22
1 Rɩ gaarɔ nɛ́ rɩ́wɔ́ cɛ́rɛ tɩ́taŋ rʋʋ́ lúri zeŋ rɩ́wɔ́ ŋmɔwɛ rʋ́ʋ́ sʋwɛ, ɓa wʋ́ʋ́ gieli rʋʋ kéŋ nɩɓʋ́ʋ́rɩkɩŋ aá túŋ. 2 Amá rɩ wɩɩsɛ pómó é ká rɩ́ ɛ́ tʋŋ, ʋ kéŋ nɩɓʋ́ʋ́rɩkɩŋ aá túŋ. Gaarɔ mɔhɔ̃́ rʋ́ʋ́ túmú oŋgaalɩ́; rʋʋ nɛ́ wɩ óŋ kené, ɓa sɩ́ yɛ́llʋ́ túmú oŋgaalɩ́ ná kɩŋ. 3 Rʋʋ oŋgaalɩ́ nɩ́ ká nɔɔ, kokúmé, píéŋsú ɛ́rá má bʋ́ŋ, rɩ́wɔ́ nóú rʋʋ ha wómmó ʋ nɛ́sɛ mɛ́, ʋ mɔhɔ̃́ rʋ́ʋ́ ja ɛ́ pʋna duo nɔ́ŋɔ́ nɛ́ a súúri túŋ.Nɩɛ ɓɩɛ zɔkɛ́ wɩ́ɛ́
4 Rɩ nɛrɔ lóó rʋ́ʋ́ pʋsɛ dí nɛ́ŋ baká ɛ́rá má ʋ víínyi, ʋ mɔhɔ̃́ rʋ́ʋ́ jɔ́ʋ́ baka ɓɩɛ ná há ɔ́sɛ́ kɩ́ŋkáŋ, ɛ́rá má ʋ víínyi ná há wéró ní a túŋ baka tɩ́na.
5 Rɩ níŋ ní díé rɩ́ɩ́ ísí ka sɔɔ, rɩ́ níŋ ná daarɛ dí baka ɓɩkʋsɩbilé, ɓɩɛ há bɩ́ɛ́, ɛ́rá má ɓa ná ha há wɩ bɩ́ɛ́, nɛrɔ ná há hé níŋ ná mɔhɔ̃́ rʋ́ʋ́ túŋ kɩŋ nɛ́. 6 Rɩ nɛrɔ píí meéwíé ɛ́rá má ɩ onni rɩ́ pɛ́ɩ́ nɔ́ŋɔ rʋ́ʋ́ bil, rɩ́wɔ́ gáwɔ́ ʋ jaa mɛ́, rɩ ɓa nɛ́ kéŋ gaarɔ, gaarɔ ná mɔhɔ̃́ rʋ́ʋ́ jáwɔ́ náŋa nɛ́ súúri a túŋ. 7 Rɩɩ́wa nɛ́ wɩ gaarɔ néé, oŋbillo ná sɩ́ cɛ́ Wɩɩsɛ sɩ́ɛ́, a bʋlʋ́ wʋ́ʋ́ nɔ́ŋɔ ɓɩɛ ná mɛ́ tɩ́kɛ́. 8 Rɩ gɩragɩra kúó mɩŋ wɩ́ɩ́ wuu mí, anɛ nɔɔ, kokúme, pieŋso ɛ́rá má bʋʋnɔ, gɛrɔ ɛ́rá má omo ná é wuu há yʋ́ksɛ́, nɩɛ bɛllɛ ka pʋna ná ɛ́rá má omo ná wɩ́ɛ́ aá pɔsɛ náŋá, ɓa mɔhɔ̃́ rɩ́wɔ́ mʋ́ Wɩɩsɛ sɩ́ɛ́; nɛrɔ ná Wɩɩsɛ há vʋ́ʋ́rɛ́ vɔŋ, ʋ sɩ́ ja ɛ́ omo nɔ́ŋɔ súúri a pɔ́ʋ́ nɔ́ŋɔ ná.
9 Rɩ nɛ́ŋ pí kokúme, nɔɔ, pieŋso, pʋna é wuu, rɩ́ɩ́ pɔ́ʋ́ nɔ́ŋɔ rʋ́ʋ́ tá, rɩ́ pʋna ná sʋ́wɔ́, rʋʋ dɩhɩ̃́ bóró, ɛ́rá má rɩ ɓa kenó ní ká nɛ́ŋ wʋ́ʋ́ néé, 10 ɓa bɛllɛ sɩ́ ŋmɩ́ɛ́sɛ Nyuutɩna Wɩɩsɛ yɩr mɛ́, ká rɩ́ pʋbello ná bʋlʋ́ ra wʋ́ʋ́ nɔ́ŋɔ pʋna ná kené. Pʋna tɩ́na sɩ́ saŋ ɛ́ ŋmɔ́ɔ́, rɩ́ pʋbello ná sɩ́ kɩŋ túmú. 11 Amá rɩ ɓa gá pʋna ná pʋbello jaa mɛ́, ʋ sɩ́ túŋ pá pʋna tɩ́na. 12 Rɩ dííre ní kéŋ pʋna ná dí, pʋbello ná mɔhɔ̃́ rʋ́ʋ́ pá naŋkuléwa ko makɛ rɩ́ ɛ́ a dáŋsɩ́ɛ́; ɛ́ é, ʋ waá túŋ.
