Ok Pokposun
pasal sog Ikosolobuk Sulat ni Pol Posunguꞌ ni Timuti
Mga pigilugan,
Salam diniyu kotanan.
Ok sulat nok posunguꞌ niyu bastahon kini, ong mikuna nok sulat nok pinoyit ni Pol para ni Timuti mga tolupuluꞌ tahun tidu sok pokpuliꞌ ni Isa Al-Masih sok surgaꞌ.
Si Timuti solobuk mogogunut ni Panghuꞌ Isa nong mobataꞌ pa. Timabang yanin ni Pol moktonduꞌ nong Mobais nok Suksugan pasal sog Al-Masih (Kitab Injil, Mga Ginang 16:1-3). Og ginaꞌ ni Timuti, bangsa Yahudi, bu og gommaꞌ in bangsa Grik.
Na ongon og waktu nok pibagak ni Pol si Timuti sok siyudad nog Epesus bagun moktonduꞌ yanin song mga moktotombaꞌ sog Al-Masih diyon. Dadi pinoyitan yanin ni Pol nok sulat kini mokpobais nok pongatoyanin bagun sigi-sigi yanin moktonduꞌ nok kosobonnalan bu mokpotontul sosuku nong molikoꞌ ok pomituwa nilon. Pipondoman ni Pol si Timuti pasal song mga gaddat-tobiat nok tumolop song mga mogogunut sog Al-Masih sampoy ong mga moglokounutan song mga jomaa nilon. Pipondomin da sop ni Timuti ok pasal sok kopandoy nog inuwakil diyanin nog Al-Masih bagun gamitonin para sok kobaisan nong mga moktotombaꞌ.
Bung mayan tonduan ita niyu nok Tuhan sok pogbasta ta nini, bu oyitonin ita niyu sog dalan nok posunguꞌ sok surgaꞌ.
Wassalam