Ok Pokposun
pasal sok Sulat ni Pol Posunguꞌ ni Pilemon
Mga pigilugan,
Salam diniyu kotanan.
Ok sulat ni Pol dituꞌ ni Pilemon nok posunguꞌ niyu bastahon kini, sok ponabut nong mga mokokosun sinulat mga 25 tahun mipuwas ni Isa Al-Masih motubuꞌ puliꞌ bu muliꞌ sok surgaꞌ.
Si Pilemon kini solobuk dayahan sog bonuwa nok Kolosas nong moktotombaꞌ ni Isa. Ongon og guliponin, ngalanin Onesimus nog linumaguy tidu diyanin. Sokaliꞌ si Onesimus, mikopogbalak ilon ni Pol. Na mioyit ni Pol si Onesimus tumombaꞌ ni Isa Al-Masih.
Pagga si Pilemon solobuk da sop moktotombaꞌ ni Isa, pingoni ni Pol diyanin nog ampunonin na si Onesimus bu poonongonin mokpuliꞌ sog diyalom baloyin, kanaꞌ sabap sog guliponin yanin, sugaid gilugin na sok kotombaꞌ nilon sog Al-Masih.
Bung mayan tonduan ita niyu nok Tuhan sok pogbasta ta nini, bu oyitonin ita niyu sog dalan nok posunguꞌ sok surgaꞌ.
Wassalam