29
1 Cáŋsɛ bálpɛ nyúú mi, dʋ́ŋdʋ́ʋ̃́ tapʋl, ɩ́ sɩ ceŋ náŋá Nyuutɩna Wɩɩsɛ yɩr mɛ́ .Ɩ́ wɩ tʋtʋ́ŋduó oro wuu tʋŋ. Kal ná ɩ́ há sɩ yílli (mú nyɩsɛ) nɛ́ ɛ́. 2 Ɩ́ sɩ ká nɔwalɓʋɔl balá́ rɩ́ peɓala balá́ arɩ́ pewiisi bálpɛ há kéŋ bɩna balá́wa a wɩ kɔ́sɔ kené, a ɔsɛ vʋk físí vʋk'ɔsɔ́ ná sɔ́ŋ há wero a pá́ Nyuutɩna Wɩɩsɛ 3 arɩ́ míŋ satɔ́ɔ́rɩ́pálɔ ná ɓa sɩ hé nʋʋ a ŋmʋsɛ, kere botoro fí sɩɛrʋ, ha súúri nɔwalɓʋɔl ná mɛ́, rɩ́ kere bɛllɛ fí sɩɛrʋ súúri peɓala ná mɛ́ 4 ká rɩ́ ker balá́ fí sɩɛrʋ súúri pewiisi ná oro wuu mɛ́. 5 Ɩ́ sɩ ká bʋŋgboko balá a ɔsɛ wɩbɔma vɔk'ɔsɔ́ a makɛ rɩɩ́wa ná suúri. 6 A súúri cana wuu vʋk físí ná rɩrʋ́ satɔ́ɔ́rɩ́pálɔ ná mɛ́, tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́wɔ nyɔɔllɛ(oŋnyɔɔlɛ) ná mɛ́ anɛ ɛ́ ná wadawa há bile. Ɓa ká vʋka ná níŋ há die a físí ɓa sɔ́ŋ a wérí a pá Nyuutɩna Wɩɩsɛ nɛ́.7 Ɛ́ cáŋsɛ bálpɛ nyúú mi tapʋlɛ fí kal, ɩ́ sɩ ceŋ náŋá Nyuutɩna Wɩɩsɛ yɩr mɛ́ a vɔwɩwa nʋʋsɛ. Ɩ́ wɩ tʋ́ŋ oro wuu tʋŋ. 8 Ɩ́ sɩ ká nɔwalɓʋɔl balá́, peɓala balá́ arɩ́ pewiisi bálpɛ há kéŋ bɩna balá́wa a oro wuu wɩ kɔ́sɔ kené, a ɔsɛ vʋk físí vɔk'ɔsɔ́ ná sɔ́ŋ há wero a pá́ Nyuutɩna Wɩɩsɛ, 9 a súúri míŋ satɔ́ɔ́rɩ́pálɔ ná ɓa há sɩ he nʋʋ a ŋmʋsɛ, rɩ kere botoro fí sɩɛrʋ súúri nɔwalɓʋɔl ná mɛ́, rɩ kere bɛllɛ fí sɩɛrʋ súúri peɓala ná mɛ́ 10 ká rɩ ker balá́ fí sɩɛrʋ súúri pewie wuu mi. 11 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri wɩbɔma suúri sʋ́lɛ́ tapʋl vɔk'ɔsɔ́ ná mɛ́, rɩ́ tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́ nyɔɔlɛ ná haá súúríwo mi. 12 Ɛ́ cana tɩɩ tapʋlɛ fí rɩ́ bɔmmʋ́ɔ́ kal, ɩ́ sɩ ceŋ náŋá Nyuutɩna Wɩɩsɛ yɩr mɛ́; a sɩ tʋ́ŋ oro wuu tʋmʋ́. Ɩ́ sɩ di cana tapʋlɛ bálpɛ a píŋsi Nyuutɩna Wɩɩsɛ yɩr. 13 Ɩ́ sɩ kɛsɛ nɔwalɓʋɔllɛ fí rɩ́ botoro, peɓallɛ bɛllɛ arɩ́ pewiisi fí rɩ́ baná rɩ oro wuu sɩ kɔ́sɔ kánʋ́, a ɔsɛ vʋk físí ná sɔ́ŋ há weró a pá́ Nyuutɩna Wɩɩsɛ, 14 a súúri míŋ satɔ́ɔ́rɩ́pálɔ ná ɓa há he nʋʋ a ŋmʋsɛ, rɩ kere botoro fí sɩɛrʋ súúri nɔwalɓʋɔllɛ ná fí rɩ́ botoro oro wuu mi, rɩ kere bɛllɛ fí sɩɛrʋ súúri peɓallɛ ná bɛllɛ oro wuu mi 15 ká rɩ ker balá́ fí sɩɛrʋ súúri pewiisi ná fí rɩ́ baná oro wuu mi. 16 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́rʋ́ nyɔɔlɔ mɛ́.
