Wadawa wɩ́ɛ́
Busunnu nɩɛ lɩ́sɛ wɩ́ɛ́
5
1 Nyuutɩna Wɩɩsɛ bʋl Moyizi rɩ́ a bʋlɛ́: 2 «Bʋl pá Ɩzɩrayɛl nɩɛ, rɩ́wɔ́ lɩ́sɛ púl sɩɛrʋ, nɛ́ŋ ná é wuu há kéŋ dayálmʋ, ɛ́ rá má nyii lɩ́lʋ́ ballɩ́ ɛ́ rá má hallɩ́ mɛ́, ɛ́ rá má nɛ́ŋ ná há tɩkɛ sʋwɛ mɛ́ a zʋ busunnu ŋ sɩ́ɛ́ mɛ́. 3 Rɩ báála nɛ́, rɩ háála nɛ́, ɩ́ lɩ́sɩ́wɔ́ rɩ́wɔ́ sɩ́ busunnu káá zʋ púl sɩɛrʋ há káŋ dɩmɩnɩ́.» 4 Ɩzɩrayɛl nɩɛ ɓɩɛ́na tʋŋ ɛ́ ná Nyuutɩna Wɩɩsɛ fa há mákɛ́ pá Moyizi, a lɩ́sɛ ɛ́ nɩɛ wuu púl sɩɛrʋ.
Zɔ́krʋ ɔsɛ́ wɩ́ɛ́
5 Nyuutɩna Wɩɩsɛ bʋl Moyizi rɩ́ a bʋlɛ́: 6 «Bʋl Ɩzɩrayɛl nɩɛ rɩ́ a bʋlɛ́: «Rɩ bál ɛ́ rá má hál pí wɩ́ɩ́ ná Wɩɩsɛ há waá ja, rɩ́ɩ́ tʋ́mʋ́ nɔ́ŋɔ mɛ́, rɩ́ tɩ́na zɩŋ rʋ́ʋ́ ɔ́ɔ́ zɔkɛ Nyuutɩna Wɩɩsɛ má mɛ́ nɛ́. 7 Ʋ mɔhɔ̃́ rʋ́ʋ́ saŋ makʋ́ wɩ́zɔ́kɩ́, ká ja óŋ ná ʋ há zɔ́kɛ́ nɔ́ŋɔ, a pá omo tɩ́na, a súkú oŋzɔkɩ́ gbel ká súúri ɛ́ omo píŋ há mɔhɛ̄́ ɛ́, ker balá bɔmmʋ́ɔ́ sɩɛrʋ a pá tɩna. 8 Rɩ omo tɩ́na nɛ́ sʋ́wɛ́, ká wɩ́ nɛ́ŋ kené rʋ́ʋ́ sáŋʋ́ yɩr mɛ́, a wólli omo ná aá la, Nyuutɩna Wɩɩsɛ nɛ́ tʋ́ʋ̄́ rɩ́wɔ́ pii pɔ́ʋ́ vʋk'ɔɔsɔ, a súúri busummʋ́ʋ́rɛ peɓala ná ʋ há sɩ kaa ko rɩ́ Wɩɩsɛ vʋk'ɔɔsɔ laa ɔsɛ vʋk'ɔsɔ́, ʋ yɩr mɛ́. 9 Satɔ́ɔ́rɩ́pálɔ ná é wuu Ɩzɩrayɛl nɩɛ há lɩ́sɛ́, Nyuutɩna Wɩɩsɛ yɩr mɛ́, a pii cáánɛ Wɩɩsɛ vʋk'ɔɔsɔ, ɛ́ vʋk'ɔɔsɔ nɩ́ɩ́ tɩ́llɩ́wɔ́. 10 Nɛrɔ wuu há lɩ́sɛ ɓɩɛ ná Wɩɩsɛ yɩr mɛ́, ʋ nɩ́ tɩ́wɔ́, ká ɓa ná nɛrɔ wuu há kené mʋ́ pá vʋk'ɔɔsɔ, ʋ má nɛ́ tɩ́wɔ́.»
