Ɓaalɛ ná Ziida duo nɩɛ há lɛ́ɛ́
15
1 Ziida jɩmʋ́l tíé ɓaalɛ, ɓa há lɛ́ɛ́ duó duówa, ʋ pɔ́ Edoŋ tíé bʋɔ mɛ́ nɛ́, ká mʋ́ peri Tɩsɩŋ gɩrbétéke wɩɩsɛ dɩpomí néduuu rí. 2 Ɓa tíé ná wɩɩsɛ dɩpomí néduu bʋɔ nɛ́ pɔ́ mʋʋ ná ɓa háá yɩ́rɛ Mʋsʋwɩ mɛ́, a caasɛ Nɩgɛɛvɛ, 3 a ka ɛ́ a mʋ́ Akirabiimi wɩɩsɛ dɩpomí néduu, a tɩŋ ɛ́ a mʋ́ Tɩsɩŋ, a bɩr a zɛ́ Kɛdɛsɛbarnɩa wɩɩsɛ dɩpomí néduu, a tɩŋ ɛ́ a mʋ́ Hɛsɩrɔŋ, a mʋ́ tɩŋ Adaarɛ, a gʋrɛ ɛ́ a mʋ́ Karka rɩ́. 4 Tíé ná baa cɛ́ ráŋ, a mʋ́ Asɩmɔŋ, a ka ɛ́ a mʋ́ tɩŋ fonaa ná há lɛ́ Ezipiti tíé mí, a ka ɛ́ mʋ́ mʋʋ ná ɓa háá yɩ́rɛ Mediterane. Ráŋ nɛ́ ɓa tíé wɩɩsɛ dɩpomí néduu bʋɔ tenni. 5 Ʋ wɩɩsɛ dɩpomí caasɛ́ má bʋɔ nɛ́ cɛ́ Mʋsʋwɩ mɛ́, a kaa mʋ́ peri Zʋrdɛŋ fuo nʋɔ. Ʋ wɩɩsɛ dɩpomí nágʋɔ caasɛ́ bʋɔ má nɛ́ púl tíé ná há pɛ́ Mʋsʋwɩ ná nʋɔ, a kílwó a mʋ́ peri Zʋrdɛŋ fuo nʋɔ. 6 Ʋ ka ɛ́ zɛ́ Bɛtɩhɔgɩla, a kaa mʋ́ Bɛtɩ'araba wɩɩsɛ dɩpomí nágʋɔ caasɛ́, a ka ɛ́ mʋ́ peri Rubaŋ bio Bɔhaŋ dɔ́wɩ́ ná. 7 Tíé ná bʋɔ nɛ́ báá zɩ́nɛ́ tɩŋ Debiiri, a lɛ ráŋ a mʋ́ Akɔɔrɛ polo, a bɩrɛ tuwi wɩɩsɛ dɩpomí nágʋɔ, a bɩ́rɛ a mʋ́ Gɩlgal rɩ́, a caasɛ Adumiimi, há mɩŋ fonaa nɔ́ŋɔ wɩɩsɛ dɩpomí néduu. Ʋ ha pɛ́ ɛ́ nɛ́, a mʋ́ tɩŋ Ɛŋsɛmɛsɛ nyibulé dɩhɩ̃́, a tɩŋ ɛ́ a ko lɛ Ɛŋrɔgɛl. 8 Tíé ná bʋɔ nɛ́, ha zɩ́nɛ́ tɩŋ Bɛŋ Hɩnɔŋ, a pɛ́ ɛ́ a mʋ́ tɩŋ Zebuzitiwa tíé ná ká Zerizalɛmɛ, ʋ dúŋdúóŋ ná há mɩŋ wɩpomí néduu. Ʋ lɛ ráŋ a zɛ́ paalɔ ná há mɩŋ Hɩnɔŋ polo wɩɩsɛ dɩzʋʋlɩ́, a mʋ́ tɩŋ Rifayitiwa polnaa ná há mɩŋ wɩɩsɛ dɩpomí nágʋɔ dɩtenní. 9 Ʋ bʋɔ báá cɛ́ paalɔ ná nyúú ɛ́ nɛ́, ká caasɛ Nɛfɩtʋɔ nyibulé ná, a ko lɩɩ tɩŋ tɔ́nɛ ná há mɩŋ paalɔ ná ɓa háá yɩ́rɛ Ɛfɩrɔŋ, a pɛ́ ɛ́ a tuwi Baala ná há ká Kiriyatiyarimi. 10 Ɛ́ bʋɔ nɛ́ cɛ́ Baala wɩɩsɛ dɩzʋʋlɩ́, ká bɩ́rɛ a caasɛ Seyiiri paalɔ, a pɛ́ ɛ́ a mʋ́ tɩŋ Yarimi paalɔ ná ɓa haá yɩ́rɛ Kɛsalɔŋ, wɩɩsɛ dɩpomí nágʋɔ caasɛ́, a pɛ́ ɛ́ a tuwi Bɛtɩsɛmɛsɛ, a daarɛ a mʋ́ tɩŋ Tɩmɩna. 