Davidi dí Ziida kuorí, Ɩbɩrɔŋ mɛ́
2
1 Ɛ́ wɩ́ɛ́ há dáárɛ́, Davidi bɔ́sɛ́ Nyuutɩna Wɩɩsɛ a bʋlɛ́: « Ŋ́ isi mʋ́ Ziida tɔ́zeŋsi nyáŋ nɔ́ŋɔ>>» Ɛ́ nɛ́ Nyuutɩna Wɩɩsɛ sɛ́: « Isi mʋ́. » Davidi baa bɔsɛ́: «Ŋ́ isi mʋ́ orí>>» Ɛ́ nɛ́ Nyuutɩna Wɩɩsɛ sɛ́: « Mʋ́ Ɩbɩrɔŋ. » 2 Ɛ́ nɛ́ Davidi isi mʋ́, ʋ rɩ́rʋ́ háála bɛllɛ: Ahɩnɔmɛ há lɛ́ Zɩzɩrayɛl, arɩ́ Abigayil há lɛ Karmɛl, Nabal yúháálɔ. 3 Davidi yɩ́rʋ́ har nɩɛ rɩ́wɔ́ jaa nɩɛ, ɓa ko ké tɔ́nɛ ná há lɛ́l Ɩbɩrɔŋ mɛ́. 4 Ɛ́ nɛ́ Ziida nɩɛ isi ko Ɩbɩrɔŋ, a ɔ́ŋsɛ lɩ́sɛ́ nʋʋ hé Davidi nyúú mí, a bílú rʋ́ʋ́ a Ziida wuu kuóro.Ɓa há bʋ́lɛ́ pá Davidi bʋlɛ́, rɩ́ Galadɛ tíé Yabɛsɛ tɩ́náwa nɛ́ pí Sayul hú, 5 ʋ tʋ́ŋ nɩɛ ɓa mʋ́ bʋl pɔ́wɔ́ bʋlɛ́: « Ɩ́ tʋ́ŋ taŋa a pɛ́ɩ́wa nyúútɩna Sayul, ɩ́ há púú hu wɩ́ɛ́. Rɩ́ Nyuutɩna Wɩɩsɛ héíwa nyúú bárka. 6 Mʋ́l néé mí, rɩ́ Nyuutɩna Wɩɩsɛ má baa mákʋ́ sawér, a tʋŋ wérí pɛ́ɩ́wa. Ɩ́ há a wérí ná wɩ́ɛ́, ŋ má sɩ́ tʋŋ ɛ́ wérí a pɛ́ɩ́wa. 7 Mʋ́l néé mí sɩɛ́, ɩ́ sɩ́ ló rɩ́ɩ́wa vaŋsɛ yʋɔɔrɛ, ɩ́ ka baŋcɩpɩrɩ́; beé wɩ́ɛ́ ɩ́ nyuutɩna Sayul é sʋ́wɔ́ rɛ́, amá ŋ nɛ́ Ziida nɩɛ lɩ́sɛ rɩ́ŋ nɛ́ ɔ́wɔ́ kuóro.»
Ɓa bíl Isibɔsɛtɛ rʋ́ʋ́ a Ɩzɩrayɛl kuóro
8 Nɛr bio Abɩnɛr, ná há ká Sayul lalyoore kuóro, fa ísó ka Sayul bio Isibɔsɛtɛ, a mʋ́ Mahanayimi. 9 Ʋ bílú kuorí, rʋ́ʋ́ tɩ́llɛ Galaadɛ tíé, a tɩ́llɛ́ Asuri rɩ́ Zɩzɩrayɛl tíé, a tɩ́llɛ Ifrayimi nɩɛ, rɩ́ Bɛŋzamɛ nɩɛ, a a Ɩzɩrayɛl wuu kuóro. 10 Sayul bio Isibɔsɛtɛ kuó dí Ɩzɩrayɛl kuorí rʋʋ fa kéŋ bɩŋsɛ mɛ́ɛ́sɛllɛ; ʋ dí kuorí bɩŋsɛ bɛllɛ nɛ́; amá Ziida é nɩɛ wuu fa mɩŋ Davidi har nɛ́. 11 Davidi ké Ɩbɩrɔŋ mɛ́ nɛ́, ká a Ziida kuóro bɩŋsɛ balpɛ rɩ́ caŋsɛ balgo.