Hácɔrmɔ wada wɩ́ɛ́
11 Nyuutɩna Wɩɩsɛ bʋ́l Moyizi rɩ́ a bʋlɛ́: 12 «Bʋl Ɩzɩrayɛl nɩɛ rɩ́ a bʋlɛ́: ‹Rɩ bál rɩ kénú háálɔ, rʋ́ʋ́ lúúrú aá ja báála, 13 rɩ́ bál nɔ́ŋ lʋɔrɛ kánʋ́ pɛ́, ká nɛ́ŋ wʋ́ʋ́ cɛ́rɛ́, rɩ́ kánʋ́ ɛ́ wɩ́ɩ́ mɛ́, ʋ zʋ́ busunnú, (ká rɩ nɛ́ŋ wʋ́ʋ́ cɛ́rɛ́, rɩ́ɩ́ kánʋ́ ɛ́ wɩ́ɩ́ mɛ́;) 14 ká rɩ́ pike zʋʋ́ balá rʋ́ʋ́ dídí banɔ́ŋnɩ́ rɩ́rʋ́ háálɔ ná há zʋ́ busunnú, ɛ́ rá má rɩ pike ná há zʋʋ́ rɩ́ɩ́ dídí banɔ́ŋnɩ́ rɩ́rʋ́ háálɔ, kɔ́ʋ́ wɩ wɩ́ɩ́ ɛ̃́; 15 ɛ́ báálɔ sɩ́ kánʋ́ háálɔ mʋ́ vʋk'ɔɔsɔ rɩ́, a pɛ́ máŋsɛ ɔrzɛ míŋ kíló botoro a tɛ, háálɔ ná yɩr mɛ́, a sɩ nʋʋ ráŋ hé, a sɩ́ áŋsaŋsɛ má hé, bee wɩ́ɛ́ banɔ́ŋnɩ́ pálɔ nɛ́, liise pálɔ, háá kuusi wɩ́bɔmɔ. 16 Vʋk'ɔɔsɔ ná sɩ́ a rɩ́ háálɔ ná tuuperi, a cɛ́ daha Nyuutɩna Wɩɩsɛ sɩ́ɛ́. 17 Vʋk'ɔɔsɔ ná sɩ́ pi cʋʋ oŋ'máálɛ a a nyii Wɩɩsɛ yɩr mɛ́ (Wɩɩsɛ nyii) a hóú sɩɛrʋ, a pa cémé táŋtɛjaa kúŋkúlo hé ɛ́ nyii mí. 18 Háálɔ ná há cɛ́ daha Nyuutɩna Wɩɩsɛ sɩ́ɛ́, vʋk'ɔɔsɔ sɩ́ púrú nyúɓikó, ká tɔ́ʋ́ nyúpʋ́sɛ, ka pi liise pálɔ ná há ká bánɔŋnɛ pálɔ, a hóú nɛ́ŋsa mɛ́, ká má tɩɩ ka nyihaarʋ ná háá pá wɩɩla, ʋ nɛ́sɛ mɛ́. 19 Vʋk'ɔɔsɔ ná sɩ́ a rɩ́ háálɔ ná ŋmɩ́ɛ̃́sɛ ká rʋ́ʋ́ bʋ́lʋ́ rɩ́ bʋlɛ́: ‹Taŋá, rɩɩ nɛ́ wɩ́ɩ́ bála lúúré, rɩ́ɩ́ ja báála, rɩ́ bál nɔ́ŋ kánɩ́ pɛ́, rɩ́ɩ́ zʋ busunnu, rɩ́ bʋra nyii (nyihaarʋ) nyáŋ sɩ́ wɩɩla héé pɛ́ɩ́. 20 Amá rɩɩ nɩ́ ɓɩɛ́na lʋ́ɔ́rɩ́ balá, rɩ́ bál nɔ́ŋ kanɩ́ pɛ́ rɩ́ɩ́ zʋ busunnu ..., 21 Vʋk'ɔɔsɔ ná sɩ́ a rʋ́ʋ́ bʋrɛ bʋra hóú tɩɩ mɛ́ ká rʋ́ʋ́ bʋlʋ́ rɩ́ bʋlɛ́: «Rɩ́ Nyuutɩna Wɩɩsɛ ló rɩ́ ɛ́ bʋra wɩhála peri ɩ dunɩɛ sɩɛrʋ. A a rɩ́ɩ́ a hápɩ́r, rɩ́ɩ́ file sú a makɛ rɩ́ɩ́ náŋa píí nɩɩsɔ nɛ́ máŋsɛ, rɩ ɓa nɛ́ kúé aá bʋl bʋra wɩhálawa wɩ́ɛ́. 