17 Tapʋlɛ bɛllɛ kal, ɩ́ sɩ kɛsɛ nɔwalɓʋɔllɛ fí rɩ́ bɛllɛ, peɓallɛ bɛllɛ arɩ́ pewiisi fí rɩ́ baná há kéŋ bɩna balá́wa, oro wuu kɔ́sɔ kené, a ɔsɛ vʋk, 18 a súúri satɔ́ɔ́rɩ́pálɔ ná rɩ́ nyɔɔlɛ ná há mɔhɛ̃́ rɩ́wɔ́ súúri nɔwalɓʋɔllɛ ná rɩ́ peɓallɛ ná arɩ́ pewiisi ná mɛ́ a cesíwó wuu nʋɔ anɛ ɛ́ ná wada há bile. 19 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́rʋ́ nyɔɔlɛ mɛ́.
20 Tapʋlɛ botoro kal, ɩ́ sɩ kɛsɛ nɔwalɓʋɔllɛ fí rɩ́ oro, peɓallɛ bɛllɛ arɩ́ pewiisi fí rɩ́ baná há kéŋ bɩna balá́wa, rɩ oro wuu sɩ kɔ́sɔ kanʋ́, a ɔsɛ vʋk, 21 a súúri satɔ́ɔ́rɩ́pálɔ ná rɩ́ nyɔɔlɛ ná há mɔhɛ̃́ rɩ́wɔ́ súúri nɔwalɓʋɔllɛ ná rɩ́ peɓallɛ ná arɩ́ pewiisi ná mɛ́ a cesíwó wuu nʋɔ anɛ ɛ́ ná wada há bile. 22 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩrʋ́ satɔ́ɔ́rɩ́pálɔ arɩ́rʋ́ nyɔɔlɔ mɛ́. 23 Tapʋlɛ baná kal, ɩ́ sɩ kɛsɛ nɔwalɓʋɔla fí, peɓallɛ bɛllɛ arɩ́ pewiisi fí rɩ́ baná há kéŋ bɩna balá́wa, rɩ oro wuu sɩ kɔ́sɔ kánʋ́, a ɔsɛ vʋk, 24 a súúri satɔ́ɔ́rɩ́pálɔ ná rɩ́ nyɔɔlɛ ná há mɔhɛ̃́ rɩ́wɔ́ súúri nɔwalɓʋɔllɛ ná rɩ́ peɓallɛ ná arɩ́ pewiisi ná mɛ́ a cesíwó wuu nʋɔ anɛ ɛ́ ná wada há bile. 25 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́rʋ́ nyɔɔlɔ mɛ́.
26 Tapʋlɛ́ bɔmmʋ́ɔ́ kal, ɩ́ sɩ kɛsɛ nɔwalɓʋɔla nɛ́mɛ, peɓallɛ bɛllɛ arɩ́ pewiisi fí rɩ́ baná há kéŋ bɩna balá́wa, oro wuu kɔ́sɔ kené, a ɔsɛ vʋk, 27 a súúri satɔ́ɔ́rɩ́pálɔ ná rɩ́ nyɔɔllɛ ná há mɔhɛ̃́ rɩ́wɔ́ súúri nɔwalɓʋɔllɛ ná rɩ́ peɓallɛ ná arɩ́ pewiisi ná mɛ́ a cesíwó wuu nʋɔ anɛ ɛ́ ná wada há bile. 28 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́rʋ́ nyɔɔlɔ mɛ́.