Lal ísí Ziida nɩɛ rɩ Ɩzɩrayɛl nɩɛ pɛ́kɛ
12 Nɛr bio Abɩnɛr, rɩ́ Sayul bio Isibosɛtɛ lalyoore, lɛ́ Mahanayimi mí a caasɛ Gabaɔŋ rɩ́ aá mʋ́. 13 Seruya bio Zʋwabɛ, rɩ́ Davidi lalyoore, má isi zʋ ŋmɛ́nɔ. Ɓa wuu mʋ́ céŋ náŋá Gabaɔŋ butojɛlɔ laka. Náŋa ciki cɔɔ nɔ́ŋɔ ká náŋa má ciki cɔɔ nɔ́ŋɔ. 14 Abɩnɛr sɩɛ́ bʋl Zʋwabɛ rɩ́ bʋlɛ́: « Lo ráá sóójiwa nyáŋ isi lowi bɛllɛ bɛllɛwa rá ná!» Ɛ́ nɛ́ Zʋwabɛ sɛ́: « Oo! Rɩ́wɔ́ isi lowi! » 15 Ɓa isi, ɓa dɩ́ɩ́sɩ́wɔ́; ɓa ná há lɛ́ Bɛŋzamɛ duo a tɩŋ Sayul bio Isibosɛtɛ mɛ́, ɓa nɩɛ fí rí bɛllɛ; Davidi má nɩɛ fí rí bɛllɛ. 16 Oro wuu sɩɛ́ kánʋ́ nanáárɛ́ nɔ́ŋɔ nyúú mí, ká púú tókowi yɩ́hé lúlókur mí, ɓa wuu lɩɩ ɓallɛ. Ɓáá yɩ́rɛ ɛ́ dɩhɩ̃́ há mɩŋ Gabaɔŋ mɛ́: «bʋ́ɔ́ baka .»
17 Ɛ́ kal tɩɩ, lal ɓɩzeno zúkó wérí. Davidi lalyoore yoo dí Abinɛr rɩ́ Ɩzɩrayɛl nɩɛ. 18 Háálɔ oro ɓa háá yɩ́rɛ Seruya, ʋ bɛlɛ botoro fa mɩŋ ráŋ: Zʋwabɛ, Abikayi rɩ́ Asayɛl. Asayɛl fa wo fɛ́ɛ́ anɛ baka wɩɛma nɛ́; 19 ʋ dee kiri tɩŋ Abɩnɛr mɛ́ térké, ʋ wɩ néduu mʋ́, a wɩ nágʋɔ máá mʋ́. 20 Abɩnɛr bɩ́r bɔ́sʋ́: «Ɩ tɩɩ nɛ́, Asayɛl>>» Ɛ́ nʋ́ʋ́ sɛ́: «Oo, ŋ tɩɩ nɛ́». 21 Abɩnɛr sɛ́: « Bɩ́rmʋ́ɩ́ nágʋɔ rɩ́, ɛ́ rá má néduu, a kiri ka sóójiwa nyáŋ nɔ́ŋɔ, a ɓʋ́ ká lɔ́ʋ́ lalyóórí cɩksɛ.» Amá Asayɛl wɩ có rʋʋ bɩ́rɔ́ ká tá Abɩnɛr. 22 Abɩnɛr baa bʋl pɔ́ʋ́ bʋlɛ́: « Bɩ́rɩ́ŋ har! Ɩɩ́ já rɩ́ŋ ɓʋ́ɩ́ nɛ́>> Ká rɩŋ báá a ɛrɛ́ ká bélɩ́ máálá Zʋwabɛ sɩ́ɛ́ mɛ́>>» 23 Amá Asayɛl vɔ́ɔ́ rʋ́ʋ́ bɩ́rʋ́ har. Ɛ́ nɛ́ Abɩnɛr bɩ́rɛ, a kánʋ́ cɔlmɛ tíl cɔ́kɛ Asayɛl luoru mí, ʋ caŋ mʋ́ lɛ har rɩ́. Ʋ lɩɩ ɓal a sʋwɛ mʋ́l ná tɩɩ tɩɩ mɛ́. Rɩ nɩɛ wuu kúó peri ráŋ ná Asayɛl há ɓálɛ́ sʋwɛ, ʋʋ́ dee cɛ́ nɛ́.
