Davidi rɩ́ Batiseba wɩ́ɛ́
11
1 Ʋ bɩna nɔ́ŋɔ há péré, kuóre háá mʋ́ lal tɛ́ŋ ná mɛ́, Davidi tʋ́ŋ Zʋwabɛ, rɩ́rʋ́ lalyoore, rɩ́ Ɩzɩrayɛl sóójiwa wuu, rɩ́wɔ́ mʋ́ tú Amɔŋ nɩɛ hé; ká ko súkwó tɔ́zeno Raba hé. Ká Davidi sɩɛ́ wɩ mʋ́ɛ́ ká káánɛ Zerizalɛmɛ mɛ́. 2 Gbaŋ oro, Davidi ísú dɩpɩ́nɛ, a zɛ́ áá gʋɔ́rʋ́ kuójaa luso nyúú; ʋ cɛ́ ráŋ nɛ́ ká bel ná háálɔ oro rʋ́ʋ́ fó nyii. Ɛ́ háálɔ fa wéró kɩ́ŋkáŋ. 3 Ɛ́ nɛ́ Davidi tʋŋ nɩɛ rɩ́wɔ́ mʋ́ bɔsɛ ná, áŋ rɛ́ ká ɛ́ háálɔ. Ɓa bɔsɛ zɩ́mʋ́ a ko bʋl pɔ́ʋ́ bʋlɛ́: «Uri ná há ká Hititi, ʋ háálɔ Batiseba nɛ́, Ɛlɩyamɛ toló.» 4 Ɛ́ nɛ́ Davidi tʋŋ nɩɛ rɩ́wɔ́ mʋ́ kaa ko pɔ́ʋ́. Ɓa mʋ́ kaa ko, ʋ kánʋ́ pɛ́, ká tɔ́ʋ́ ʋ bɩrɛ mʋ́ jaá. Rʋʋ hátɩŋa sɩɛ́ nɛ́ dé tenni, kɔ́ʋ́ mʋ́ʋ́rʋ́ busunnu.5 Háálɔ ná ka puo. A tʋŋ ɓa mʋ́ bʋl Davidi mí bʋlɛ́: «Ŋ kéŋ puo.» 6 Ɛ́ nɛ́ Davidi tʋŋ nɛrɔ rʋ́ʋ́ mʋ́ bʋl Zʋwabɛ rɩ́ bʋlɛ́: «Tá Hititiwa báálɔ Uri rʋ́ʋ́ kóŋ dɩhɩ̃́.» Ɛ́ nɛ́ Zʋwabɛ tá Uri ʋ mʋ́ Davidi rɩ́. 7 Uri há kó Davidi laka, ʋ bɔ́sʋ́ rʋ́ʋ́ ná Zʋwabɛ rɩ́ lalyoore tɛŋfɩ́ɛ́l mɛ́, arɩ́ lal ná há cɛ́ ɛ́wa. 8 Ká sɩɛ́ bʋl pɔ́ʋ́ bʋlɛ́: «Mʋ́ɩ́ jaa a fɩɛlɛ mʋ́ɔ̃́.» Uri lɛ kuóro jaa mɛ́, ká kuóro ja zilé óŋ tɛ rɩ́wɔ́ kaa tɩŋ mʋ́ pɔ́ʋ́.
9 Amá Uri há líɛ́, ʋ wʋ́ʋ́ jaa mʋ́ɛ́; ʋ pɛ́ kuóro jaa dánnʋɔ mɛ́ ráŋ nɛ́, ʋ rɩ́rʋ́ nyúútɩ́na sóójiwa ná wuu háá pɔ́ʋ́ mɛ́. 10 Ɓa ko bʋl pá Davidi bʋlɛ́: «Uri wɩ jáá mʋ́ɛ́.» Ɛ́ nɛ́ Davidi yɩ́rɛ Uri bɔsɛ bʋlɛ́: «Dɩbólí rá ɩ lɩɩ ko rí>> Béé rí tɛ ɩ wɩ́ɩ́ jaa mʋ́ɛ́>>» 11 Uri bʋl pá Davidi bʋlɛ́: «Wɩɩsɛ nʋtʋmɛ dáka ná, rɩ́ Ɩzɩrayɛl lalyoore, rɩ́ Ziida lalyoore, pɛ́ lɔkɔ sɩɛnnʋ nɛ́; ŋ nyúútɩ́na Zʋwabɛ rɩ́rʋ́ nɩɛ pɛ́ gɩr sɩɛrʋ nɛ́. Ká rɩ́ŋ é ní sɩɛ́ mʋ́ jaa a dí ɓɩɛ a nyɔ, ká pɛ́ a rɩ́rɩ́ŋ háálɔ>> Ŋ ŋmɩ́ɛ́sɔ́, ɩ ha háá híẽ́sé yɩr mɛ́, ŋ waá sáŋ a nyɛ wɩ́ɩ́ duo mí.» 12 Davidi bʋl Uri rɩ́: «Zaá baa pɛ́ rɛ́ɛ́wa, ká rɩ́ cíé rɩ́ŋ tɛ́ɩ́ rɩ́ bɩrɛ col.» Uri cɔ Zerizalɛmɛ mɛ́ ɛ́ kal, tɔ́ɔ́ pʋl. 13 Davidi yɩ́rʋ́ ʋ ko, ɓa hé náŋá dí ɓɩɛ ká nyɔ, ʋ pɔ́ʋ́ sɩ́ŋ ʋ nyɔɔ buki. Amá tɔ́ɔ́ há bɩ́ré, Uri há lɩ́ɔ́ pɛ́ kuóro sóójiwa ná sɩɛrʋ nɛ́, ká wɩ jaá mʋ́ɛ́.