29 Tapʋlɛ́ bálgo kal, ɩ́ sɩ kɛsɛ nɔwalɓʋɔllɛ córí, peɓallɛ bɛllɛ arɩ́ pewiisi fí rɩ́ baná há kéŋ bɩna balá́wa, oro wuu wɩ kɔ́sɔ kené, a ɔsɛ vʋk, 30 a súúri satɔ́ɔ́rɩ́pálɔ ná rɩ́ nyɔɔllɛ ná há mɔhɛ̃́ rɩ́wɔ́ súúri nɔwalɓʋɔllɛ ná rɩ́vpeɓallɛ ná arɩ́ pewiisi ná mɛ́ a cesíwó wuu nʋɔ anɛ ɛ́ ná wada há bile. 31 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́rʋ́ nnyɔɔllɛ mɛ́.
32 Tapʋlɛ́ bálpɛ kal, ɩ́ sɩ kɛsɛ nɔwalɓʋɔllɛ bálpɛ, peɓallɛ bɛllɛ arɩ́ pewiisi fí rɩ́ baná há kéŋ bɩna balá́wa, rɩ oro wuu sɩ kɔ́sɔ kanʋ́, a ɔsɛ vʋk, 33 a súúri satɔ́ɔ́rɩ́pálɔ ná rɩ́ nnyɔɔllɛ ná há mɔhɛ̃́ rɩ́wɔ súúri nɔwalɓʋɔllɛ ná rɩ́ peɓallɛ ná arɩ́ pewiisi ná mɛ́ a cesíwó wuu nʋɔ anɛ ɛ́ ná wada há bile. 34 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́rʋ́ nyɔɔlɔ mɛ́.
35 Tapʋlɛ́ córi kal, ɩ́ cana tenne ni: ɩ́ wɩ tʋ́ŋ oro wuu tʋŋ. 36 Ɩ́ sɩ ka nɔwalɓʋɔl balá́, peɓala balá́ arɩ́ pewiisi bálpɛ há kéŋ bɩna balá́wa, oro wuu wɩ kɔ́sɔ kené, a ɔsɛ vʋk físí ná sɔ́ŋ há wéró a pá́ Nyuutɩna Wɩɩsɛ, 37 a súúri satɔ́ɔ́rɩ́pálɔ ná rɩ́ nnyɔɔllɛ ná há mɔhɛ̃́ rɩ́wɔ́ súúri nɔwalɓʋɔllɛ ná rɩ́ peɓallɛ ná arɩ́ pewiisi ná mɛ́ a cesíwó wuu nʋɔ anɛ ɛ́ ná wada há bile. 38 Ɩ́ sɩ ká bʋŋgboko balá́ a ɔsɛ wɩbɔma vɔk'ɔsɔ́, a súúri tɛ́ŋ wuu vʋk físí ná rɩ́rʋ́ satɔ́ɔ́rɩ́pálɔ arɩ́rʋ́ nyɔɔlɔ mɛ́.
39 «Ná wɩ́ɛ́ ná ɩ́ há mɔhɛ̃́ rɩ́ɩ́wa a pá́ Nyuutɩna Wɩɩsɛ tapʋlɛ́ ná ʋ há lɩ́sɛ́ pɛ́ɩ́wa kal, a súúríwa vʋk físé ná rɩ́rɩ́wa satɔɔrɩpallɛ, rɩ́rɩ́wa nyɔɔllɛ arɩ́rɩ́wa tɛŋfɩ́ɛ́l vʋka ná, ɩ́ há sɩ ɔsɛ rɩɩ́wa nʋtallɛ nɩ súé ɛ́ rá má a súúríwa satɔɔrɩpallɛ ná há tó vʋka yɩr mɛ́ ».