Zonataŋ bio Mefibosɛtɛ wɩ́ɛ́
9
1 Kal oro rí Davidi isi bɔsɛ bʋlɛ́: «Sayul jaa mɛ́, nɛ́ŋ ha káánɛ ráŋ rɛ́, rɩ́ŋ tɩŋ Zonataŋ wɩ́ɛ́, a a wérí pá tɩ́na>> 2 Sayul jaa tʋtʋnnɔ oro sɩɛ́ fa mɩŋ ráŋ ɓaá yɩ́rʋ́ Siba; ɛ́nɛ́ ɓa yɩ́rʋ́ ʋ ko Davidi sɩ́ɛ́. Davidi sɩɛ́ bɔ́sʋ́ bʋlɛ́: «Ɩ nɛ́ ká Siba>>» Ʋ sɛ́: «Oo! ŋ nɛ́, ɩ tʋtʋnnɔ.» 3 Ɛ́ nɛ́ Kuóro sɛ́: « Nɛ́ŋ wɩ Sayul jaa mɛ́ káánɛ́, rɩ́ŋ tʋŋ wérí pá tɩ́na Wɩɩsɛ yɩr mɛ́>> Ɛ́ nɛ́ Siba sɛ́: «Zonataŋ bio balá há mɩ́nɔ́, ʋ naasɛ bɛllɛ wuu sʋsɛ.» 4 Kuóro bɔ́sʋ́ bʋlɛ́: «Ʋ mɩŋ nɛ́ɛ́ mɛ́>> Ɛ́ nɛ́ Siba sɛ́: «Ʋ mɩŋ Lodebarɛ mɛ́, Amɩyɛlɛ bio Makiiri jaa mɛ́». 5 Kuóro Davidi sɩ́wɔ́ mʋ́ Amɩyɛlɛ bio Makiiri jaa, Lodebarɛ mɛ́ a kánʋ́ ko. 6 Ɛ́nɛ́ Mefibosɛtɛ há ká Sayul bio Zonataŋ má bio, sɩɛ́ ko Davidi laka. A tuwi pɛ́, a ka sɩ́ɛ́ cú tíé, ká cʋɔlɛ kuóro. Ɛ́ nɛ́ kuóro bɔ́sʋ́ bʋlɛ́: «Mefibosɛtɛ, ɩ nɛ́ɛ́>>» Ʋ sɛ́: «Oh! ŋ nɛ́, ɩ tʋtʋnnɔ.» 7 Davidi bʋl pɔ́ʋ́ bʋlɛ́: «Sɩ́ héwíŋ fá! Ɩ áná Zonataŋ wɩ́ɛ́, ŋ sɩ́ tʋŋ wérí pɛ́ɩ́. Ɩ naabál Sayul há tɛ tíé ná wuu, ŋ sɩ́ lɔ́wɔ́ pɛ́ɩ́, ká rɩ́ɩ́ dídí ɓɩdííle, ŋ táábɩl daha kál wuu.» 8 Mefibosɛtɛ baa ka sɩ́ɛ́ cú tíé ká bʋlɛ́: «Ŋ ká beé, ŋ má vásʋ́wɩ́ né nɔ́ŋɔ, ɩ sɩɛ́ píí sɩ́ɛ́ héŋ wɩ́ɛ́ mɛ́>>»
9 Kuóro yɩ́rɛ Sayul tʋtʋnnɔ Siba ná a bʋlʋ́ rɩ́ bʋlɛ́: «Sayul rɩ́rʋ́ jaanɩɛ há tɛ onni ná wuu, ɩ nyúútɩ́na bio Mefibosɛtɛ nɛ́ tɩ́wɔ́. 10 Ɩ rɩ́rɩ́ bɛlɛ, rɩ́rɩ́ tʋtʋnna wuu, ɩ́ sɩ́ parɛ baksɛ, a ka ɓɩdííle ko aá pɛ́ɩ́ nyúútɩ́na bio. Ká rɩ́ Mefibosɛtɛ, ɩ nyúútɩ́na bio, zʋ aá dí ɓɩdííle ŋ táábɩl daha kál wuu.» Ɛ́ Siba sɩɛ́ fa kéŋ bɛlɛ fí rí bɔmmʋ́ɔ́, arɩ́ tʋtʋnna mɛrɛ́. 11 Siba bʋl kuóro rɩ́ bʋlɛ́: «Nyúútɩ́na, ŋ kuóro, ɩ há sɩ́ɩ́ tʋtʋnnɔ ɔ́ʋ́ ná wuu, ŋ sɩ́ a.» Ɛ́ nɛ́ Mefibosɛtɛ dídí ɓɩdííle Davidi táábɩl daha, anʋ́ ká kuóbí. 12 Mefibosɛtɛ fa kéŋ heŋbólé ʋ yɩr a Mika. Ɛ́ nɛ́ nɩɛ ná wuu há mɩŋ Siba jaa mɛ́ sɩɛ́ tʋŋ aá pá Mefibosɛtɛ. 13 Mefibosɛtɛ ná naasɛ bɛllɛ wuu há sʋ́sɛ́, sɩɛ́ mɩŋ Zerizalɛmɛ mɛ́, aá dúú ɓɩdííle wuu kuóro táábɩl daha.