14 Tɔ́ɔ́ há pʋ́lɛ́ cɩ́cʋɔ, Davidi pʋ́ŋsɛ kɛnɔ pá Uri, rʋ́ʋ́ kaa mʋ́ pá Zʋwabɛ. 15 Ʋ pʋ́ŋsɛ kɛnɔ ná sɩɛrʋ bʋlɛ́: «Ɩ́ pi Uri ní hé sɩ́ɛ́, ráŋ ná lal há duókó wérí, ká cɛ́ har rɩ́, a makɛ rɩ́wɔ́ ŋmɔ́wʋ́ ɓʋ́.»
Batiseba bála Uri sʋʋ wɩ́ɛ́
16 Zʋwabɛ nɛ́ háá kɩ́ɛ́lɛ tɔ́ɔ́, ʋ lɩ́sɛ Uri hé ráŋ ná ʋ há ɩ́ɔ̃́ rɩ́ dɩŋdɔmɔ layóóríbɩbara mɩ́nɔ́. 17 Tɔ́ɔ́ ná nɩɛ sɩɛ́ lɛ aá yo Zʋwabɛwa; a ɓʋ́ʋ́sɛ Ɩzɩrayɛl nɩɛ naŋá, Davidi lalyoore naŋá, a ɓʋ́ Hititiwa Uri má. 18 Zʋwabɛ sɩɛ́ a ɓa mʋ́ bil lal há vá ɛ́wa nʋbili wuu pá Davidi. 19 Ká cáánɛ nɩtʋmɩ́ ná bʋlɛ́: «Rɩɩ nɛ́ bíl lal ná wɩ́ɛ́ nʋbili wuu pá kuóro tenni, 20 rɩ kuóro cɔ́ɛ́ nɛ́ wɩ́ɛ́, rʋ́ʋ́ bʋ́lɩ́ rɩ́ bʋlɛ́: ‹Béé rí tɛ ɩ́ tuuperi tɔ́ɔ́ laka rɩ́ɩ́wa yo lal>> Ɩ́ wɩ ɛ̃ rɩ́ nɩɛ mɩŋ zeŋ daha káá yoo hɛmɛ>> 21 Áŋ rɛ́ ɓʋ́ Abɩmelɛkɛ,Yerubaal bio>>» Háálɔ rá wɩ zeŋ nyúú cɩ́nɛ́ ká pi nɔŋbúí yoo yakɛ ɓʋ́, Tebɛsɛ mɛ́ rɛ́>> Béé rí tɛ ɩ́ tuuperi zeŋ ná kɩ́ŋkáŋ>>› Rʋʋ bɔ́sɩ́ ɛ́, ɩ bʋl pɔ́ʋ́ bʋlɛ́: ‹Ɩ tʋtʋnnɔ Uri, Hititiwa báálɔ ná má sʋ́wɔ́.› » 22 Nɩtʋmɩ́ ná col, a ka nʋbili ná Zʋwabɛ há píé tʋ́mʋ́, kaa mʋ́ pá Davidi. 23 Ʋ bʋ́l Davidi rɩ́ bʋlɛ́: «Tɔ́ɔ́ ná nɩɛ dóé nɛ́ fa kɩ́rá. Ɓa nɛ́ lɩ́ɛ́ kó rá mɛ́ gɩr sɩɛrʋ, amá, á kírwó wuu a kaa mʋ́ peri tɔ́ɔ́ dánnʋɔ. 24 Ɓa túyoore ná há mɩŋ zeŋ daha yósírá, a ɓʋ́ʋ́sɩ́ tʋtʋnna náŋa. Ɩ tʋtʋnnɔ Uri há ká Hititi má sʋ́wɔ́.» 25 Ɛ́ nɛ́ kuóro bʋl nɩtʋmɩ́ ná rɩ́ bʋlɛ́: «Mʋ́, a bʋl duóri Zʋwabɛ naasɛ. Bʋl pɔ́ʋ́ bʋlɛ́: “Sɩ́ ló rɩ́ wɩ́ɩ́ ná wálmɩ́. Lal yóé é ká ɛ́ nɛ́; tɛ́ŋ nɔ́ŋɔ mɛ́, cɔɔ nɔ́ŋɔ nɩɛ nɩ́ɩ́ sʋsɛ, tɛ́ŋ nɔ́ŋɔ mɛ́ cɔɔ nɔ́ŋɔ má nɩɛ sʋsɛ. Dúórí naasɛ, ka dóé a yoo dí tɔ́ɔ́ ná, a túú wuu hé.”»
26 Batiseba há nɩ́ɛ́ rʋʋ bála Uri sʋ́wɔ́, ʋ wúú yuó. 27 Ʋ há wí yuó ná ko tenni, Davidi ɔ́ɔ́ ɓa mʋ́ kánʋ́ ko, ʋ mɩ́nʋ́ jaa mɛ́. Ʋ púú ja, ʋ lʋl bio pɔ́ʋ́.
Amá Davidi há á ɛ́, ʋ zɔ́kɛ Nyuutɩna Wɩɩsɛ sɩɛrʋ.