Ibrani 6

Dadi sumboy ta dungagan ok pongadjiꞌ ta niyu pasal ni , bu podalomon ta pa, kanaꞌ nog diyon ita na hadja sog bakas ta na kipongadjian. Poꞌ kiosunan ta na nok sumboy ok tow moktowbat song mga ginang nog daꞌdun og jatu nin bu tumombaꞌ sok Tuhan. 2 Diꞌ ita niyu da sop sumboy tintuluon puliꞌ pasal sok bug pogdopon nok tow sok pongoni-ngoni posunguꞌ sok Tuhan. Kiosunan ta niyu sooy pasal sok kotubuꞌ mokpuliꞌ tidu sok kopatoy bu ok pasal sok poghukum nog daꞌdun ok kodoksuanin.

3 Saan na bilaꞌ kumboyon da nok Tuhan dinita, podalomon ta ok pongadjiꞌ ta niyu bagun moksipagon ok kopongandol ta. 4 Poꞌ bilaꞌ tinolikudan nok tow ok pongandolin, mokondok-ondok ok koposunguanin. Pikil niyu kini, sibon na kidolagan ong mga pomikilin, bu mikonanam na yanin nong mga barakat nong miktidu sok Tuhan. Mikotolimaꞌ na yanin nog , 5 bu mikonanam na yanin nok kobaisan tidu sok Parman nok Tuhan, bu mikokosun na yanin pasal sok kowasa nok Tuhan nok tumampal lomaꞌ-dinglag. 6 Sugaid bilaꞌ tinuud nok tow koyon tumolikud sok Tuhan, na mologon tokodoy nok potowbaton pa yanin puliꞌ. Poꞌ mamaꞌ in da linansang mokpuliꞌ og sok kayu, bu inoyitin sok kosipogan sok kodakolan nok tow.

7 Ok kobotang-botang nong mga manusiyaꞌ mopononggiꞌ sog guma pimulahan sok pongdupiꞌ. Og duma nog guma molomu tosopon nok tubig, dadi mogbunga nong mosubuk ok pomula nin. Og guma koyon kopologunahan para song migimula dun bu barakatan nok Tuhan. 8 Sugaid bilaꞌ ongon og guma nok tinubuan hadja nok sigbot dugihon, na daꞌdun og guna nin. Diꞌ na mobon, kodatongan na koyon nong mulkaꞌ nok Tuhan bangka doksuloy.

9 Mga kolasahan, bisan maꞌ nini ok pinaluꞌ nami, mitantu nami tokodoy pasal diniyu nong mipuwas amu na sok kodusahan, bu mobais ok kobotang-botang niyu pasal sok . 10 Mologdong tokodoy ok Tuhan. Ondiꞌ in na dodaꞌ kolingowan ok tiksaan niyu para diyanin, bu ok kolasa nok pitongow niyu diyanin biyan sog lolayun niyu poktabang song mga duma niyu nok . 11 Dadi, ok kolegan nami bosiya nok kada solokotow diniyu bologbogan bu poogoton ok pogdodama bug kopongandol sok Tuhan toktob sok kodoksuan. 12 Dadi diꞌ amu moglolaꞌ-lolaꞌ. Sugaid ilingoy niyu ong mga tow nong mikotabuk nog jinanjiꞌ nok Tuhan biyan sok kotombaꞌ bu sok kopoktiggol nilon nok kotanan nituꞌ.

Mounut na dodaꞌ og Janjiꞌ nok Tuhan

13 Na pondomon ta niyu ok kobiyan-biyanan ni Nabi . Dangan jinumanjiꞌ ok Tuhan dituꞌ diyanin song masa nituꞌ, mikposobonnal ok Tuhan sog ginawa nin, pasal daꞌdun na muwal ong motas tidu diyanin. 14 Dadi mikparman ok Tuhan, taluꞌ in,

“Barakatan ku na dodaꞌ ika,

bu podakolon ku ong mga ponupuꞌ nu.”

15 Na mosabar mogbagad si Nabi Ibrahim, saan na mitabukin og jinanjiꞌ nok Tuhan diyanin. 16 Bilaꞌ ong mga tow sumapa, gamiton nilon ong ngalan nong motas pa tidu dinilon. Ok sapa nilon ok saksiꞌ nong motud ok ponaluꞌ nilon bu diꞌ na mopinda. 17 Maꞌ niyon da sop og ininang nok Tuhan song mga jinanjianin, poꞌ pimotudin biyan sok sapa nin nog ondiꞌ mobolubaꞌ og jinanjiꞌ in. 18 Bu og duwaꞌ ginisan kini, yonin na og janjiꞌ in bug sapa nin mipomotud nog ondiꞌ na dodaꞌ mopinda, poꞌ ondiꞌ mogloput ok Tuhan. Saan na ita, mga mikopolani mokpokilolat diyanin, mopagon ok pogdodama ta nong motabuk ta sog loma-dinglag og jinanjiꞌ in kituꞌ nog bogoyonin dinita. 19-20 Ok pogdodama nok kosurgaan ta mamaꞌ nok saw nok kappal nog linabuꞌ bu misagnat nong mogot sog batu. Na si mipononggiꞌ sok saw kituꞌ nog dituꞌ na sok miguna dinita. Dadi ok pongandol ta ondiꞌ na moganud-anud, bu diꞌ ita na mondok madap sok Tuhan poꞌ si Isa ok Kinotasan nog Gimam ta solama-lama, mamaꞌ nok kopogimam ni Malkisedek. Na ong mga Kinotasan nog Gimam nong mga pingapuꞌ ta, mikosolod ilon sog sok sobolaꞌ nong modikpol nok kurtina nok piktambol nog bilik kituꞌ sog . Tibuwa si Isa, sinumolod yanin song Mahasutsi nok pigonongan nok Tuhan sok surgaꞌ, bu dituꞌ yanin mongongolot para dinita.