22 Rɩ́ bʋra nyii nyáŋ háá hé wɩɩla zʋ́ɩ́ sɩɛrʋ a a rɩ́ɩ́ file sú ká a rɩ́ɩ́ ɩ́lla má zɛkɛ. Rɩ́ háálɔ ná bʋlɛ́: ‹Amɩɩ! Rɩ́ ɛ́ nɛ́ de cɛ́›. (Rɩ́ ɛ́ nɛ́ tʋŋ! Rɩ́ ɛ́ nɛ́ tʋŋ!) 23 Vʋk'ɔɔsɔ ná sɩ́ pʋ́ŋsɛ ɛ́ bʋra a pii sɛsɛ bʋranyii ná sɩɛrʋ. 24 Ʋ sɩ́ a rɩ́ háálɔ ná nyɔ nyihaarʋ ná (bʋra nyii ná) há kéŋ wɩhála rɩ́wɔ́ zʋʋ́ sɩɛrʋ, a hé wɩ́hála pɔ́ʋ́. 25 Vʋk'ɔɔsɔ ná sɩ́ bɩrla bánɔŋnɛ pálɔ ná ʋ nɛ́ŋsa mɛ́, a pii cáánɛ Wɩɩsɛ, ká kaa mʋ́ koro ná sɩ́ɛ́. 26 Vʋk'ɔɔsɔ ná sɩ́ a pálɔ míŋ ná nɛ́sɛ sɩ́ɩ́, a nyɩkɛ koro ná daha, rʋ́ʋ́ a liise. Ʋ ɛ́ har mɛ́, rʋ́ʋ́ sɩɛ́ a rɩ́ háálɔ ná nyɔ nyii ná. 27 Ná wɩ́ɩ́ ná há sɩ́ tʋ́mʋ́ mɛ́, rʋʋ nɛ́ nyɔ́ ɛ́ nyii: Rʋʋ nɛ́ ɓɩɛ́na lúúrú bála rɩ́ ja báála, (va gɩragɩra bála) rɩ́ zʋ́ busunnu, nyii ná há kéŋ wɩ́hála sɩ́ zʋ́ʋ́ sɩɛrʋ, a a háksɛ, a a rʋ́ʋ́ file sú, rʋ́ʋ́ ɩ́lla zɛkɛ, rʋ́ʋ́ náŋa púú nɩɩsɔ nɛ́ aá máŋsɛ, rɩ ɓa kúó aá bʋl wɩ́hálawa wɩ́ɛ́. 28 Amá rʋʋ́ nɛ́ wɩ wɩ́ɩ́ ɛ̃́, ka kánʋ́ tɩɩ wérí, a wɩ busunnu zʋ́ɛ́, wɩ́ɩ́ wʋ́ʋ́ pu, amá ʋ sɩ́ a bilʋ́llʋ́.
29 Nyɛ nɛ́ ká bánɔŋnɩ́ wáda ná há sɩ́ bil, rɩ hál rɩ́ lúúrú balá, rɩ́ɩ́ ja báála (va gɩragɩra) rɩ́ɩ́ zʋ busunnu. 30 Ɛ́ rá má piké (bánɔŋnɩ́ sabɩɩna) há zʋ́ báálɔ, ʋ dídí bánɔŋnɩ́ ʋ háálɔ wɩ́ɛ́, vʋk'ɔɔsɔ ná sɩ́ a rɩ́ háálɔ ná cɛ́ dahá Nyuutɩna Wɩɩsɛ sɩ́ɛ́, ká rʋ́ʋ́ pi ɛ́ wáda naasɛ tɩ́ŋʋ́ mɛ́, rʋ́ʋ́ nʋɔ sú. 31 Bála é wɩ wɩ́ɩ́ zɔ́kɛ́, amá rɩ háálɔ nɛ́ ɛ̄ wɩ́ɩ́, ʋ sɩ́ dí wɩɩla.