Ibrani 12

Ok Pokpaat nok Tuhan Mikposobonnal nog Lasa nin

Dadi motampal tokodoy nok pilibutan ita nong modakol nok tow nong mokosaksiꞌ bu mokposobonnal dinita pasal sok kopongandol sok Tuhan. Saan na bolongon ta og olo-olo nong mokosasow sok kopongandol ta, labi na og nong mokobolabag pahatul dinita. Mamaꞌ sopantun sok poglumbaꞌ gumobok, tiggolan ta toktob mokosampoy ita sok kodoksuan nog ginantaꞌ nok Tuhan. 2 Solobukon ta ok pikilan ta ni nog yanin ok piktiduhan bu mokpopojukup nok kopongandol ta. Tiniggolanin ok poglansang diyanin sok , bu ondaꞌ in kini ikosipog, poꞌ pinikilin ok kosannangan nong migbagad diyanin. Dadi ningkomun, dituꞌ na yanin miningkud sog dapit lintu nok Tuhan.

3 Pondom niyu ok kobinsanaan nok tiniggolan ni Isa sok komot nong mga tow nong mononaggaꞌ diyanin, bagun ondiꞌ amu boloyan, bu ondiꞌ mobolong ok kopongandol niyu diyanin. 4 Ong motudin, daꞌdun pa diniyu ok pinatoy biyan sok kopongatu niyu sok sassat nog dusa. 5 Ondiꞌ niyu kolingowan ok Parman nok Tuhan nong mokopobais tokodoy nok pongatoyan niyu poꞌ tinawagin amu nog gumbataꞌ in, taluꞌ in,

“U mga gumbataꞌ u, halgaoy niyu ok pokpaat nok Tuhan diniyu,

bu diꞌ amu ponglammahan bilaꞌ podatonganin amu nok kobinsanaan.”

6 Poꞌ ok Tuhan paatonin sosuku nok kolasahanin,

bu pobiyananin nok kobinsanaan ok sosuku nog initungin nog bataꞌ in.

7 Dadi tiggoloy niyu ok kotanan nog logon nong matong diniyu poꞌ ong niyat nok Tuhan diniyu nog gumbataꞌ in amu. Sima buwan og gommaꞌ nog ondaꞌ pokpaatoy og gumbataꞌ in? 8 Bilaꞌ ondiꞌ amu pokpaaton nok Tuhan mamaꞌ nog ininangin sok kotanan nong mga gumbataꞌ in, maana nin, kanaꞌ in amu mga gumbataꞌ. 9 Na pasal sog gommaꞌ ta dini sog dunya, pokpaaton nilon da ita niyu, bu bisan maꞌ niyon, pogaddatan ta da sop ilon. Na labi ita niyu pa pokpodiyalom sog ta sok bagun mobais ok kotubuꞌ-tubuꞌ ta niyu dunya-ahirat.

10 Ong mga gommaꞌ ta dini sog dunya mokpaat hadja dinita song mopolok nog waktu bu biyan song mopikil nilon nok kobaisan, sugaid ok Tuhan, ok pokpaatin dinita bagun kobahagian ita nok kosutsi nin. 11 Sog waktu nok paatonin ita, ondiꞌ ita kosuatan poꞌ kosakitan ita. Sugaid mogbunga ok pokpaat nok Tuhan nok kosannangan diyon song mga , bu ok tumbasin ok kologdongan.

12 Dadi popagon niyu ok kopongandol niyu, bu naꞌ amu koawaan nok pogdodama niyu sok Tuhan. Mamaꞌ sopantun bilaꞌ molamma og bingkon niyu bu moguya og lulud niyu, pokpopagas amu! 13 Panow amu sog dalan mologdong posunguꞌ sok Tuhan bagun mogunut ong mga koilugan niyu nong molamma ok kopongandol nilon bu diꞌ mosuwoy sog dalan, sugaid mokkopagon ok kopongandol nilon.

Ok Parman nok Tuhan Sumboy Tolimaon

14 Pogmuhut-muhutoy niyu moksulut-sulut sog lam nok tow bu motubuꞌ nong mosutsi, poꞌ ong mga tow nok kanaꞌ sutsi, diꞌ nilon motongow ok Tuhan. 15 Pokpotubud amu nog daꞌdun bisan solokotow diniyu ong mokopolayuꞌ sog lasa bug lolat nok Tuhan, bu hallioy niyu da sop nog daꞌdun mogdodiyalom-atoy poꞌ sunoy modakol ong mosunuꞌ-sunuꞌ kopalitan dun. 16 Halliꞌ amu sop nog diꞌ amu mokopogdogiling sok tow polojina atawa sok tow nog daꞌdun og gondokin sok Tuhan mamaꞌ ni Esaw. Piglogantiꞌ in sok solaloy da nok kan ok kopatutin nog yanin og gulang bataꞌ. 17 Dadi kiosunan niyu, dangan meleg na yanin kopusakaan nog barakat nog gommaꞌ in sog gulang bataꞌ, daꞌ in na koalap poꞌ ondiꞌ na mopinda og ginang nok sinapahanin kituꞌ bisan andun pogaduyin mokpokilolat. Dadi poghalliꞌ amu!