11 Tíé ná bʋɔ báá tɩ́ŋ Ɛkɩrɔŋ wɩɩsɛ dɩpomí nágʋɔ, a bɩrɛ tɩŋ Sɩkɛrɔŋ, a pɛ́ ɛ́ a mʋ́ tɩŋ paalɔ ná ɓa háá yɩ́rɛ Baala, a mʋ́ peri Yabɩnɩɛl. Tíé ná bʋɔ mʋ́ɔ́ tenni Mediterane mʋʋ ná mɛ́ nɛ́. 12 Ʋ wɩɩsɛ dɩzʋʋlɩ́ caasɛ́ bʋɔ nɛ́ ká Mʋzeno nʋɔ. Ziida jɩmʋ́l duo nɩɛ, tíé bʋɔ ná há tɩ́ŋ ɛ́wa, a kílú ní ɛ́.13 Nyuutɩna Wɩɩsɛ há mákɛ́ Zozie ɛ́, ʋ pí Ziida tíé cɔɔ nɔ́ŋɔ a pá Yefune bio Kalɛbɛ. Ɩbɩrɔŋ nɛ́ ʋ pii pɔ́ʋ́; ʋ nɛ́ fa ká Kɩrɩyatɛ'arba, Arba ná fa ká Anakɛ áná nɛ́. 14 Ɛ́ nɛ́ Kalɛbɛ kiri Anakɛ duo nɩɛ nyáŋ botoro Ɩbɩrɔŋ ná mɛ́: Sesayi rɩ́ Ahɩmaŋ arɩ́ Talmayi. 15 Ráŋ nɛ́ ʋ lɛ, a mʋ́ yo nɩɛ ná wuu há mɩŋ Debiiri mí. Dɩhɩ̃́ ná yɩr nɛ́ fa ká Kɩrɩyatɛsɛfɛɛrɛ. 16 Ɛ́ nɛ́ Kalɛbɛ sɛ́: «Ŋ sɩ́ píŋ toló Akɩsa, a pá báálɔ ná há sɩ́ wólli yo, a dí Kɩrɩyatɛsɛfɛɛrɛ tɔ́ɔ́.» 17 Ɛ́ nɛ́ Ɔtɩnɩɛl há ká Kalɛbɛ maábio Kɛnazɛ bio, yo a dí tɔ́ɔ́ ná, Kalɛbɛ sɩɛ́ púú toló ná a pɔ́ʋ́, ʋ ja. 18 Ɓa há já náŋá a tenni, ɛ́ nɛ́ háálɔ ná bʋl pɔ́ʋ́ bála, rʋ́ʋ́ sʋl a la tíé ʋ áná rɩ́. Tɛ́ŋ ná mɛ́ toló ná há túwú kokúme daha, Kalɛbɛ bɔ́sʋ́: «Beé rí ɩ jɩ́ja?» 19 Ɛ́ nɛ́ toló ná sɛ́: «Fáŋ susu. Ɩ páŋ tíé rí, wɩɩsɛ dɩpomí néduu rí, ká nyii to ráŋ, páŋ dɩhɩ̃́ ná há kéŋ nyii má.» Ɛ́ nɛ́ Kalɛbɛ pi nyúú rí nyibulé arɩ́ mʋ́bʋɔ rɩ́ nyibulé dɩhɛ̃́, a pɔ́ʋ́.
20 Ziida jɩmʋ́l duó duówa há lá tíé ná, ʋ ɔ́wɔ́ liwe ní ɛ́. 21 Wɩɩsɛ dɩpomí néduu tɔ́nɛ ná há mɩŋ Nɩgɛɛvɛ mɛ́, a caasɛ Edoŋ tíé bʋɔ, ká Ziida duo nɩɛ tɩ́llɩ́wɔ́ nɛ́ ká; Kabɩsɩɛl, Ɛdɛɛrɛ arɩ́ Yaguuri, 22 Kina, Dimona, Adada, 23 Kɛdɛsɛ, Hasɔɔrɛ, Itinaŋ, 24 Zifi, Tɛlɛmɛ, Bɛyalɔtɛ, 25 Hasɔɔrɛhadata, Kɛrɩyɔtɛhɛsɩrɔŋ, ɓa háá yɩ́rɛ Hasɔɔrɛ, 26 Amamɛ, Sɛma, Molada, 27 Hasarigada, Hɛsɩmɔŋ, Bɛtɩpɛlɛtɛ, 28 Hasarisuwali, Bɛrɛsɛba arɩ́ kílo tɔ́wɩɛla, 29 Baala, Liyimi, Ɛsɛmɛ, 30 Ɛlɩtɔladɛ, Kesili, Hɔrma, 31 Sɩkɩlagɛ, Madɛmaana, Sannesaana, 32 Lɛbayɔtɛ, Sɩlɩhɩmɩ arɩ́ Ɛŋrɩmɔŋ. Tɔ́zeŋse mɛrɛ́ arɩ́ nɛ́mɛ́ arɩ́wɔ́ tɔ́wɩ́ɛ́la.
