Galatiya i

Ok Pokposun

pasal sok Sulat ni Pol song mga Moktotombaꞌ sog Galatiya

Mga pigilugan,

Salam diniyu kotanan.

Sok ponontong nong mga mokokosun ok sulat ni kini nok posunguꞌ niyu bastahon, og ikosolobuk nok sulatin. Inimungin kini mga 15 tahun tidu sok kotubuꞌ puliꞌ ni Isa Al-Masih bangka uliꞌ sok .

Sok solobuk nok panow niloꞌ Pol mokposampoy nong pasal sog , misaut nilon ok probinsiya nog Galatiya. Og Galatiya kini misakup sog bonuwa Turki ningkomun, sugaid song masa nituꞌ misakup song moliwag nog bangsa . Mignasihat ilon pasal sog Al-Masih diyon, saan na ongon ong mga sog Galatiya.

Pogobon-obon ongon ong mga Yahudi nong moktonduꞌ sog Galatiya nong minangkon nok tumombaꞌ da sop ilon ni . Taluꞌ nilon song mga moktotombaꞌ diyanin nok sumboy mogunut ilon sok saraꞌ nok piponog diyon ni Nabi Musa, kanaꞌ hadja nok tinumombaꞌ ilon sok Panghuꞌ Isa bangka pa ilon kosurgaꞌ. Ok solobuk nong mga saraꞌ kituꞌ nok pilabi nilon, yonin na ok pogislam song mga kolakihan. Sabap nituꞌ, misasow ok pikilan nong mga moktotombaꞌ sog Galatiya. Pogdongog ni Pol, pinoyitin ok sulat kini dinilon.

Miktonduꞌ si Pol dinilon nong migjanjiꞌ ok Tuhan diyon ni Nabi nong mobarakat og lam nong manusiyaꞌ biyan sok tupuꞌ in, bu taluꞌ ni Pol, ok tupuꞌ in koyon, og Al-Masih. Saan na sima-sima ong mongandol nong minatoy si Panghuꞌ Isa para song mga nin, na moawon yanin.

Pogdoksuꞌ nog jinanjiꞌ nok Tuhan diyon ni Nabi Ibrahim, piponogin ok sara diyon ni Nabi Musa dangan miniyan mga 430 tahun. Saan na ok saraꞌ ondiꞌ mokopapas nog janjiꞌ koyon. Tibuwa biyan sok sara motampal nong mokodugtul og lam nong manusiyaꞌ sok saraꞌ nok Tuhan, poꞌ daꞌdun ong manusiyaꞌ nong mokopogunut tokodoy dun. Dadi daꞌdun sop ong manusiyaꞌ nong moawon biyan sok saraꞌ. Sugaid sima-sima ok tumombaꞌ nok piglillaꞌ nog Al-Masih ong nyawa nin pasal diyanin, moampun og dusa nin bangka yanin kosurgaꞌ lomaꞌ-dinglag. Diꞌ na yanin pogbayaan nog dusa, bu daꞌ na yanin sog diyalom kongkoman nok saraꞌ ni Nabi Musa. Sugaid og nong midiyon na sok pongatoyan nong mga moktotombaꞌ, mopoongon dinilon ong mga mobais nog gaddat.

Bung mayan tonduan ita niyu nok Tuhan sok pogbasta ta kini, bu oyitonin ita niyu sog dalan nok posunguꞌ sok surgaꞌ.

 

Wassalam