Ok Pogbiddaan nong sog Bontud Sinay bu og sog Bontud Sion

18 Ok kopokpolani nong mga tow song masa tagnaꞌ kituꞌ, kanaꞌ mamaꞌ nok kopokpolani ta niyu sok Tuhan ningkomun. Poꞌ mikpolani ilon sog nong motongow nilon. Og bontud koyon miksuliyab nog gapuy, bu mopagas og buliyuk nog galuꞌ, bu losuk mata ok kodolomin. 19 Bu mikodongog ilon nok tingog nok tombuli bug suwara nong mokondok-ondok. Pogdongog nilon dun mikpokilolat ilon tokodoy sok Tuhan nog ondiꞌ na ilon podongogon dun. 20 Poꞌ diꞌ ilon mokogaga monginongog nok suguan nok Tuhan nog bisan og binatang bilaꞌ mokododjak sog bontud kituꞌ, sumboy batuhon sampoy matoy. 21 Mokondok-ondok tokodoy ong mitongow nilon kituꞌ dituꞌ, sampoy mikopoktaluꞌ si Nabi Musa nong mingongkog yanin nog gondok.

22 Sugaid amu, og dinatongan niyu og Bontud Sion bug siyudad nok Tuhan nok totubuꞌ solama-lama, yonin na og nong mibotang sok . Dituꞌ moglumpuk-lumpuk og laksaan nong dunut loliyag. 23 Bu mikampuꞌ amu da sop song mosolag nog lumpukan koyon, ong mga mikuna miimung nog gumbataꞌ in nong misulat na ong ngalan nilon dituꞌ sok surgaꞌ. Mikopolani amu na sok Tuhan, ong Monghuhukum nok kotanan nong manusiyaꞌ. Mikpolani amu song mga tow mologdong nong minatoy na nok pijukup na nok Tuhan. 24 Mikpolani amu ni Isa nog yanin ong mongongolot dinita sok Tuhan sog Bogu Pigjanjianin kituꞌ. Ok pigjanjian kini mikposobonnal biyan sog duguꞌ in nong mibuyus sok kopatoyin bu mamaꞌ nok pinisikan dinita niyu. Og duguꞌ in mobais pa sog duguꞌ ni nong mingoni nog hukuman, poꞌ og duguꞌ ni mokoawon nong manusiyaꞌ.

25 Saan na pokpotubud amu, bu diꞌ amu mogbongol-bongol sok tinaluꞌ nok Tuhan diniyu. Pomintang amu sok pingapuꞌ ta niyu kituꞌ, poꞌ bilaꞌ diꞌ ilon mokopolaguy sok kosiksaan pasal sok poktolikud nilon sok taluꞌ ni Nabi Musa sog , labi ita pa siksaon bilaꞌ tolikudan ta ok Tuhan nog yanin ong migbogoy dinita nok pomintangan tidu sok surgaꞌ. 26 Dangan miktaluꞌ ok Tuhan dituꞌ sog Bontud Sinay, na mikuyung tanan og lupaꞌ pasal sok tingogin. Sugaid sog waktu pa nog loma-dinglag mokuyung sampoy na ok kolangitan, poꞌ migjanjiꞌ yanin, taluꞌ in,

“Kuyungon ku da mokpuliꞌ, kanaꞌ hadja og lupaꞌ,

sugaid sampoy na ok kolangitan.”

27 Ok taluꞌ nok “kuyungon ku da mokpuliꞌ”, pitampal dinita nog awaon nok Tuhan ok kotanan nok piongon kituꞌ nong mokuyung. Dadi ong mosamaꞌ sog waktu koyon, yonin na og diꞌ mokuyung. 28 Saan na moksarang-sukul ita sok Tuhan pasal miampuꞌ ita sok pomarinta nin nog diꞌ mokuyung. Dadi sumboy momologbog ita sok nok Tuhan bagun mokososuat ita diyanin biyan sok pokpudji dunut pokpotas bug gondok. 29 Poꞌ ok Tuhan ta, mamaꞌ nong miksuliyab nog gapuy bilaꞌ sumiksaꞌ yanin.