1 Yahiya 2

Si ong Mongongolot

Mga piglogumbataan ku, miksulatu kini diniyu bagun moghalliꞌ amu na monginang nog . Sugaid bilaꞌ ongon ong mokodusa, na ongon ong mongongolot dinita posunguꞌ sok Tuhan, og ta sok , yonin na si Isa Al-Masih, og daꞌdun og dusa nin. 2 Og ginawa nin tokodoy ok piglillaꞌ in moimung nok pogbayad para song mga dusa ta bagun diꞌ ita mosugat nong mulkaꞌ nok Tuhan, sugaid moampun ita, bu kanaꞌ tibuwa ita, sugaid sampoy da sop og lam nok tow sog dunya.

3 Mitantu ta nok kilolahan ta ok Tuhan bilaꞌ unuton ta ok suguanin. 4 Bilaꞌ ongon ok tow moktaluꞌ nok kilolahanin ok Tuhan, sugaid daꞌ in unutoy ong mga suguanin, na moloput yanin, bu daꞌ diyon sok pongatoyanin ok kosobonnalan. 5 Sugaid sima-sima ong mogogunut sok taluꞌ nok Tuhan, na ikhlas og lasa nin sok Tuhan. Dadi bilaꞌ mogunut ita sok taluꞌ in, kiosunan ta nong miksolobuk ita diyanin. 6 Na sima-sima ong moktaluꞌ nong miksolobuk yanin sok Tuhan, sumboy pogdogilinganin ok pongaddatan ni Isa Al-Masih.

Ok Poksuguꞌ Moglasa-linasahoy

7 Mga kolasahan, ok suguan moglasa-linasahoy nok sinulatu diniyu kanaꞌ bogu, poꞌ tidu sok tolipunan nok tinumombaꞌ amu ni midongog niyu ok suguan koyon. 8 Tibuwa mokopoktaluꞌ ita da sop nog bogu ok suguan kini, poꞌ biyan sok pinginang ni Isa Al-Masih mikotongow ita nong motud nok poglasa, bu mitongow da sop ok poglasa kini sok kotubuꞌ-tubuꞌ niyu. Poꞌ ok kodolom miksibolong, bu ong motud nok kodolag sinumahaya na.

9 Sima-sima ong moktaluꞌ nong migonong yanin sok kodolagan, sokaliꞌ mogdumut yanin sog gilugin sok kotombaꞌ, na diyon pa yanin sok kodoloman. 10 Sugaid sima-sima sop og lumasa sog gilugin sok kotombaꞌ, lolayun yanin sok kodolagan, saan na diꞌ yanin modaliꞌ mobuksak sok kodusahan. 11 Na sima-sima ong mogdumut sog gilugin sok kotombaꞌ, diyon pa yanin sok kodoloman. Ok tow nong maꞌ niyon, mamaꞌ yanin nong mibuta nog diꞌ in kosunan ok posunguanin poꞌ pasal sok kodoloman, diꞌ in motongow.

12 Sulatan ku amu mga piglogumbataan ku,

poꞌ inampun na ong mga niyu pasal sog ininang ni Isa.

13 Bu sulatan ku amu mga migmokogulang sog ,

poꞌ kilalahan niyu na si Isa Al-Masih nog asal na ongon sog daꞌ pa koongon og lam nituꞌ.

Sulatan ku sop amu mga mobataꞌ pa sog jomaa,

poꞌ mimondag amu sog nog yonin ok pun nok kolaatan.

14 Ningkomun sinulatan ku amu mga piglogumbataan ku,

poꞌ kilalahan niyu na ok Tuhan, ta sok .

Sinulatan ku da sop amu mga migmokogulang,

poꞌ kilalahan niyu na si Isa Al-Masih nog asal na ongon sog daꞌ pa koongon og lam nituꞌ.

Bu sinulatan ku amu mga mobataꞌ pa, poꞌ mopagon ok kotombaꞌ niyu,

bu mikpotattap sok pongatoyan niyu ok Parman nok Tuhan.

Dadi mimondag amu sog Iblis nog yonin ok pun nok kolaatan.