33 Tɔ́nɛ ná há mɩŋ Sefeela mí ní ká: Ɛsɩtahɔlɛ, Sora, Asɩna, 34 Zanʋa, Ɛŋganimi, Tapʋa, Ɛnamɛ, 35 Yarɩmʋtɛ, Adʋlaamɛ, Soko, Azeka, 36 Sarayimi, Aditayimi, Gedera arɩ́ Gederotayimi. Tɔ́zeŋsi fí rɩ́ baná arɩ́wɔ́ tɔ́wɩɛla. 37 Tɔ́nɛ náŋa má nɛ́ ká: Senaŋ, Hadasa, Mɩgɩdalɛgadɛ, 38 Dɩlɩaŋ, Misipe, Yɔkɩtɩɛlɛ, 39 Lakisi, Bɔsɛkatɛ, Ɛgɩlɔŋ, 40 Kaabɔŋ, Lahɛmasɛ, Kɩtɩlɩsɛ, 41 Gɛdɛrɔtɛ, Bɛtɛdagɔŋ, Naama arɩ́ Makeda. Tɔ́zeŋsi fí rɩ́ balgo arɩ́wɔ́ tɔ́wɩɛla. 42 Náŋa nɛ́ ha ká: Libina, Ɛtɛɛrɛ, Asaŋ, 43 Ɩfɩta, Asena, Nɛsɩbɛ, 44 Keyila, Akzɩbɛ arɩ́ Maresa. Tɔ́zeŋsi nɛ́mɛ́ arɩ́wɔ́ tɔ́wɩɛla. 45 Náŋa nɛ́ ha ká: Ɩkɩrɔŋ, ʋ dɩtɩ́llɛ arɩ́rʋ́ laka tɔ́wɩɛla, 46 tɔ́zeŋsi ná rɩ́ tɔ́wɩɛla ná wuu há mɩŋ Asɩdɔdɛ kílo, tɔ́nɛ ná há mɩŋ Ɩkɩrɔŋ rɩ́ Mediterane mʋʋ pɛ́kɛ, 47 Asɩdɔdɛ arɩ́ Gaza arɩ́wɔ́ dɩtɩ́llɛ arɩ́wɔ́ laka tɔ́wɩɛla, a kaa mʋ́ yakɛ Ezipiti fonaa mɛ́, a ka ɛ́ mʋ́ yakɛ Mediterane mʋʋ nʋɔ mɛ́.
48 Tɔ́nɛ ná há mɩŋ pallɛ daha: Samiri, Yatiri, Soko, 49 Daana, Kiriyatisaana ná ɓa háá yɩ́rɛ Debiiri; 50 Anabɛ, Ɛsɩtɛmʋa, Animi, 51 Gosɛŋ, Hɔlɔŋ rɩ́ Gilo. Tɔ́zeŋsi fí rɩ́ oro arɩ́wɔ́ laka tɔ́wɩɛla. 52 Tɔ́nɛ náŋa nɛ́ ká: Arabɛ, Duma, Esaŋ, 53 Yanumi, Bɛtɩtapʋa, Afeka, 54 Humeta, Kiriyati'Araba ná ɓa háá yɩ́rɛ Ɩbrɔŋ arɩ́ Sɩɔrɛ. Tɔ́zeŋsi nɛ́mɛ́ arɩ́wɔ́ laka tɔ́wɩɛla. 55 Náŋa nɛ́ ká: Mahɔŋ, Karmɛl, Zifi, Yuta, 56 Zɩzɩrɛyɛl, Yɔkɩdɩyamɛ, Zanʋa; 57 Kayɛŋ, Gibeya arɩ́ Tɩmɩna. Tɔ́zeŋsi fí arɩ́wɔ́ laka tɔ́wɩɛla. 58 Tɔ́nɛ nyáŋ nɛ́ súúré: Halihul, Bɛtɩsuri, Gɩdɔrɛ, 59 Maara, Bɛtɩ'anɔtɛ arɩ́ Ɛltɛkɔŋ. Tɔ́zeŋse balgo arɩ́wɔ́ laka tɔ́wɩɛla. 60 A sɩɛ́ pi: Kiryatibaal ná ɓa haá yɩ́rɛ Kiriyatiyarimi arɩ́ Raba, tɔ́zeŋsi bɛllɛ arɩ́wɔ́ laka tɔ́wɩɛla.