Vʋka dɩ'ɔsɩ́ wɩ́ɛ́
17
1 Nyuutɩna Wɩɩsɛ bʋ́l Moyizi rɩ́ bʋlɛ́: 2 «Bʋl pá Aarɔŋ rɩ́rʋ́ bɛlɛ, rɩ́ Ɩzrayɛl bɛlɛ wuu a bʋlɛ́ rɩ́wɔ́ ná Nyuutɩna Wɩɩsɛ liŋó: 3 Rɩɩ Ɩzrayɛl nɛ́ŋ wuu ɓʋ́ pʋna, rɩ nɔɔ nɛ́, rɩ piēso ní, rɩ bʋʋnɔ nɛ́, rʋʋ ɓʋ́ʋ́ púl sɩɛrʋ nɛ́, rɩ har rɩ́ nɛ́, 4 ká wɩ kené ko céme táŋtɛjaa dánnʋɔ, rɩ́ pá Nyuutɩna Wɩɩsɛ anɛ vʋk, ʋ sɩ́ túŋ cɛ́l ná ʋ há bɩ́sɛ́ kɩŋ. Ɓa sɩ́ lísʋ́ ʋ duo sɩɛrʋ. 5 A makɛ rɩ́ Ɩzɩrayɛl nɩɛ sɩ́ pʋsɛ ɓʋ́ʋ́sʋ́ rɩ́ ɔsɛ vʋka gɩr sɩɛrʋ, ká rɩ́wɔ́ kɛsɛ ko céme táŋtɛjaa a pá vʋk'ɔɔsɔ, rʋ́ʋ́ laa ɔsɛ tɛŋfɩ́ɛ́l vʋka a pá Nyuutɩna Wɩɩsɛ. 6 Vʋk'ɔɔsɔ sɩ́ píwó cɛ́l a waasɛ Nyuutɩna Wɩɩsɛ koro ná há mɩŋ céme táŋtɛjaa dánnʋɔ, ká wásɩ́wɔ nʋnnɛ ráŋ, rɩ́wɔ́ sɔ́ŋ a wérí, a tɔrɛ Nyuutɩna Wɩɩsɛ sɩɛrʋ. 7 Ɩzɩrayɛl nɩɛ báá wɩ vʋká ɔsɛ rɩ́ pá venni ná ɓa há bɩ́rmɛ́ ɓa nɛ buŋgboksi, ɓa píwó tɩɩ héwó mí aá cʋ́ɔ́lɩ́wɔ́. 8 Bʋ́lwɔ́ rɩ́ bʋlɛ́: Rɩ Ɩzɩrayɛl bio wuu, rɩ́ nɩhʋɔra ná há kéŋwó daha wuu, rɩ ɓa oro já rʋ́ʋ́ ɔsɛ vʋkfísi, ɛ́ rá má vʋk oro wuu duó, 9 ká wɩ kené ko céme táŋtɛjaa sɩ́ɛ́, a ɔsɛ pá Nyuutɩna Wɩssɛ, ɓaá lɩ́sʋ́ ʋ duo sɩɛrʋ nɛ́.Ɩ́ sɩ́ cɛ́l dí
10 «Rɩ Ɩzɩrayɛl bio, ɛ́ rá má nɩhʋɔrɔ ná há kéŋwó daha oro wuu dí pʋna cɛ́l, ŋ sɩ́ bɩ́rɩ́ŋ har tɛ tɩ́na, ká lɩ́sʋ́ ʋ duo nɩɛ sɩɛrʋ. 11 Bee wɩɛ oŋwómmi wuu hiēsó mɩ́nʋ́ cɛ́l mɩ́ nɛ́; ɛ́ nɛ́ ɓa bɩ́sɩ́wɔ́ aá hé koro daha, rɩ́wɔ́ héíwa wɩ́bɔmɔ suúri, ká rɩ́ɩ́wa ná waana. Cɛ́l nɩ́ɩ́ tɛ suúri, ʋ há ká hiēsó wɩ́ɛ́. 12 Ɛ́ nɛ́ tɛ ŋ sɛ́ rɩ́ Ɩzɩrayɛl nɩɛ rɩ́wɔ́ sɩɛrʋ nɩhʋɔra wuu sɩ́ cɛ́l dí.
13 Ɩzɩrayɛl bio wuu, ɛ́rá má zɩ́zʋʋlɛ́ há mɩ́ŋwɔ́ sɩɛrʋ, rʋʋ lɛ́ naŋbaálʋ, a ka pʋna ɛ́ rá má diíwie ná há wɩ díí kísí, ʋ́ kɔ́rkɛ, a bɩ́sʋ́ cɛ́l tá tíé, a kuri tɛŋ tɔ́ɔ́. 14 Bee wɩ́ɛ́, oŋwómmi é wuu hiēsó mɩ́nʋ́ cɛ́l mɛ́ nɛ́. Ɛ́ nɛ́ tɛ ŋ sɛ́ rɩ́ Ɩzɩrayɛl nɩɛ sɩ́ cɛ́l dí; bee wɩ́ɛ́ omo wuu hiēsó mɩ́nʋ́ cɛ́l mɛ́ nɛ́. Rɩ nɛrɔ wuu dí cɛ́l, ɩ́ lɩ́sʋ́ ʋ duo nɩɛ sɩɛrʋ tá.