1
Akon kini si Yahiya,
og gulipon ni Isa Al-Masih.
Yonin kini ok pitongow ni Isa Al-Masih nog winakil diyanin nok Tuhan bagun posampoyonin song mga guliponin.
Dadi piponog ni Isa ong malaikatin bagun mopotongowin dinakon bug olo og ginantaꞌ nong mokobiyan sog lomaꞌ-dinglag.
2 Saan na sok sulat kini mikpomotudu sok Parman nok Tuhan nong midongogu bu ok pitongow ni Isa Al-Masih dinakon nok kisaksian nog duwaꞌ mata u.
3 Mobarakat ong mga migbasta bu ong mga minginongog nok pidinsamaꞌ tumaluꞌ sok kitab kini bilaꞌ unuton nilon.
Poꞌ ong mga misulat dini,
diꞌ mobon mounut na.
Salam sok Pitu Tumpukan nong mga Moktotombaꞌ
4 Akon kini,
si Yahiyaa.
Salam-duwaa diniyu pitu buk tumpukan nog jomaa sog bonuwa nog Bataꞌ-bataꞌ Asiya.
Bung mayan modiyon diniyu ok kolasa-kololat bug kosannangan tidu sok Tuhan,
og asal na ongon tidu sok tolipunan mangoy song ningkomun,
sampoy solama-lama,
bu sok pitu ruhb nog diyon sog gadapan nok trunu nok Tuhan,
5 bu ni Isa Al-Masih ok kopongandolan nok saksiꞌ.
Yanin ong mikuna motubuꞌ tidu sok kopatoy nog diꞌ na matoy puliꞌ,
bu ong mogbayaꞌ sok kotanan nong miglokounutan sog dunya.
Daꞌdun og lotaꞌ nok kolasa nin dinita,
bu pinuwasin ita song mga dusa ta biyan sog duguꞌ in dangan minatoy yanin para dinita.
6 Inimungin ita nong mga sukuꞌ sok pomarinta nin bug mga gimam nong moktolagad sok Tuhan,
og Gommaꞌ in sok surgaꞌ.
Patut yanin pudjihon poꞌ diyon diyanin ok kotas bug kowasa solama-lama.
Amin.
7 Ponginongog amu,
poꞌ sunoy pa monog puliꞌ sog dunya si Isa Al-Masih biyan sog gabun.c
Mokotongow diyanin ok kotanan nong mga manusiyaꞌ sampoy na ong mga tow kituꞌ nong miglansangd diyanin.
Bu og lam nok kobangsa-bangsahan sog dunya mogaduy ilon pasal diyanin.e
Motud tokodoy kini.
Amin.
8 Na miktaluꞌ ok Tuhan Pogbayaꞌ-bayaꞌ,
“Akon kini ong Muna bu og Binayaꞌf,
ong Mokowasa nog asal na ongon tidu sok tolipunan mangoy song ningkomun sampoy solama-lama.”
Mikpotongow si Isa Al-Masih ni Yahiya
9 Na akon si Yahiya,
og gilug niyu bug duma niyu nong misunuꞌ sok Pomarinta nok Tuhan.
Mamaꞌ da sop diniyu sinandalan bu sinabaran ku ok kobinsanaan pasal sok kotombaꞌ ta ni Isa Al-Masih.
Na pionongu sok puluꞌ nog iningalanan nok Patmos poꞌ mikposampoyu nok Parman nok Tuhan,
bu mikpomotudu nok pononduꞌ ni Isa.
10 Na sog gondow kituꞌ nong moglumpuk ita mga moktotombaꞌ moksombahayang sok Panghuꞌg,
sinolodu nog Ruh nok Tuhan.
Doksuꞌ midongogu ong monamal nok tingog mamaꞌ nok tombuliꞌ sok tolikudan ku.
11 Taluꞌ in,
“Sulat nu ok kotanan nong motongow nu,
bangka nu poyitoy sok pitu tumpukan nog jomaa diyon song mga bonuwa Epesus,
Ismirna,
Pirgamu,
Tiyatira,
Sardis,
Piladelpiya bu sog Laudikiya.”
12 Pogdongogu,
mikolengeꞌ u nok tingog kituꞌ bagun ku motongow bug sima ong miktaluꞌ dinakon.
Dangan poglengeꞌ u,
mitongowu ok pitu buk pogontudan nok politaan nong miglunsan bulawan.
13 Bu sok titongaꞌ nong mga kibotangan nok politaan koyon,
ongon mamaꞌ hantang nog bataꞌ nong manusiyaꞌ.h
Migdogdoy yanin nog juba misaut sog botisin,
bu ongon og linibod sog digdobin mamaꞌ hantang nog bulawan.
14 Og gulu nin bug bukin landuꞌ koputiꞌ mamaꞌ nog gapas,
bu ong mata nin mamaꞌ nog ligaꞌ nog gapuy.
15 Og botisin mamaꞌ nok tumbaga nong mitunag nog landuꞌ kosinow,
bu ok tingogin mamaꞌ nong mopagas nog bosoy.i
16 Ongon inonggaydanin pitu buk bitun sog lintu nin,
bu ongon ok kalis nok sobolaꞌ-posobolaꞌ ok kutongin linumuwas tidu sog babaꞌ inj.
Ong muluꞌ in miksahaya mamaꞌ nong mata gondow nog landuꞌ kopagas.
17 Dangan mitongowu ong mamaꞌ nog bataꞌ nong manusiyaꞌ kituꞌ,
mibuksaku sog botisin mamaꞌ hantang patoy.
Sugaid dinoponanin akon nog lintu komotin bangka poktaluꞌ,
“Diꞌ a mondok,
akon kini ong Muna bu og Binayaꞌ.
18 Akon ok Totubuꞌ!
Bakasu minatoy,
tibuwa ponginongoga,
motubuꞌ u mokpuliꞌ solama-lama.
Akon ong mogbayaꞌ sok kopatoy,
bu akon ok taga kowasa bug kunsiꞌ sok poglihanan nong mga minatoy.
19 Saan na,
Yahiya,
sulat nu ok kotanan nong mitongow nu kituꞌ bu ong miyan ningkomun sampoy ok potongowon ku dinika nong matong sog loma-dinglag.
20 Na pasal sok pitu buk bitun nong mitongow nu sog lintu nok komotu,
bu pitu buk pogontudan nok politaan nong miglunsan bulawan kituꞌ,
maꞌ nini ong maana nin:
Ok pitu buk bitun,
yonin na ong mga mokpoposampoyk nok pitu buk tumpukan nog jomaa kituꞌ,
bu ok pitu buk pogontudan nok politaan,
yonin na ok pitu buk tumpukan kituꞌ.”