Epesus 2

Pitubuꞌ dunut nog Al-Masih

Sok tagnaꞌ kituꞌ, mamaꞌ amu sopantun nok patoy pasal sok pinginang niyu nok kolaatan bug kodusahan. 2 Mikpoduhul amu diyon kituꞌ monginang nok kodusahan, mamaꞌ na nog duma tow nong mogogunut sok kounutan nong mga soytan nok taga kowasa sog langit. Yanin ong migbayaꞌ song mga tow nog dinumugtul sok Tuhan. 3 Ong mattanin, tagnaꞌ ita niyu kotanan mamaꞌ da sop dinilon, poꞌ piduhul nami da sop og lam nog leg nok pikilan bug napsu nami. Dadi pasal diyon, mopatut ita bosiya pogmulkaan nok Tuhan mamaꞌ nong mga duma nok tow .

4 Tibuwa, molilolatoy tokodoy ok Tuhan, bu diꞌ motokkad ok kolasa nin dinita. 5 Dadi minsan sooy mamaꞌ ita tagnaꞌ hantang minatoy sok ponontongin sabap sog ta, pidunut ita na nok Tuhan sok pokpotubuꞌ in puliꞌ ni Isa Al-Masih tidu sok kopatoy. Poꞌ sabap sok nok Tuhan, miawon ita na. 6 Pasal sok poksolobuk ta ni Isa Al-Masih, pitubuꞌ in ita mokpuliꞌ bagun mampuꞌ ita mogbayaꞌ diyanin sok 7 magun mopotongowin sog lomaꞌ-dinglag nog daꞌdun mokotopong nok kolasa-kololatin bu kobaisanin dinita biyan sog Al-Masih. 8 Poꞌ tidu sok kolasa-kololat nok Tuhan diniyu, inawonin amu sog dusa niyu biyan sok pongandol niyu sog Al-Masih. Ok niyu kanaꞌ sabap song mga mobais nog ininang niyu, sugaid binogoy nok Tuhan diniyu. 9 Dadi diꞌ niyu kini mopongabbu, poꞌ kanaꞌ amu ok sabapanin. 10 Poꞌ ok Tuhan ong mikpopinda nog gaddat-tobiat ta bu biyan sok poksolobuk ta sog Al-Masih, binogoyanin ita nog bogu kotubuꞌ bagun ita monginang nok kobaisan nog asal na ginantaꞌ in nog inangon ta.

Mipoksulut ni og Lam nog Bangsa Posunguꞌ sok Tuhan

11 Saan na amu mga , naꞌ niyu kolingowan ok kobotang-botang niyu tagnaꞌ nog diyon amu pa sog diyaloman nok kodusahan. Binataꞌ amu nok kanaꞌ Yahudi bu ok tawag nok salu bangsa nami diniyu “mga ondaꞌ islamoy” poꞌ ami mga Yahudi inislam. 12 Sog waktu kituꞌ, ondaꞌ amu pa poksolobuk diyon sog , ondaꞌ amu koampuꞌ sok nog bangsa , bu ondaꞌ amu kosunuꞌ sog janjiꞌ nok Tuhan song mga pigjanjianin nog yonin na ok pogdatong nong Mogogawon. Daꞌdun og dinodamahan niyu sog ahirat, bu daꞌ niyu kolilahoy ok Tuhan. 13 Sugaid biyan ni Isa Al-Masih, ningkomun molani amu nog bakas molayuꞌ sok Tuhan. Poꞌ mikopapas og duguꞌ ni Isa Al-Masih nog dusa ta dangan minatoy yanin. 14-15 Poꞌ yanin ok kosannangan ta, ong mikposulut nong mga bug mga len bangsa bagun da moongon ok kopoksolobuk ta niyu diyanin. Biyan sok kopoglillaꞌ ni Isa Al-Masih ong nyawa nin, inawaꞌ in ok pogliningitoy ta kituꞌ nong mamaꞌ nog galad nong mikopokposuwoy dinita niyu. Ok saraꞌ agama Yahudi dunut mga ginis-ginisan nong mga suguanin, taga kowasa moghukum nong mga manusiyaꞌ, sugaid inawaꞌ ni Isa ok kowasa koyon dangan inatasin matoy para dinita niyu. Dadi bisan Yahudi atawa kanaꞌ Yahudi, yanin da ok sumboy kopongandolan ta sok . 16 Na biyan sok kolansang ni Isa sok , pisolobukin ong mga Yahudi bug kanaꞌ Yahudi bu mipoksulutin ilon posunguꞌ sok Tuhan bagun diꞌ ita niyu na mogliningitoy. 17 Saan minangoy si Isa dini poꞌ pisampoyin diniyu ong nok kobogoyan ita niyu nok kosannangan, amu mga kanaꞌ Yahudi nok tagnaꞌ molayuꞌ sok Tuhan, bu ami mga Yahudi nong molani sok Tuhan. 18 Ningkomun mokopolani ita niyu na sog biyan sog sabap sog ininang ni Al-Masih dinita. 19 Dadi kanaꞌ amu na hantang nog bogu datong sog bonuwa nog daꞌdun ok kosun-sunan niyu, sugaid sukuꞌ amu na nok Tuhan dunut nong mga duma diyanin, bu misakup amu na sok kongkomanin. 20 Ita niyu kotanan mamaꞌ sopantun nog baloyin. Minindog og baloy kini biyan sok ponintuluꞌ nong mga konabihan bug mga , sugaid si Isa Al-Masih, yanin og gugdok nong mogbobogoy nok pagon sog baloy kini. 21 Biyan diyanin miksukpat-sukpat mahatul ong mga moktotombaꞌ bu miksisolag taman song miimung mamaꞌ sopantun nog baloy sutsi, poksumbahan para sok Tuhan. 22 Dadi amu sooy nok kanaꞌ Yahudi nok simolobuk na sog Al-Masih, miampuꞌ da sop song mga duma nong moktotombaꞌ moimung nog baloy sutsi kini, yonin na ok pogonongan nok Tuhan biyan sog Ruh nin.