Ibrani 10

Og Duguꞌ nong mga Potubuon ondiꞌ Mokopapas nog Dusa

Ong mga saraꞌ nok piponog dituꞌ ni Nabi Musa og gindanan tibuwa sok kobaisan nong minatong dinita biyan sog . Saan na ok saraꞌ koyon ondiꞌ mokopojukup solama-lama song mga manusiyaꞌ nong mokpolani sok Tuhan bisan mokkurban ilon kada tahun. 2 Poꞌ bilaꞌ misutsi na ilon solama-lama biyan sok pokkurban nilon, ondiꞌ nilon na bosiya monanam nog ongon pa ong mga nilon, bu ondiꞌ ilon na mokkurban puliꞌ. 3 Tibuwa ok pokkurban nilon kada tahun, mokpopondom tanan dinilon song mga dusa nilon. 4 Poꞌ og duguꞌ nog laki sapiꞌ atawa kambing ondiꞌ mokoawaꞌ nong mga dusa.

5 Saan na dangan posunguꞌ na og Al-Masih dini sog dunya, tinaluꞌ in sok Tuhan,

“Ondaꞌ a kosulutoy nong mga potubuon nok kurbanon dinika,

saan na binogoyan nu akon nog lawas

bagun kurbanon ku dinika.

6 Ondaꞌ a kosuatoy nong mga potubuon nok tinutung,

atawa song mga kurban potubuon pogawaꞌ nog dusa.

7 Dadi miktaluꞌ u dinika,

‘Kini u na, U Tuhan ku, bagun mounut ok kolegan nu dinakon

mamaꞌ nong misulat sog diyalom Kitab.’”

8 Miktaluꞌ poguna si nog ondaꞌ kosulutoy ok Tuhan song mga kinurban nilon, mamaꞌ nong mga kurban tinutung atawa song mga kurban nilon pogawaꞌ nog dusa bagun mosutsi ong mga manusiyaꞌ dun. Tinaluꞌ in mamaꞌ niyon bisan pa inangon kini mounut sok saraꞌ ni Nabi Musa. 9 Doksuꞌ nituꞌ miktaluꞌ pa yanin, “Kini u na bagun mounut ok kolegan nu dinakon.”

Dadi inawaꞌ nok Tuhan og , bu pisukli nin og bogu biyan sog ininang ni Isa. 10 Poꞌ tidu sok kolegan nok Tuhan, sinutsi nin ita moimung nok sukuꞌ in biyan sok piglillaꞌ ni og ginawa nin moimung nok kurban insan solama-lama.

11 Na ong mga , moktolagad ilon gondow-gondow, bu mokpuliꞌ-puliꞌ ilon mokkurban. Sugaid ondiꞌ da koyon mokopapas nog dusa nong mga manusiyaꞌ. 12 Tibuwa si Isa, ok Kinotasan nog Gimam ta, insan da tokodoy yanin miglillaꞌ nog ginawa nin moimung kurban solama-lama para song mga dusa ta. Pogdoksuꞌ nituꞌ, miningkud yanin sog dapit lintu nok Tuhan. 13 Bu ningkomun dituꞌ na yanin migbagad toktob dagon nok Tuhan ong mga banta nin, bu imungonin ilon nog gontudan nog botisin. 14 Dadi dangan piglillaꞌ ni Isa insan og ginawa nin, mopojukupin solama-lama ong mga tow nok posutsihonin.

15 Bu og miksobonnal da sop dinita pasal nini, poꞌ tinaluꞌ in,

16 “Kini na og bogu pogjanjian nog imungon ku sok piktowan ku sog gondow koyon, taluꞌ nok Tuhan.

Botangon ku ong mga suguan ku diyon sok pongatoyan nilon,

bu sulaton ku sok pikilan nilon.” 17 Bu sinukpatanin pa ok taluꞌ in,

“Kolingowan ku na nok tantu ong mga dusa nilon,

bu ong mga ginang nilon nong molaat, ondiꞌ u na mopondom.”

18 Dadi pasal miampun na ma ong mga dusa ta, daꞌdun na ok kopologunahan nok sok tagnaꞌ kituꞌ.

Mokpolani Ita sok Tuhan

19 Na mga koilugan, mibuyus og duguꞌ ni bagun moawaꞌ ong mga ta, dadi ongon na ok kotowakkal ta sumolod song nok pogonongan nok Tuhan. 20 Poꞌ biyan sok kopoglillaꞌ in nog ginawa-baranin, binukaꞌ in para dinita og bogu dalan bagun mokpolani ita sok Tuhan nong mokobogoy dinita nok . Dadi moluhaya ita na madap sok Tuhan. 21 Na si Isa na ok Kinotasan nog Gimam ta niyu nong mogbayaꞌ sog ummat nok Tuhan. 22 Saan na mokpolani ita niyu sok Tuhan nog ikhlas ok pongatoyan ta niyu bu dunut koogot nok kopongandol. Kiosunan ta nog linonuanin na ong mga pomikil ta nong mokolaton, poꞌ mamaꞌ nok pinisikan ita na nog duguꞌ ni Panghuꞌ Isa, bu sinutsi na og lawas ta song motinow nok tubig.

