Kuóre ná Ɩzɩrayɛl há yóé dí
12
1 Kuóre ná Ɩzɩrayɛl nɩɛ há yóé a dí, ká lɔ́wɔ́ tíé, Zʋrdɛŋ fuo daarɛ́ wɩɩsɛ dɩpomí, a cɛ́ Arnɔŋ fonaa mɛ́, káá mʋ́ paalɔ ná ɓa háá yɩ́rɛ Hɛrmɔŋ, arɩ́ Zʋrdɛŋ polo wuu, ɓa nɛ́ nyɛ: 2 Amoritiwa kuóro Sɩhɔŋ, ʋ nɩ́ɩ́ bel Hɛsɩbɔŋ, ʋ nɩ́ɩ́ bel Aroyɛɛr há mɩŋ Arnɔŋ polo nʋɔ, a cɛ́ polo ná sɩ́sɩɛrʋ a kaa mʋ́ peri Yabɔkɛ fonaa, ʋ nɛ́ ká Amonitiwa bʋɔ; a fa ka Galaadɛ fá súúri. 3 Ʋ nɛ́ haá bel Zʋrdɛŋ polo mí wɩɩsɛ dɩpomí caasɛ́, a cɛ́ Kɩnɩrɔtɛ mʋʋ mɛ́, a ka ɛ́ mʋ́ Araba mʋʋ, há ká Mʋsʋwɩ́ a súúri Bɛtɩyɛsɩmɔtɛ mɛ́, arɩ́ wɩɩsɛ dɩpomí néduu Pisiga dúŋdúóme dɩhɛ̄́ ná há cúré tútuwi. 4 Ɓa fa yóó dí Basaŋ kuóro Ɔgɛ má rɛ́. Ʋ nɛ́ fa ká Rifayitiwa nɩkáánɛ, a fa ké Asɩtarɔtɛ arɩ́ Edireyi mí. 5 Ʋ nɛ́ faá bel Hɛrmɔŋ paalɔ rɩ́ Salɩka arɩ́ Basaŋ wuu mí, a kaa mʋ́ peri Gesuritiwa arɩ́ Maaka tíé bʋɔ; a sɩɛ́ súúri Galaadɛ fá mɛ́, a kaa mʋ́ peri Hɛsɩbɔŋ kuóro Sɩhɔŋ tíé bʋɔ. 6 Nyuutɩna Wɩɩsɛ tʋtʋnnɔ Moyizi, arɩ́ Ɩzɩrayɛl nɩɛ nɛ́ fa yóé a dí kuóre nyáŋ bɛllɛ. Ɛ́ nɛ́ Nyuutɩna Wɩɩsɛ tʋtʋnnɔ Moyizi, pi tíé ná a pá Rubaŋ rɩ́ Gadɛ jɩmʋ́ʋ́la arɩ́ Manase jɩmʋ́l fá ná, ʋ ɔ́wɔ́ tɩ́llɛ.7 Kuóre ná Zozie arɩ́ Ɩzɩrayɛl nɩɛ há yóé dí, a lɔ́wɔ́ tíé ní nyɛ: ɓa fa ké Zʋrdɛŋ fuo ná wɩɩsɛ dɩzʋʋlɩ́ rɩ́ nɛ́, a pɔ́ Balgadɛ mɛ́, a kaa mʋ́ Libaŋ polo, a ka ɛ́ mʋ́ peri Halakɛ, a ka ɛ́ a tuwi Seyiri. Dɩtɩ́llɛ nyáŋ nɛ́, Zozie pii pá Ɩzɩrayɛl jɩmʋ́ʋ́la ná, ɓa kaa ɓa náŋá, ʋ ɔ́wɔ́ tɩ́llɛ. 8 Tɔ́nɛ́ ná pallɛ há kílé, Sefeela, Zʋrdɛŋ polo ná há pɩ́nɛ́ aá tuwi gɩrbétéke ná, arɩ́ Nɩgɛɛvɛ, a ka Hititiwa, Amoritiwa, Kananɩɛŋwa, Perezitiwa, Hivitiwa arɩ́ Zebusitiwa tɔ́nɛ a súúri.
9 Ná kuóyoodííle ná: Zeriko kuóro ní ká nɔ́ŋɔ, Ayi há lɛ́l Bɩtɛl kuóro, má nɛ́ ká nɔ́ŋɔ. 10 Zerizalɛmɛ kuóro a nɔ́ŋɔ, Ɩbɩrɔŋ kuóro má a nɔ́ŋɔ, 11 Yamuti kuóro a nɔ́ŋɔ, Lakiisi kuóro má nɔ́ŋɔ. 12 Ɛgɩlɔŋ kuóro a nɔ́ŋɔ, Gɛzɛrɛ kuóro má nɔ́ŋɔ. 13 Debiiri kuóro a nɔ́ŋɔ, Gɛdɛrɛ kuóro má nɔ́ŋɔ. 14 Hɔrma kuóro a nɔ́ŋɔ, Aradɛ kuóro má nɔ́ŋɔ. 15 Libina kuóro a nɔ́ŋɔ, Adʋlaŋ kuóro má nɔ́ŋɔ. 16 Makeda kuóro a nɔ́ŋɔ, Bɩtɛl kuóro má nɔ́ŋɔ. 17 Tapʋa kuóro a nɔ́ŋɔ, Hɛfɛrɛ kuóro má nɔ́ŋɔ. 18 Afɛkɛ kuóro a nɔ́ŋɔ, Lasarɔŋ kuóro má nɔ́ŋɔ. 19 Madoŋ kuóro a nɔ́ŋɔ, Hasɔɔrɛ kuóro má nɔ́ŋɔ. 20 Sɩmɩrɔŋ'mɛrɔŋ kuóro a nɔ́ŋɔ, Akɩsafɛ kuóro má nɔ́ŋɔ. 21 Tanakɛ kuóro a nɔ́ŋɔ, Megido kuóro má nɔ́ŋɔ. 22 Kɛdɛsɛ kuóro a nɔ́ŋɔ, Yɔknɩaŋ há mɩŋ Karmɛl tíé mí kuóro má a nɔ́ŋɔ. 23 Dɔɔrɛ há mɩŋ Dɔɔrɛ polo mí kuóro a nɔ́ŋɔ, Goyimi há mɩŋ Gɩlgal mɛ́ kuóro má a nɔ́ŋɔ. 24 Tɩrsa kuóro má a nɔ́ŋɔ. Kuóre ná wuu nʋɔ fa ká mɛrɛ́ rɩ́ fí rí oro ní.