Ok Pokposun
pasal sog Ikoduwaꞌ Sulat ni Pol Posunguꞌ ni Timuti
Mga pigilugan,
Salam diniyu kotanan.
Og ikoduwaꞌ sulat ni Pol diyon ni Timuti nok posunguꞌ niyu bastahon kini, misulat mga 32 tahun mipuwas ni Isa Al-Masih motubuꞌ puliꞌ bu muliꞌ sok surgaꞌ. Sok tang kini mipirisu si Pol puliꞌ dituꞌ sok siyudad nog Rum, bu kiosunanin na nok posunguꞌ yanin bunuon sabap sok pokposampoyin pasal sog Al-Masih.
Saan na sinumulat yanin mokpuliꞌ dituꞌ ni Timuti poꞌ meleg pa yanin moktongow ilon puliꞌ. Biyan sok sulatin kini, motongow ta nog landuꞌ ok kolasa nin diyon ni Timuti.
Pipondom ni Pol diyanin nok sumboy gamitonin ok kopandoy nog binogoy nok Tuhan diyanin bagun moksipagas biyan sok pogamitin dun. Koleganin nong mopagon si Timuti biyan sok kolasa-kololat nog binogoy diyanin bagun moposampoyin pasal sog Al-Masih, bu bologboganin ok kosobonnalan kituꞌ nok kilayamanin ponintuluon. Mimituwa si Pol nok sumboy molilolatoy si Timuti sok pokasi nin, bu popayatonin ok kosabarin bisan sooy posakitan yanin bu solap-solapon. Poꞌ lomaꞌ-dinglag bogoyan yanin nok tumbas mamaꞌ da sop nog dinodamahan ni Pol.
Bung mayan tonduan ita niyu nok Tuhan sok pogbasta ta nini, bu oyitonin ita niyu sog dalan nok posunguꞌ sok surgaꞌ.
Wassalam