Wɩɩsɛ há á wɩ́ɛ́ ná pá Ɩzɩrayɛl nɩɛ liise
29
1 Ɛ́ nɛ́ Moyizi yɩ́rɛ Ɩzɩrayɛl jamáŋ wuu hé náŋá mɛ́ a bʋl pɔ́wɔ́ bʋlɛ́: «Ɩ́ tɩɩ ná wɩ́ɛ́ ná Nyuutɩna Wɩɩsɛ há ɛɛ́ Ezipiti tíé kuóro rɩ́rʋ́ tʋtʋnnɩhɩɛ̃́sɛ rɩ́rʋ́ nɩɛ wuu mí rí. 2 Ɩ́ tɩɩ ná wɩɩla ná, wɩ́nyɩnɛ ná arɩ́ wɩ́nyáŋsɛ ná wuu ʋ há píé ɔ́wɔ́ mɛ́ rɛ́. 3 Amá arɩ́ zaa wuu Nyuutɩna Wɩɩsɛ ha wɩ lóé ɩ́ wólli zɩŋ wɩ́ɛ́ ná ɩ́ sɩ́ɛ́ há néé, ɩ́ dɩlla há nɩ́ɛ́, mʋ́ʋ́la. 4 Bɩŋsɛ ná mɛɛ́sɛllɛ ŋ há keníwa va gɩrbétéke ná mɛ́, ɩ́ gɛnnɛ wɩ kúsé, ɩ́ natɔɔsɛ má wɩ díé tenni. 5 Ɩ́ fa wɩ dɩpɛ́ŋ kéné rɩ́ɩ́wa dí, a wɩ dɩvɛ́ŋ ɛ́ ráá má sɩ́duóru wuu kéné rɩ́ɩ́wa nyɔ́, amá rɩ́ɩ́wa zɩ́ŋ rɩ́ŋ nɛ́ kɛ́ɩ́wa Nyuutɩna Wɩɩsɛ. 6 Tɛ́ŋ ná mɛ́ á há kúé peri rɛɛ́, Hɛsɩbɔŋ kuóro Sɩhɔŋ arɩ́ Basaŋ kuóro Ɔgɛ kúó lɛ rɩ́wɔ́ yórá nɛ́, amá á yóó díwó rí, 7 a láwɔ́ tíé a pii pá Rubaŋ duo nɩɛ, Gadɛ duo nɩɛ arɩ́ Manaase duo nɩɛ fá ná ʋ ɔ́wɔ́ óŋ. 8 Ɩ́ pɔ́rɩ́wa tɩɩ mɛ́ a tɩŋ nʋtʋmɛ né wɩ́ɛ́ wérí, rɩ́ ɛ́ a rɩ́ wɩ́ɩ́ ná wuu ɩ́ háá ɛɛ́ va wérí.Nʋtʋmɛ ná Nyuutɩna Wɩɩsɛ há bílé pá Ɩzɩrayɛl nɩɛ
9 Zaa, ɩ́ wuu ní cɩ́nɩ́wa Nyuutɩna Wɩɩsɛ sɩ́ɛ́, ɩ́ sɩ́dííre, ɩ́ kuóre, ɩ́ nɩhɩɛ̃́sɛ, ɩ́ tʋtʋnnɩhɩɛ̃́sɛ arɩ́rɩ́wa Ɩzɩrayɛl jamáŋ báála wuu, 10 a súúríwa bɛlɛ, ɩ́ háála arɩ́ nɩhʋɔra ná há mɩ́nɩ́wa sɩɛrʋ a conni daasɛ aá pɛ́ɩ́wa a a nyii má aá pɛ́ɩ́wa. 11 Ɩ́ cɩ́ rɛɛ́ zaa rɩ́ɩ́wa saŋ nʋtʋmɛ ná Nyuutɩna Wɩɩsɛ, ɩ́ Wɩɩsɛ há bílé aá pɛ́ɩ́wa nɛ́, ká ŋmɩ́ɛ́sɛ súúri pɔ́ʋ́ rʋ́ʋ́ zɩŋ rɩ́ɩ́wa saŋɔ́. 