Zozie
Laadíná
Moyizi sʋʋ har mɛ́, Zozie ní Wɩɩsɛ pii hóú gbel mí. Zozie há tɩ́ŋ Moyizi mí, ɛ́ ɔ́ɔ́ ʋ zɩŋ wɩ́ɛ́ ɓɩkana. Mʋ́l né mí, ʋ nɛ́ sɩ́ la Ɩɩrayɛl nɩɛ sɩ́ɛ́, a káŋwɔ́ zʋ Kanaŋ tɔ́ɔ́ sɩɛrʋ.
Wɩ́zeŋse bɛllɛ nɛ́ mɩ́ŋ kɛnɔ́ né sɩɛrʋ:
1. Kanaŋ tɔ́ɔ́ lɛɛ wɩ́ɛ́: Sapítiri 1-12 Wɩɩsɛ tɩɩ nɛ́ fa tá nʋɔ, rʋ́ʋ́ sɩ́ pi ɛ́ tɔ́ɔ́ pɔ́wɔ́. Ɛ́ nɛ́ ɓa la Wɩɩsɛ wɩ́bʋlɩ́ ná dí. Ɓa ná wɩhálawa ɓɩkana, Wɩɩsɛ pɛ́wɔ́ mɛ́, ɓa dí dóé ɓa dɩŋdɔma nyúú, ká zɩŋ tɩ́llɛ tɔ́ɔ́ ná.
2. Kanaŋ tɔ́ɔ́ ɓɛɛ wɩ́ɛ́: Sapítiri 13-24 Anɛ ɛ́ Nyuutɩna Wɩɩsɛ fa há máŋsɛ, Zozie kéŋ Kanaŋ tɔ́ɔ́ ná ɓaa pá Ɩzɩrayɛl jɩmʋ́ʋ́la ná fí rɩ́ bɛllɛ ná. Amá Levi jɩmʋ́l nɩɛ wɩ tíé ker kené ɓa tɩɩ yɩr mɛ́. Jɩmʋ́ʋ́la ná náŋa tíé mí ní ɓa ké. Wɩɩsɛ báá fa bʋ́l Zozie rɩ́, rʋ́ʋ́ lɩ́sɛ tɔ́yúóle, a makɛ rɩ nɛ́ŋ rɩ́ ɓʋ́ nɛrɔ, ká wɩ táálɛ́ nɛ́, rʋ́ʋ́ fá mʋ́ yúóli ráŋ.
Ká rɩ́ Zozie zɩŋ sʋwɛ, ʋ bʋ́l Ɩzɩrayɛl nɩɛ rɩ́, a bʋlɛ́ rɩ́wɔ́ bɛ́llɛ lɩ́sɛ: Venni arɩ́ Nyuutɩna Wɩɩsɛ pɛ́kɛ, nɛ́ŋ ná ɓa há sɩ́ ɓaarɛ. Ʋ sɛ́ rɩ́ Nyuutɩna Wɩɩsɛ nɛ́, ʋ é rɩ́rʋ́ jaa nɩɛ sɩ́ ɓaarɛ.
Kɛnɔ́ né sɩɛrʋ wɩ́nyunni
Kanaŋ tɔ́ɔ́ lɛɛ wɩ́ɛ́: Sapítiri 1-12
Kanaŋ tɔ́ɔ́ ɓɛɛ wɩ́ɛ́: Sapítiri 13-24
Zʋrdɛŋ fuo wɩɩsɛ dɩpomí rɩ́ nɩɛ wɩ́ɛ́: Sapítiri 13
Zʋrdɛŋ fuo wɩɩsɛ dɩzʋ́ɩ́ rɩ́ nɩɛ wɩ́ɛ́: Sapítiri 14-19
Tɔ́yúóle wɩ́ɛ́: Sapítiri 20
Tɔ́nɛ ná ɓa há píé pá Levi dunɩɛ wɩ́ɛ́: Sapítiri 21
Jɩmʋ́ʋ́la ná há mɩŋ wɩɩsɛ dɩpomí nɩɛ há sɩ́ bɩrmʋ́wɔ́ dɩkéŋsi wɩ́ɛ́: Sapítiri 22
Zozie hatɩ́ŋnɛ wɩ́bʋlɛ́ arɩ́rʋ́ sʋʋ wɩ́ɛ́: Sapítiri 23-24