23
1 Balaamɛ bʋl Balakɛ rɩ́ a bʋlɛ́ :«Ma kórsi bálpɛ rɛɛ́ a páŋ, ká ja nɔɓallɛ bálpɛ rɩ́ peɓallɛ bálpɛ pá» 2 Balakɛ tʋŋ ɛ́ ná Balaamɛ há bʋlɛ́. Balakɛ rɩ́ Balaamɛ ká nɔɓala balá rɩ́ peɓala balá, a ɔsɛ vʋk koro wuu nyúú. 3 Balaamɛ bʋ́l Balakɛ rɩ́ a bʋlɛ́:«Isi cɩnɩ́ vʋk fisi ná laka, ká rɩ́ŋ gɩɩkɛ ká ko; rɩɩ́ gbé Nyuutɩna Wɩɩsɛ sɩ ko cémíŋ, rɩ́ŋ ko máŋsʋ́ há sʋ́ʋ́ ná, a pɛ́ɩ́.» Ká pi ŋmɛ́nɔ mʋ́ zɛ́ dúŋduóŋ nyúú. 4 Wɩɩsɛ ko Balaamɛ sɩ́ɛ́, ʋ bʋ́lʋ́ rɩ́ a bʋlɛ́:«Ŋ má korsi bálpɛ a ka nɔɓala balá rɩ́ peɓala balá a ɔsɛ vʋk oro wuu nyúú.» 5 Nyuutɩna Wɩɩsɛ pi wɩ́ɛ́ hé Balaamɛ nʋɔ mɛ́, ká bʋlɛ́:«Bɩr mʋ́ Balakɛ rɩ́ a bʋ́l nyɛ́ pɔ́ʋ́.» 6 Balaamɛ bɩr mʋ́ Balakɛ rɩ́, rʋ́ há cɩnʋ́ vʋk fisi ná laka, ʋ rɩ́ Mʋabitiwa kuówɩɛla ná wuu. 7 Balaamɛ sɩɛ́ máŋsʋ́ wɩ́ɛ́ a bʋlɛ́:«Balakɛ ɔɔ́ ŋ lɛ Aramɛ mɛ́,
Mʋabɛ kuóro ɔɔ́ ŋ lɛ
tɔ́ɔ́ mʋ́l paala sɩɛrʋ.
Ko, a bʋr he Zakɔbɛ mɛ́ páŋ!
Ko, a díí cɔ́wɩ́ɩ́lɔ Ɩzɩrayɛl nyúú!› 8 Ŋŋ a ɛ́rɛ rɩ bʋr he nɛ́ŋ ná mɛ́ Wɩɩsɛ há wɩ bʋrɛ́ hóú mi>> Ŋ a ɛ́rɛ rɩ díŋ cɔ́wɩ́ɩ́lɔ nɛ́ŋ ná nyúú, Wɩɩsɛ há wɩ cɔɛ́ dié ʋ nyúú>>
9 Ŋ cɛ́ bʋ́ɔ́ nyúú ɓóŋɓóŋ ka nóú,
Ŋ cɛ́ dɩŋduóme dɩ'isé kaá bɛ́llʋ́;
Ŋ ná jamáŋ ná há cɩ́nʋ́ dʋŋɔ,
Ká tó duówa ná náŋa sɩɛrʋ.
10 Áŋ rɛ́ sɩ wólli dɩɩsɛ Zakɔbɛ kúŋkulo>>
Ká makɛ Ɩzɩrayɛl nɩkaŋdɔ́ɔ́ nɩɛ nʋɔ>>
Rɩŋ sʋwɛ nɩtaŋáwa sʋʋ,
Ká rɩ́ŋ dɩtenní má nɩɛ̃́sɩ́wɔ dɩtenní!
11 Balakɛ bʋ́l Balaamɛ rɩ́ a bʋlɛ́:«Beéri ɩ áŋ nyɛ́>> Ŋ sɛ́ rɩ́ ko bʋr héŋ dɩŋdɔma mɛ́ anɛ ɩ ko hé bárka nɛ́ aa pɔ́wɔ́!» 12 Ɛ́ nɛ́ Balaamɛ sɛ́:«Wɩ́ɩ́ ná Nyuutɩna Wɩɩsɛ há pie héŋ nʋɔ mɛ́ nɛ́ ŋ bʋl!»
Balaamɛ bʋllɛ nyúú mí barka
13 Balakɛ sɛ́:«Tɩŋɩ́ŋ mɛ́ rá mʋ́ cɔɔ nɔ́ŋɔ rɩ́ nówó, ɓa cɔɔ nɔ́ŋɔ nɛ́ rɩɩ́ ná, ɩ wʋ́ɔ́ wuú ná; rɩ́ cɩ ráŋ bʋr héwó mi páŋ. 14 Ʋ kánʋ́ mʋ́ Sɔfɩmi baka, Pisiga paalɔ nyúú ɓóŋɓóŋ; a má korsi bálpɛ ká ká nɔɓala balá rɩ́ peɓala balá a ɔsɛ vʋk koro oro wuu nyúú. 15 Balaamɛ bʋ́l Balakɛ rɩ́ a bʋlɛ́:«Isi cɛ́ dahá rɛ́ɛ́wa, ɩ vʋk fisí ná laka ká rɩ́ŋ mʋ́ rɛ́ rɩ́ cemú.»
