SARƖ́YADÍÍRE KƐNƆ
Laadiná
Ɩzɩrayɛl nɩɛ dí dóé Kanaŋ tɩ́náwa nyúú ká kéwó tíé mí. Ɓa ráŋ kéné har mɛ́, wɩ́ɛ́ ná há tʋ́ŋ ráŋ, ɓa nɛ́ mɩŋ sariyadííre kɛnɔ né sɩɛrʋ. Ɩzɩrayɛl jɩmʋ́l wuu fá kenú tíé ɓáálɛ mɛ́ nɛ́. Amá kuóro (sɩ́dííró) fá há toó. Tɛ́ŋ nɔ́ŋɔ mɛ́, ɓa sabɩŋsɛ́ kɛ́kɛ́ Wɩɩsɛ mɛ́, ɓa ɓɩ́ɓáárɛ venni. Ɛ́ tɛ́ŋ mɛ́, Wɩɩsɛ lo duówa náŋa ko yo a díwó. Rɩ jamáŋ nɛ́ saŋɛ́ rɩ́ ɓa ɔ́ɔ́ zɔkɛ, ɓaá cáási a yɩ́rɛ Nyuutɩna Wɩɩsɛ, ʋ lɩ́sɛ́ sɩ́dííro, ɓa haá yɩ́rʋ́ “sariyadííró” ʋ lɔ́wɔ́ a tá. Ɛ́ sɩ́dííre nɛ́ fá fí arɩ́ bɛllɛ: Ɔtɩnɩɛl, Ehudi, Samɩgarɛ, Debora, Zedeyɔŋ, Tola, Yayiri, Zefte, Ɩbɩsaŋ, Ɩlɔŋ, Abɩdɔŋ arɩ́ Samɩsɔŋ.
Ɛ́ nɩɛ, ɓa haá yɩrwɔ́ “sariyadííre”, ɓa rɩ́ zaa sariyadííre to balá. Ɛ́ nɩɛ duo mí fá ká sɩ́dííre rí, ɛ́ rá má laataara, a dí jɩmʋ́l balá ɛ́ rá má jɩmʋ́ʋ́la sɩ́ɛ́. Sariyadííre kɛnɔ né sɩɛrʋ, wɩ́ɩ́ balá rɛ́ tʋ́mɛ́ naasɩ́ ɓɩkaná. Ʋ nɛ́ ká jamáŋ ná háá ko a ɓɩɓáárɛ venni, a zɔkɛ Wɩɩsɛ mɛ́. Wɩɩsɛ tɩŋ ɛ́ wɩ́bɔma wɩ́ɛ́, a a jamáŋ ná dɩŋdɔma ko yówó. Rʋʋ nɛ́ nɛ́ ɛ́, jamáŋ ná ŋmɔ́wɛ búŋse hé Nyuutɩna Wɩɩsɛ mɛ́, ʋ lɩ́sɛ nɛrɔ ʋ láwɔ́ a ta. Rɩ tɛŋfɩ́ɛ́l kúó mɩŋ, ɓa tɩ́tɩ́ŋ Wɩɩsɛ mɛ́. Rɩ ɓa tɩŋ Wɩɩsɛ mɛ́ rɩ́ɩ́ mʋ́u mɔ́ sɩ́ɛ́, ɓa baa cʋrɛ aá ɓáárɛ venni. Rɩ lal baa isó, ɓa cáási hé Nyuutɩna Wɩɩsɛ mɛ́, ʋ lo tɛŋfɩ́ɛ́l ko. Ʋ ká ɛ́ nɛ́. Ɛ́ tɛ́ŋ mɛ́, bɩbarɩ́ tɛ́ŋ nɛ́, tɛŋfɩ́ɛ́l toó: “Ɛ́ tɛ́ŋ mɛ́, Ɩzɩrayɛl fá wɩ kuóro kéné, nɛ́ŋ wuú tʋ́mʋ́ ná ʋ há có ní.”
Kɛnɔ sɩɛrʋ wɩ́nyúnni
Ɩzɩrayɛl la tɔ́ɔ́ ná cɔɔ nɔ́ŋɔ 1
Wɩɩsɛ lɩ́sɛ́ sariyadííre 2-3.6
Ɓa nɛ́ ká: Ɔtɩnɩɛl, Ehudi rɩ́ Samɩgarɛ 3.7-31
Debora, Barakɛ rɩ́ Yahɛl 4-5
Zedeyɔŋ 6-8
Abɩmɛlɛkɛ 9
Tola, Yayir rɩ́ Zefte 10-12.7
Ɩbɩsaŋ, Ɩlɔŋ rɩ́ Abɩdɔŋ 12.8-15
Samɩsɔŋ 13-16
Daŋ nɩɛ arɩ́wɔ́ veno dɩɓaarɩ́ wɩ́ɛ́ 17-18
Ɩzɩrayɛl jɩmʋ́ʋ́la ná náŋa arɩ́ Bɛŋzamɛ jɩmʋ́l lal wɩ́ɛ́ 19-20