24 Ɛ́ nɛ́ Zʋwabɛ rɩ́ Abikayi isi kiri tɩŋ Abɩnɛr mɛ́. Wɩɩsɛ kuó áá zʋ, rɩ ɓa mʋ́ɔ́ peri Amaŋ paalɩwie há mɩŋ Giya tɔ́ɔ́ mʋ́l rɩ́, Gabaɔŋ gɩrbétéke ŋmɛ́nɔ nyúú. 25 Bɛŋzamɛ duo sóójiwa tʋŋ nʋɔ mɛ́ a mʋ́ cikíwó púl dúŋdúóŋ daha, a wuu mɩŋ Abɩnɛr har. 26 Abɩnɛr tɩ́ɛ́nɛ yɩ́rɛ Zʋwabɛ a bʋlɛ́: « Á há dee ɓʋ́ɓʋ́ʋ́sɛ náŋá rɩ́ tókowí>> Ɩ wɩ ɛ̃ rɩ́ wɩ́ɩ́ né sɩ́ mʋ́ tenni sazɔkɔ́ mɛ́>>» Ɩɩ́ dɛllɛ béé rí, ká rɩ́ bʋ́lɩ́ sóójiwa mɛ́, rɩ́wɔ́ báá sɩ́ kírí tɩ́ŋwɔ́ aŋbɛlɛ mɛ́>> » 27 Ɛ́ nɛ́ Zʋwabɛ sɛ́: «Wɩɩsɛ wómmó! Rɩ fá wɩ sɩ́ rɩ́wɔ́ lo ní, a kaá mʋ́ cíé cʋ́cʋɔ má, rɩŋ nɩɛ há wʋ́ɔ́ aŋbɛlɛ har bɩ́rɛ́.»
28 Zʋwabɛ a ɓa mu nyɩ́la. Ʋ Sóójiwa wuu cɛ́, a lo Ɩzɩrayɛl nɩɛ kiré, ká lal tenni. 29 Abɩnɛr rɩ́rʋ́ nɩɛ vá Zʋrdɛŋ polo sɩɛrʋ tɩ́taŋ ná wuu, a mʋ́ zʋ nyii lɛ, a baa va ráŋ ná ɓa háá yɩ́rɛ Bɩtɩrɔŋ sɩɛrʋ wuu, a mʋ́ peri Mahanayimi. 30 Zʋwabɛ há tá Abɩnɛr kiré ká bɩrɛ ko, ʋ hóú nɩɛ wuu náŋá mɛ́; ʋ kɩ́ɛ́lɛ Davidi sóójiwa sɩɛrʋ, rɩ Asayɛl, rɩ́ nɩɛ fí rí nɛ́mɛ́ nɛ́ tóó. 31 Amá Davidi nɩɛ é fa ɓʋ́ʋ́sɛ Abɩnɛr rɩ́ Bɛŋzamɛ sóójiwa zotoro rɩ́ mɛ́ɛ́sɩ́botoro. 32 Ɓa pí Asayɛl lɛlɔ a kaa mʋ́ Bɛtɩleyɛmɛ, a húú áná lɛlbule sɩɛrʋ. Zʋwabɛ rɩ́rʋ́ nɩɛ cól tɩ́taŋ ná wuu ní; ɓa mʋ́ɔ́ aá peri Ɩbɩrɔŋ, rɩ tɔ́ɔ́ sɩɛ́ nɩ́ɩ́ pʋlɛ́.