Galatiya 3

Kopogunut tokodoy sok Saraꞌ atawa ok Pongandol sog Al-Masih

Manu kibolongan amu ma nok ponabut mga tow ? Sima ong mingakkal diniyu? Kanaꞌ taꞌ motampal na tokodoy ok poktonduꞌ u diniyu pasal ni Isa Al-Masih nog linansang bu minatoy sok , bagun mopuwas amu song mga niyu? 2 Kolegan ku moksak diniyu, mitabuk niyu taꞌ og sabap sok kopogunut niyu sok saraꞌ ni Nabi Musa, atawa sabap tinumombaꞌ amu sok pokposampoy kituꞌ nong midongog niyu pasal sog Al-Masih? 3 Manu? Kulang taꞌ ok ponabut niyu? Sok ponognaan nok kopogunut niyu ni Panghuꞌ Isa, mingandol amu sok tabang nog Ruh nok Tuhan. Sugaid ningkomun migmuhut-muhut amu taꞌ nong moawon amu biyan song mga mobais nog ginang niyu? 4 Pogastahan niyu taꞌ ok kilossahian niyu pasal sog Al-Masih? Bung mayan ongon pa og halgaꞌ in. 5 Binogoy nok Tuhan og Ruh nin nong monginang nong mokosobuꞌ-sobuꞌ diyon diniyu, kanaꞌ sabap sok kopogunut niyu sok saraꞌ kituꞌ, sugaid sabap sok kotombaꞌ niyu sok suksugan pasal sog Al-Masih.

6 Pikil niyu ok kibiyan-biyanan ni Nabi . Mingandol yanin sok Tuhan, bu pasal niyon miitung yanin nong mologdong. 7 Dadi motampal nog lam nong mongandol sok Tuhan ong motawag nok ponupuꞌ ni Nabi Ibrahim. 8 Pidinsamaꞌ sumulat sok Kitab nong moitung nok Tuhan ok kobangsa-bangsahan mologdong biyan sok kopongandol nilon. Bu asal piosun nok Tuhan dituꞌ ni Nabi Ibrahim ong mobais nok suksugan koyon, longin, “Biyan dinika mobarakat og lam nok kobangsa-bangsahan sog dunya.” 9 Dadi ok kotanan nong mongandol sok Tuhan binarakatan dunut ni Nabi Ibrahim nok taga pongandol.

10 Sugaid ong mga tow nong mingandol nong mopologdong ilon pasal sok kopogunut nilon sok saraꞌ ni Nabi Musa, na mosugat ilon nong mulkaꞌ nok Tuhan poꞌ diꞌ ilon mokopogunut mahatul. Poꞌ sinulat sok Kitab nok pogmulkaan ok sima-sima og diꞌ tumombaꞌ sog lam nok suguan nok sinulat sok Kitab Tawrat. 11 Dadi motampal nog daꞌdun ok tow nong mopologdong og ginawa nin sok ponontong nok Tuhan pasal sok kopogunutin sok saraꞌ, poꞌ sinulat sok Kitab, “Ok tow nong miimung mologdong biyan sok kopongandolin, motubuꞌ nog daꞌdun ok kodoksuanin.” 12 Na kanaꞌ ok kopongandol ong moglabi sok saraꞌ, sugaid ok kopogunut, mamaꞌ na nong misulat sok Kitab, “Ok tow nong moinangin og lam nong mga suguan nok saraꞌ, motubuꞌ yanin solama-lama.” 13 Sugaid pagga diꞌ ta mounut og lam nok suguan nok Tuhan, mosugat ita nong mulkaꞌ in. Tibuwa linokat ita niyu ni Panghuꞌ Isa dangan inangkonin ong mulkaꞌ kituꞌ para bosiya dinita, poꞌ misulat sog diyalom Kitab, “Sima-sima ok puyuton sok kayu, misugat yanin nong mulkaꞌ nok Tuhan.” 14 Dadi pigmulkaan si Isa, bagun barakatan da sop nok Tuhan ong mga nong mamaꞌ nog barakat kituꞌ nog jinanjiꞌ in diyon ni Nabi Ibrahim. Saan na biyan sok kopongandol ta ni Isa Al-Masih, motabuk ta da og Ruh nin nog jinanjiꞌ in kituꞌ.