12 Ɛ́ wɩ́ɛ́, zaa ʋ mákɔ́ pɛ́ɩ́wa rɩɩ́wa nɛ́ kɔ́ʋ́ nɩɛ, ká ʋ má ɛ́ɩ́wa Wɩɩsɛ, anɛ ɛ́ ʋ há bʋlɛ́ pɛ́ɩ́wa rɩ́rɩ́ɩ́wa naabál, Abɩrahaŋ, Ɩzakɛ arɩ́ Zakɔbɛ. 13 Ɩ́ dʋŋɔ raá Nyuutɩna Wɩɩsɛ bil nʋtʋmɛ né pá, a bʋlɩ́wa ŋmɩ́ɛ́sɛ súúrí rɩ́ɩ́wa saŋɔ́, 14 ʋ bíló párá nɩɛ ná wuu há cɩ́nʋ́ é, á Nyuutɩna Wɩɩsɛ sɩ́ɛ́ zaa, arɩ́rá duo nɩɛ wuu ha há sɩ́ tɩ́ŋrá har ko ní. 15 Ɩ́ tɩɩ ɛ̃ wɩ́ɛ́ fa há nɩhɩ̃́ ɛ́ a párá Ezipiti tíé mí rí, arɩ́ ɛ́ ná, á há lɩ́ɛ́ va a daarɛ duowa náŋa. 16 Ɩ́ fa nówó há kéŋ daasɛ, dɔ́wʋ́ɔ́, wárɛ arɩ́ salmɛ a a veŋgúlli rí onni ná Nyuutɩna Wɩɩsɛ háá kísé. 17 Ɩ́ hé dóé ká pɔ́ rɩ́ bál ɛ́ raá má hál ɛ́ raá má duó ɛ́ raá má jɩmʋ́l oro nɛ́ŋ há mɩ́nɩ́wa sɩɛrʋ zaa, a púú har tɛ́ɩ́wa Nyuutɩna Wɩɩsɛ, káá mʋ́ʋ́ ɓɩ́ɓaarɛ duowa ná oro veŋgúlli. Ɩ́ pɔ́ rɩ́ɩ́wa sɩɛrʋ nɛ́ŋ wuu sɩ́ bɛ́rɔ́ ɛ́ ráá má bakala. 18 Ɩ́ há nɛ́ bʋra né, rɩ nɛrɔ nɛ́ ha mɩ́nɩ́wa sɩɛrʋ a bɩɩnɛ rʋʋ sɩ́ ɔ́ʋ́ tɩɩ satɔ́ɔ́rɩ́wɩ́ɛ́, ká rʋ́ wɩ́ɛ́ ha cɛ́rɛ pɔ́ʋ́, ʋʋ́ nyɩ́sʋ́ tɩɩ nɛ́. Ʋ sɩ́ pɔsɛ wɩ́lɔrɛ́ ko héíwa mɛ́ rɩ́wɔ́ zɔkɛ nɩtaŋáwa rɩ́ wɩ́zɔkrá wuu. 19 Nyuutɩna Wɩɩsɛ waá pii cɛ́ tɩ́na, ʋ sɩ́ ɔsɛ dí cɔ́ɛ́ ʋ nyúú. Bʋrbɔma ná wuu ɓa há pʋ́ŋsɛ́ hé kɛnɔ né sɩɛrʋ sɩ́ dúú, rɩ́ Nyuutɩna Wɩɩsɛ a rʋ́ʋ́ yɩr yʋ́ksɛ dúníé mí. 20 Nyuutɩna Wɩɩsɛ sɩ́ lɩ́sʋ́ dʋŋɔ Ɩzɩrayɛl jɩmʋ́ʋ́la wuu sɩɛrʋ a bɛ́ŋsʋ́, a a rɩ́ bʋrbɔma ná wuu há mʋ́ɛ́ tʋkɛ nʋtʋmɛ ná mɛ́ ɓa há pʋ́ŋsɛ hé Wɩɩsɛ kɩ́ŋse kɛnɔ sɩɛrʋ dúú.