13 Rɩ nɛrɔ mʋ́ɔ́ kɩ́mʋ́ kénninɔ́ŋɔ pʋna, rɩ́ pʋna ná naa nɔ́ŋɔ bóri ɛ́rá má rʋ́ʋ́ sʋwɛ, pʋna tɩ́na har mɛ́, nɛrɔ ná há kɩ́mɛ́, ʋʋ́ túŋ ɛ́ pʋna nɛ́. 14 Amá rʋʋ rɩ pʋna tɩ́na tɩɩ sɩ́ɩ́ mɛ́ nɛ́ rɩ́ ɛ́ tʋŋ, ʋ waá túŋ. Rʋʋ nɛ́ ká pʋna ná ɓa há hɛ́ɛ́ nɛ́, ʋ hɛ́ɛ́ ná meéwí mɔhɔ̃́.
Wɩɩsɛ búí arɩ́ nɩbííno búí
15 Rɩ bál nyɩ́sɛ́ toopero ná ha há wɩ bál ɛ̃ a wɩ jɩ́jaarɔ kené, a kánʋ́ pɛ́, ʋ sɩ́ tɔ́ʋ́ mʋ́l ɓɩɛ, ká púú ja. 16 Rɩ áná nɛ́ sʋ́ʋ́ wʋ́ʋ́ toló píí pɔ́ʋ́, ʋ sɩ́ túŋ meéwí, toopero mʋ́l ɓɩɛ mʋɔsɔ.
17 Ɩ́ sɩ́ ló rɩ́ háhɩlɔ ná waana, ɩ́ ɓʋ́ʋ́. 18 Nɛrɔ ná wuu há kéŋ pʋna pɛ́, ɓaá ɓʋ́ tɩ́na nɛ́.
19 Nɛrɔ ná há ɓʋ́ʋ́sɛ pʋsɛ a ɔsɛ vʋk pá wɩŋsa náŋa, ká wɩ Nyuutɩna Wɩɩsɛ dʋŋɔ léŋ ní pɛ́ɛ́, ɓaá ɓʋ́ tɩ́na nɛ́.
20 Ɩ́ sɩ́ nɩhʋɔra vɩ́rɩ́ dí, a sɩ́wɔ́ bɛ́ŋsʋ́, bee wɩ́ɛ́ ɩ́ má fa ká nɩhʋ́ɔ́rá rɛ́ Ezipiti tɔ́ɔ́ mɛ́.
21 Ɩ́ sɩ́ yúháálɔ bɛ́ŋsʋ́, a sɩ́ bisíme má bɛ́ŋsʋ́. 22 Rɩɩ́wa nɛ́ bɛ́ŋsɩ́wɔ́ rɩ́wɔ́ ŋmɔwɛ búŋse héŋ mí, ŋ sɩ́ zésíwó búŋse. 23 Ŋ cɔ́ɛ́ sɩ́ wɛ, rɩ́ŋ a rɩ́wɔ́ ɓʋ́ʋ́sɩ́wa rɩ́ tókowí, ká rɩ́ɩ́wa má háála a yúháála, rɩ́ɩ́wa bɛlɛ má a bisíŋsi.
24 Rɩɩ pí meéwí kɩ́mɩ́ŋ nɩɛ nɔ́ŋɔ, wɩlnár a mɩ́nɩ́ rɩ́, sɩ́ nyii sák pɔ́ʋ́ anɛ kɩŋkɩnna háá tʋŋ ɛ́.
25 Rɩɩ nɔ́ŋɔ kenú gɛzeno ko bílí dɩhɩ̃́ ká la óŋ, ɩ pii pɔ́ʋ́ rɩ wɩɩsɛ ha wɩ zʋ́ɛ́, 26 bee wɩ́ɛ́ ʋ gɛtɔ́ɔ́lɛ wuu ní ɛ́, ʋ kaá tɔ́ʋ́ tɩɩ mɛ́. Rʋʋ nɛ́ sɩɛ́ toó, ʋʋ́ tɔ́ beé rí pɛ́? Rʋʋ nɛ́ ŋmɔ́wɛ́ búŋse héŋ mí, ŋ sɩ́ fɔ́ʋ́ búŋse, bee wɩ́ɛ́ ŋ ká susufár rɛ́.
27 Ɩ́ sɩ́ Wɩɩsɛ lɔ́rʋ́, ɩ́ sɩ́ bʋ́rʋ́ héíwa tɔ́ɔ́ kuóro mí. 28 Ɩ́ sɩ́ dáánʋ́ káá kánɩ́wa oŋkʋsɛ́ rɩ́ nʋʋ ná há káŋ ker, rɩ́ káá ko. Ɩ́ sɩ́ pííwa tooperbɛlɛ páŋ. 29 Ɩ́ pʋsɛ ɓɩzeŋsi rɩ́ ɓɩwɩɛla má, ɩ́ɩ́ tʋŋ ɛ́ nɛ́: pʋbɩra bio sɩ́ mɩ́nʋ́ maá laka tápʋlɛ balpɛ; córi kal ɩ́ kaa páŋ.
30 Ŋ nɛ́ tɩ́ɩ́wa ɓóŋ. Rɩ baka dííre dí pʋna ká tá, ɩ́ sʋ́ʋ́ dí; ɩ́ pii yoo pá vásɛ.