16 Nyuutɩna Wɩɩsɛ ko Balaamɛ rɩ́; a pi wɩ́ɛ́ hóú nʋɔ mɛ́ ká bʋlɛ́ :« Bɩrmʋ́ Balakɛ rɩ́, a bʋ́l nyɛ́ pɔ́ʋ́.» 17 Balaamɛ bɩrmʋ́ Balakɛ rɩ́, rʋ́ há cɩ́nʋ́ vʋk fisí ná laka, arɩ́ Mʋabitiwa kuówɩɛla. Balakɛ bɔsʋ́ bʋlɛ́:« Nyuutɩna Wɩɩsɛ sɛ́ beé ri>>» 18 Ɛ́ nɛ́ Balaamɛ sɩɛ́ césú wɩnáálɛ a bʋlɛ́:
Balakɛ, isi, a zesi!
Wúóli dɩlla, Sɩpɔrɛ bio!
19 Wɩɩsɛ tó nɩbiŋ, aá nyɛ́ nyɩ́ɛ́rʋ,
Ʋ sɩɛ́ baá to Adaŋ bii má aá bʋ́l fa'ɩ́ɔ̃́.
Ʋ há sʋʋ́ ná, ʋ wʋʋ nɩɩ tʋŋ rɛ́>>
Ʋ sʋʋ́ ná, ʋ rá waá cɩ rɛ́>>
20 Ná, ŋ ná ŋmɛ́nɔ rɩ́ŋ he bárka nɛ́:
Wɩɩsɛ hé bárka, ŋ wʋ́ʋ́ wuó giri.
21 Ʋ wɩ wɩbɔ́ŋ neé Zakɔbɛ mɛ́,
Ʋ wɩ wɩhála neé Ɩzɩrayɛl mɛ́;
Nyuutɩna Wɩɩsɛ, ʋ Wɩɩsɛ, mɩnʋ́ har,
Ʋ dóé de nɛ́ kuó doé ni.
23 Vʋrɩ́ wɩ Zakɔbɛ wɩ́ɩ́ wúó a,
Hɩlɩ́ má wɩ Ɩzɩrayɛl nɩɛ tʋŋ kené;
Rʋʋ tɛ́ŋ nɛ́ péré, wɩ́ɩ́ ná Wɩɩsɛ há ɛ́, ɓa sɩ bʋ́l pɔ́wɔ́.
24 Ná jamáŋ neé haá isé anɛ kɩŋkáŋmaá,
A cɛ́ anɛ kɩŋkána;
Ʋ wɩ tíé pɛ rʋʋ́ nɩ wʋʋ́ namɩɛ kené cɔ́nɛ,
Ká nyɔ́ ɓa ná ʋ há ɓʋ́ɛ́ cɛ́l.»
25 Balakɛ bʋ́l Balaamɛ rɩ́ a bʋlɛ́:«Rɩ nɩ waá bʋrɩ́ hóú mi, ɩ sɩ bárka má sʋl pɔʋ́ yá» 26 Ɛ́ nɛ́ Balaamɛ bʋ́l pɔ́ʋ́ a bʋlɛ́:« Ŋ fa wɩ bʋlɛ́ pɛ́ɩ́ a bʋlɛ́:‹Ŋ sɩ́ ɔ́ɔ́ ná wuu Nyuutɩna Wɩɩsɛ há sɩ bʋ́lɩ́ŋ a>>›»
Balaamɛ botoro nyúú mi bárka
27 Balakɛ bʋ́l Balaamɛ rɩ́ a bʋlɛ́:«Kó, rɩ́ŋ kánɩ́ mʋ́ dɩhɩ nɔ́ŋɔ; rɩ́ɩ́ gbe Wɩɩsɛ sɩ́ ná rɩ́ ráŋ cɛ́rɔ́, rɩ́ɩ́ bʋrɛ hé jamáŋ né mi a páŋ.» 28 Ɛ́ nɛ́ Balakɛ ká Balaamɛ mʋ́ Pɩhɔrɛ paalɔ nyúú ɓóŋɓóŋ , a culli gɩrbétéke. 29 Balaamɛ bʋlʋ́ rɩ́ a bʋlɛ́:«Má korsi bálpɛ, a ja nɔɓallɛ bálpɛ arɩ́ peɓallɛ bálpɛ a páŋ rɛɛ́.» 30 Balakɛ tʋ́ŋ ɛ́ ná Balaamɛ há bʋlɛ́, a ká nɔɓala balá rɩ́ peɓala balá a ɔsɛ vʋk kór wuu nyúú.