Nyuutɩna wɩɩsɛ sɩ́ ɔ́ʋ́ há sʋ́ʋ́ ná
21 Ɩ́ bɛlɛ há sɩ́ tɩ́ŋɩ́wa har ko arɩ́ nɩhʋɔra ná há lɛ́ tɔ́bole má cíé sɩ́ isi a ná wɩ́lɔrɛ́ ná arɩ́ dɩwɩbɔma ná Nyuutɩna Wɩɩsɛ há píé hé tíé ná mɛ́. 22 Tíé ná wuu sɩ́ nɛ yɛsɛ arɩ́ jirwíí há tɔ́ʋ́ mɛ́, ɓa wɩ óŋ wuó du ráŋ. Óŋ wuu wɩ ráŋ wuó nyʋ́. Ʋ sɩ́ nɛ Sodomi, Gɔmɔrɛ, Adɩma arɩ́ Seboyimi tɔ́nɛ ná Nyuutɩna Wɩɩsɛ fa há cáásɛ́ dí cɔ́ɛ́ a zɔkɛ ɛ́. 23 Duówa wuu nɩɛ sɩ́ bɔsɛ bʋlɛ́: «Beé rí tɛ Nyuutɩna Wɩɩsɛ a tíé né nyɛ>> Beé rí tɛ ʋ cɔ́ɛ́ caasɛ isi nyɛ>>» 24 Ɓa sɩ́ bʋlɛ́: «Ɓa vɔ́ɔ́ rɩ́wɔ́ tɩŋ nʋtʋmɛ ná Nyuutɩna Wɩɩsɛ há bílé ní, nʋtʋmɛ ná ʋ há bílé ʋ rɩ́wɔ́ naabálwa pɛ́kɛ, tɛ́ŋ ná mɛ́ ʋ há kéŋwó kaa lɛ Ezipiti tíé mí. 25 Ɓa vɔ́ɔ́ nɛ́ ká ɓɩ́ɓaarɛ veŋgúlli a ɓíɓírmíwó sɩ́ɛ́, veŋgúlli ná ɓa fa há wʋ́ɔ́ ɛ̃, veŋgúlli ná ʋ raa há wɩ píé pɔ́wɔ́. 26 Ɛ́ wɩ́ɛ́ nɛ́ tɛ, Nyuutɩna Wɩɩsɛ cɔ́ɛ́ ɔsɛ ísíwó nyúú, ʋ pɔ́sɛ́ bʋra ná wuu ɓa há pʋ́ŋsɛ́ hé kɛnɔ né sɩɛrʋ, a ko héwó tíé ná mɛ́ ɛ́. 27 Nyuutɩna Wɩɩsɛ cɔ́ɛ́ há cáásɛ́ ísíwó nyúú, ʋ tɛŋbuóri, ɛ́ nɛ́ tɛ ʋ lɩ́sɩ́wɔ́ tíé ná mɛ́, a káŋwɔ́ pɩsɛ hé tɔ́hʋɔra mɛ́ ɛ́, anɛ ʋ zaa há nɩhɩ̃́ nyɛ́.»
28 Wɩ́ɛ́ náŋa mɩŋ ráŋ Nyuutɩna Wɩɩsɛ, á Wɩɩsɛ pii féŋsírá, ɓa é kɔ́ʋ́ ɓɩɛ nɛ́, amá wɩ́bilé ná sɩɛrʋ wɩ́ɛ́ ná ʋ há píé mákrá, á rɩ́rá bɛlɛ wuu mɔhɔ̃́ ráá tɩ́tɩ́ŋwɔ́ nɛ́ a kaá mʋ́ wuu.