23 Poogoton ta ok pogdodama ta sog janjiꞌ nok Tuhan nog daꞌdun pogduwaꞌ-duwaꞌ, poꞌ kopongandolan yanin nog unutonin og janjiꞌ in dinita. 24 Bu pogmuhut-muhutan ta niyu moglinasahoy sok sosolokotow dinita niyu bu monginang nok kobaisan. 25 Ongon ong mga kodumahan ta nog linumotaꞌ moglumpuk-lumpuk mokpudji sok Tuhan. Na, sumboy diꞌ ita mogdogiling dinilon. Sugaid mokpinagonoy ita nok kopongandol, poꞌ kosunan ta niyu nok posunguꞌ na matong og gondow pokpuliꞌ ni Panghuꞌ Isa.

26 Mga koilugan, bilaꞌ kiosunan ta na ok kosobonnalan nong minatoy si Isa para song mga dusa ta, sokaliꞌ tuudon ta da mogdusa, na daꞌdun muwal ok nong mokopapas nong mga dusa ta. 27 Ok pogbagadan ta na ong mokondok-ondok nog nok Tuhan, bu ong miksuliyab nog gapuy nong monglaat song mga mongatu diyanin. 28 Ok tow nog dinumugtul sok saraꞌ nok piponog diyon ni Nabi Musa, pipatoy nog daꞌdun lolatin bilaꞌ kosaksian kini nok kinobikaan nog duwaꞌ atawa tolu kotow. 29 Na labi na bayuꞌ in ok siksaꞌ nong mosugat sok tow nog bakas tinumombaꞌ sog , bangka awaꞌ diyanin. Biyan sok poktolikudin dun mamaꞌ nog dinodjakanin og Bataꞌ nok Tuhan, bu pigulabanin og duguꞌ in nog yonin na ong mikoposutsi nong mga dusa nin biyan sog kituꞌ. Mamaꞌ da piglokudiꞌ nok tow koyon og nong molasa bu molilolatoy. Tantu mulkaan da yanin nok Tuhan. 30 Poꞌ kiosunan ta ok Tuhan nong miktaluꞌ,

“Akon ok sumuliꞌ,

akon da ok tumungbas.”

Bu misulat da sop sok Kitab,

“Hukumon nok Tuhan ong mga piktowanin.”

31 Mokondok-ondok tokodoy ok koposunguan nok tow nong mosugat nong mulkaꞌ nok Tuhan, ok totubuꞌ solama-lama.

32 Mga koilugan ku, pondom niyu ong mga miniyan diniyu tagnaꞌ sog bogu amu pa tinumombaꞌ sog Al-Masih, bu kidolagan ok pikilan bug pongatoyan niyu nok nok Tuhan. Molossahi ok kobiyan-biyanan niyu, tibuwa ondaꞌ amu dagoy. 33 Sumolingka pigunda-undahan amu bu pigbinsanaꞌ sok kodakolan nong mga tow, bu ongon sop og waktu nok sinumugut amu sok koilugan niyu nong mikonanam nini. 34 Milolat amu da sop sok koilugan niyu nong mipirisu. Bu bisan pingalapan amu nog gartaꞌ niyu, tinolimaꞌ niyu kini dunut loliyag, poꞌ kiosunan niyu nog ongon da og diniyu og labi mobais nog diꞌ mobolong solama-lama.

35 Saan na diꞌ niyu bolongon ok kotowakkal niyu, poꞌ mosolag ok tumbasin. 36 Na sumboy moktiggol amu, bagun bilaꞌ modoksuꞌ niyu inangon ok kolegan nok Tuhan, mokotolimaꞌ amu na nog janjiꞌ in kituꞌ. 37 Na ongon ok taluꞌ nok Tuhan sog diyalom Kitab,

“Ok pigbagadan niyu nong matong,

matong da,

ondiꞌ na yanin mogobon.”

38 Bu taluꞌ in pa,

“Ong mga inimungu nong mologdong,

motubuꞌ nog daꞌdun ok kodoksuanin biyan sok kopongandol nilon.

Sugaid ondiꞌ u kosuatan sok sima-sima ok tumolikud dinakon.”

39 Tibuwa kanaꞌ ita mamaꞌ nong mga tow nok sumuwoy sok Tuhan bangka konarkaꞌ. Sugaid misunuꞌ ita song mga mogdayun pa mongandol bangka pa koawon ong nyawa ta.