ sɩ́ŋ nɛ́ ʋ nyɔɔ buki. 14 Ɛ́ nɛ́ ʋ bʋ́lʋ́ rɩ́ bʋlɛ́ : >>Kal beé rí, rɩ́ sɩ́ŋ lɩ́ɩ́ sɩ́ɛ́ mɛ́>> Kánɩ́ sɩ́ŋ mʋ́ dɩhúó rɩ́wɔ́ lɩ́ɩ́ sɩ́ɛ́ mɛ́.>> 15 Ɛ́ nɛ́ Aanɛ sɛ́: >>Aɩ́! ŋ naabál ká háálɔ ná wɩɩla há wɩ́ŋ mɛ́ nɛ́; Ŋ wɩ sɩ́ŋ nɛ́ nyɔ́ɛ́ buki. Amá, ŋ wɩɩla nɛ́ ŋ ko cesi aá pá Nyuutɩna Wɩɩsɛ. 16 Sɩ́ŋ píí makɛ háálɔ ná há ká nɩkɔsʋ́. Wɩɩla rɩ́ bɩɩna nɛ́ wɩ́ɩ́ tʋtʋnnɔ mɛ́ a mʋ́ daarɛ, ŋ bʋl wɩ́ɛ́ aá dáánɛ ɛ́.>> 17 Ɛ́ nɛ́ Eli sɛ́: >>Isi aá mʋ́ jáá arɩ́ tɛŋfɩ́ɛ́l. Rɩ́ Ɩzɩrayɛl Wɩɩsɛ pɛ́ɩ́ omo ná ɩ há sʋ́lʋ́ rɩ́.>> 18 Ɛ́ nɛ́ Aanɛ bʋ́lʋ́ rɩ́ bʋlɛ́: >>Ŋ kɛ́ɩ́ tʋtʋnnɔ nɛ́; lo rɩ́ɩ́ bárka péríŋ.>> Ká Aanɛ sazɔkɔ́ wuu tenni, ʋ isi zʋ jaa a dí ɓɩdííle sɩ́ɛ́ puri.
19 Tɔ́ɔ́ pʋl, Elkana rɩ́rʋ́ jaanɩɛ cɔŋ zʋʋ ɓírmi Nyuutɩna Wɩɩsɛ sɩ́ɛ́, a cʋ́ɔ́lʋ́, ká bɩrcol Rama, ɓa tɔ́ɔ́. Aanɛ zʋ́ʋ́ bála Ɛlkana basa, ká Nyuutɩna Wɩɩsɛ má saŋ Aanɛ sʋlɛ́.
Samɩɛl lʋlɛ́ wɩ́ɛ́
20 Ɛ́ bɩna sɩɛrʋ, Aanɛ kéŋ puo, a ko lʋl heŋbóle. Ɛ́ nɛ́ ʋ sɛ́: >>Ʋ yɩr nɛ́ Samɩɛl, bee wɩ́ɛ́ ŋ sʋ́lʋ́ Nyuutɩna Wɩɩsɛ rɩ́ nɛ́.>> 21 Bɩna nɔ́ŋɔ báá há péré, Ɛlkana rɩ́rʋ́ jaanɩɛ báá mʋ́ Silo, rɩ́wɔ́ ɔsɛ bɩna vʋk pá Nyuutɩna Wɩɩsɛ, ká lɩ́sɩ́wɔ́ nʋtálɔ má. 22 Amá Aanɛ é wɩ mʋ́ɛ́. Ʋ bʋ́lʋ́ bála rɩ́ bʋlɛ́: >>Ŋŋ́ já rɩ́ŋ bio ní ko tá ɩ́l, rɩ́ŋ sɩɛ́ kánʋ́ mʋ́ Wɩɩsɛ jaa Silo mí a pá Nyuutɩna Wɩɩsɛ, ká púú tá ráŋ.>> 23 Ʋ bála Ɛlkana sɛ́: >>Ɔ́ʋ́ ná há cɛ́rɛ́ a pɛ́ɩ́. Ké, rɩ́ɩ́ bio bíéri, rɩ́ɩ́ lɩ́sʋ́ ɩ́l mɛ́. Rɩ́ Nyuutɩna Wɩɩsɛ nʋɔ é ha sú.>> Ɛ́ nɛ́ Aanɛ ké Rama mɛ́, ʋ bio bíéri ʋ lɩ́sʋ́ ɩ́l mɛ́. 24 Aanɛ há kúé lɩ́sʋ́ bio ná ɩ́l mɛ́, ʋ ísó ja nɔɓallɛ botoro, a ja míŋ peri gárá, a rɩ́ dɩvɩ́ŋ má nyii pur sɩ́ɩ́; a sɩɛ́ púú bio ná ha há múúré, a mʋ́ Silo, a kánʋ́ zʋʋ tá Nyuutɩna Wɩcʋɔlɩjaa mɛ́, rʋ́ʋ́ tʋ́tʋŋ. 25 Ʋ rɩ́rʋ́ bála ɓʋ́ nɔɓala ná, ká isi káŋwɔ́ bio ná mʋ́ pá Eli. 26 Ká Aanɛ sɛ́: >>Ŋ naabál, taŋá taŋá hál oro fa wɩ kúé ɓírmi tíé ɩ laka rɛɛ́ a sʋl oŋ́ Nyuutɩna Wɩɩsɛ rɩ́>> Ŋ nɛ́ ká ɛ́ háálɔ. 27 Bio né ní fa ŋ sʋ́sʋl Wɩɩsɛ rɩ́; ʋ sɩɛ́ páŋ rɛ́. 28 Ʋ nɛ́ ŋ má baa kaa ko rɩ́ŋ pá Nyuutɩna Wɩɩsɛ, rʋ́ʋ́ tɩ́llʋ́ ʋ hiẽsó wuu mí.>> Ɛ́ nɛ́ ká ʋ rɩ́rʋ́ bála ɓírmi tíé, a cʋɔlɛ Nyuutɩna Wɩɩsɛ.