1 Yahiya 4

Pasal song Motud bu Kanaꞌ Motud nok Pononduꞌ

Mga kolasahan, diꞌ amu mongandol mogdayun song mga tow nong moktaluꞌ nok tidu sog ok ponintuluꞌ nilon, sugaid liling niyu poguna. Poꞌ modakol ong mikpobaluꞌ-baluꞌ nabi nong mognasihat ayin-ayin dini sog dunya. 2 Og gindanan bagun kosunan ta bilaꞌ diyon taꞌ dinilon og Ruh nok Tuhan mamaꞌ nini: Bilaꞌ moktaluꞌ ilon nong minatong si dini sog dunya miktimaluy manusiyaꞌ, ok Tuhan da ong miksuguꞌ dinilon. 3 Tibuwa sima-sima ong momolilu nok si Isa miktidu sok Tuhan, kanaꞌ ok Tuhan ong miksuguꞌ dinilon, sugaid ampuꞌ ilon song mga sumaggaꞌ sog Al-Masih. Midongog niyu na nong matong ong Mononaggaꞌ sog Al-Masih, bu dini na sog dunya ong mga duma nin nok sumaggaꞌ da sop sog Al-Masih.

4 Na amu mga piglogumbataan ku, sukuꞌ amu na nok Tuhan, bu momondag amu song mga mikpobaluꞌ-baluꞌ nabi pagga ondaꞌ amu koyit sok ponintuluꞌ nilon. Poꞌ og Ruh nok Tuhan nog binogoyin diniyu, mokowasa pa tidu sog nong migbayaꞌ song mga tow dini sog dunya nog daꞌ pongandol. 5 Ong mga nong nabi kini sukuꞌ nog dunya, saan ok ponaluon nilon ok kododunyahoy, bu ong monginongog dinilon ong mga tow kododunyahoy da sop. 6 Sugaid ita kini sukuꞌ na nok Tuhan. Ong mga mikokilala sok Tuhan, mongandol sok pokpononduꞌ ta. Tibuwa ong mga kanaꞌ misukuꞌ sok Tuhan, ondaꞌ nilon tolimaoy ong mga pononduꞌ ta. Na maꞌ niyon ok pongindanan ta niyu song mga pononduꞌ nok tow bilaꞌ miktidu taꞌ sog Ruh nok Tuhan nog yonin na ok kosobonnalan, atawa bilaꞌ og loput ok pinintuluꞌ nilon nong miktidu sog Iblis.

Ok Tuhan ok Tubud nok Poglasa

7 Dadi mga kolasahan, moglasa-linasahoy ita, poꞌ ok Tuhan piktiduhan nok poglasa. Ok sosuku nog lumasa sog duma nin, bataꞌ yanin nok Tuhan, bu mikokilala yanin sok Tuhan. 8 Sugaid ok tow nog diꞌ lumasa sog duma nin, daꞌ in kolilahoy ok Tuhan poꞌ ok Tuhan ok tubud nok poglasa. 9 Pitongow nok Tuhan bug ponoy kosolag ok poglasa nin dinita niyu. Pasal sok poglasa nin piangoyin ok solobuk-lobuk Bataꞌ in dini sog dunya bagun biyan diyanin motolimaꞌ ta og bogu nok . 10 Ong motud nok poglasa kanaꞌ motongow sok poglasa nong manusiyaꞌ sok Tuhan, sugaid sok poglasa nok Tuhan song manusiyaꞌ. Saan na piangoyin og Bataꞌ in dini bagun biyan sok kopokkurban nog ginawa nin inangkonin ong mulkaꞌ nok para bosiya dinita bagun moampun ong mga ta.

11 Dadi mga kolasahan ku, pagga landuꞌ kosolag ok poglasa nok Tuhan dinita niyu, sumboy da sop moglasa-linasahoy ita niyu. 12 Daꞌdun sibon ong mikotongow sok Tuhan. Tibuwa bilaꞌ moglinasahoy ita niyu, mokpotattap ok Tuhan dinita, bu motampal ong mojukup nok poglasa nin biyan dinita mamaꞌ nok koleganin.

13 Kiosunan ta niyu nong mokpotattap ita niyu sok Tuhan, bu mokpotattap yanin dinita niyu poꞌ binogoyin dini dinita og Ruh nin. 14 Mitongow nami tokodoy si , bu mokpomotud ami nok piangoy nok Tuhan dini sog dunya og Bataꞌ in bagun moimung nong Mogogawon para song mga manusiyaꞌ. 15 Sima-sima ong mangkon nok si Isa og , mokpotattap ok Tuhan diyon diyanin, bu misolobuk yanin sok Tuhan. 16 Dadi mikokosun ita bu mingandol ita nok kolasahan ita nok Tuhan. Ok Tuhan ok tubud nok poglasa, bu ong mokpotattap sok poglasa, mokpotattap sok Tuhan, bu ok Tuhan mokpotattap diyanin. 17 Na pasal niyon, mojukup na og lasa kini dini dinita, dadi motowakkal ita na madap diyanin sog . Poꞌ mamaꞌ nong misolobuk og sog Gommaꞌ in, misolobuk ita da sop diyanin dini sog dunya. 18 Daꞌdun og gondok sok poglasa, poꞌ og jukup nok poglasa mokawaꞌ nog gondok. Moongon hadja og gondok nok tow bilaꞌ sok pikilanin dait yanin pogmulkaan. Na ok tow nong miondok, ondaꞌ pokojukup ok poglasa nin.

19 Lumasa ita poꞌ ok Tuhan ong mikuna linumasa dinita. 20 Bilaꞌ ongon ok tow nong moktaluꞌ nong molasa yanin sok Tuhan, sokaliꞌ mogdodiyalom-atoy sog gilugin sok kotombaꞌ, maana nin migloput yanin. Poꞌ bilaꞌ diꞌ ta tanan kolasahan og gilug ta niyu nong mitongow ta da, ponoy da sop kolasa ta sok Tuhan nog diꞌ ta motongow? 21 Dadi yonin kini ok sinuguꞌ nog Al-Masih dinita nok sima-sima og lumasa sok Tuhan, sumboy kolasahanin da sop og gilugin.