Hallian ta ok Konapsuhan sog Dunya

15 Diꞌ niyu polabihon og dunya atawa olo-olo na sog diyalomin, poꞌ sima-sima towoy nog lumasa dun, kanaꞌ molasa sok Tuhan, ta sok surgaꞌ. 16 Poꞌ og gaddat kododunyahoy mamaꞌ nong napsu nog lawas ta, koima-ima sok ponontong ta, bug kopogabbu nog gartaꞌ, ok kotanan kini kanaꞌ tidu sog Gommaꞌ ta sok surgaꞌ, sugaid tidu sog dunya. 17 Poꞌ og dunya bu og lam nok konapsuhan sog diyalomin, miyan hadja bangka kobolong, sugaid ok tow nok tinombaanin ok kolegan nok Tuhan, yonin kituꞌ ok taga .

Ong mga Sumaggaꞌ sog Al-Masih

18 Mga piglogumbataan ku, sibon niyu na midongog nong matong ong mononaggaꞌ sog Al-Masih. Bisan ningkomun kini, modakol na tanan ong mononaggaꞌ sog Al-Masih dini sog dunya. Saan na kiosunan ta nok posunguꞌ na ok kodoksuan nog dunya. 19 Sinumuwoy dinita ong mga sumaggaꞌ sog Al-Masih poꞌ kanaꞌ ilon motud nog duma ta. Poꞌ bilaꞌ motud ilon nog duma ta, unungan nilon ita. Dadi motampal nok kanaꞌ ilon ampuꞌ dinita.

20 Sugaid amu kanaꞌ mamaꞌ dinilon, poꞌ binogoy nog Al-Masih og diniyu, bu kiosunan nog lam niyu ok kosobonnalan. 21 Miksulatu diniyu, kanaꞌ pasal ondaꞌ amu pokokosun nok kosobonnalan, sugaid pasal mikokosun amu na. Bu kiosunan niyu da sop nog daꞌdun og loput miktidu sok kosobonnalan.

22 Dadi sima ma og landuꞌ koloput? Kanaꞌ ta ok sosuku nong momolilu nok si yanin og Al-Masih, ok piniliꞌ nok Tuhan moimung nong mogogawon? Ok tow nong mononaggaꞌ sok Tuhan, og sok sampoy sog Bataꞌ in nok si Isa, yanin ong mononaggaꞌ sog Al-Masih. 23 Poꞌ ong mga tow nong momolilu sog , ondaꞌ da sop diyon dinilon ok Tuhan, og . Sugaid ong mga tow nong mangkon sog Bataꞌ nok Tuhan, diyon da sop dinilon ok Tuhan, og Gommaꞌ.

24 Saan na, naꞌ niyu tokodoy kolingowan ong mga pinonduꞌ kituꞌ diniyu tidu sok tolipunan nok tinumombaꞌ amu na diyanin. Bilaꞌ unuton niyu ong mga pononduꞌ kituꞌ, mosolobuk amu lolayun sog Bataꞌ nok Tuhan bu sog Gommaꞌ in. 25 Bu og jinanjiꞌ nog Al-Masih dinita, yonin na ong mosannang nok .

26 Miksulatu nini diniyu pasal ongon ong mga tow nong meleg mokposimoy diniyu sok kosobonnalan. 27 Sugaid amu, og Ruh Mahasutsi nong mitabuk niyu tidu ni Isa Al-Masih lolayun diyon diniyu, saan diꞌ amu na sumboy tintuluan nong mga tow. Poꞌ og Ruh Mahasutsi, yonin ong moktintuluꞌ diniyu sok kotanan nok sumboy kosunan niyu. Bu ok koponintuluꞌ in mosobonnal tokodoy bu kanaꞌ loput. Saan na unuton niyu ok ponintuluꞌ nog Ruh Mahasutsi, bu potattap amu moksolobuk sog Al-Masih.

28 Dadi mga piglogumbataan ku, potattap amu moksolobuk diyanin bagun sog waktu nong mokpuliꞌ na yanin, diꞌ ita mondok, bu diꞌ ita mosipog madap diyanin.

29 Na kiosunan niyu og Al-Masih mologdong, dadi motantu ta nok sima-sima ong monginang nok kologdongan, binataꞌ yanin puliꞌ biyan sok kowasa nok Tuhan.