Og Janjiꞌ nok Tuhan diyon ni Nabi Miongon sog daꞌ pa ok Saraꞌ ni Nabi Musa

15 Dadi mga koilugan ku, ongon ok suntuan ku diniyu tidu sok kotubuꞌ-tubuꞌ ta. Bilaꞌ ongon ok pigisunan nok taga pirma niyu, daꞌdun na ong mokoboluba dun atawa mokodungag nog olo-olo sok pigisunan niyu koyon. 16 Mamaꞌ niyon da sop og janjiꞌ nok Tuhan dituꞌ ni Nabi Ibrahim bu sok tupuꞌ in, diꞌ da sop moboluba. Na ondaꞌ kotaluꞌ sok Kitab song mga ponupuꞌ in mamaꞌ nong modakol ok pigbinaan dun, sugaid sok tupuꞌ in, ong maana nin solobuk da. Ok tupuꞌ koyon, yonin na og . 17 Maꞌ nini ok kolegan ku posabuton diniyu: Og janjiꞌ nok Tuhan diyon ni Nabi Ibrahim, miongon pat gatus tolu puluꞌ tahun kaliꞌ pa bogoyoy ok saraꞌ diyon ni Nabi Musa. Dadi ok saraꞌ koyon diꞌ mokoladak bu mokopapas nong mopagon nog janjiꞌ nok Tuhan ni Nabi Ibrahim. 18 Poꞌ bilaꞌ bosiya sumboy ita tumombaꞌ sog lam nok suguan nok Tuhan kaliꞌ ita pa pokotolimaꞌ nog barakat nog jinanjiꞌ in, na daꞌdun da og jatu nog janjiꞌ in kituꞌ. Tibuwa tidu sok nok Tuhan binogoyin og barakat koyon dituꞌ ni Nabi Ibrahim biyan sog janjiꞌ in.

19 Na bilaꞌ maꞌ nituꞌ, olo ok kopologunahan nok saraꞌ agama? Ok saraꞌ kituꞌ dinungag bagun kosunan nong mga towanan ong mga nilon sog bon nog daꞌ pa datong ok solobuk tupuꞌ ni Nabi Ibrahim koyon nog jinanjiꞌ nok Tuhan. Ok saraꞌ agama binogoy biyan song posunguꞌ ni Nabi Musa bagun yanin ong mongolot mokposampoy song mga tow. 20 Sugaid diꞌ sumboy ongon ong mongolot bilaꞌ solobuk da, saan na daꞌdun ong mongolot sok kopogjanjiꞌ nok Tuhan dituꞌ ni Nabi Ibrahim, poꞌ solobuk ok Tuhan. Dadi kiosunan ta nong mosolag pa og janjiꞌ nok Tuhan tidu sok saraꞌ.

Ong Maksud nok Saraꞌ Agama

21 Na pagga mamaꞌ niyon, mokosaggaꞌ taꞌ ok saraꞌ agama sog janjiꞌ nok Tuhan? Na kanaꞌ. Poꞌ bilaꞌ ongon bosiya ok saraꞌ nong mokobogoy nok kotubuꞌ sok , koongonan ita bosiya nok kologdongan sok ponontong nok Tuhan biyan sok kopogunut ta dun. 22 Tibuwa ok taluꞌ sok Kitab, og lam nok tow sog diyaloman nok kodusahan, saan diꞌ ilon mokopogunut tokodoy sok saraꞌ. Dadi og dalanan nok koongonan ita nog janjiꞌ nok Tuhan, yonin na bilaꞌ mongandol ita ni Panghuꞌ Isa Al-Masih.

23 Na sog daꞌ pa datong si , nok tinombaan ta, pigbayaan ita niyu nok saraꞌ agama. 24 Dadi ok saraꞌ agama ong migipat dinita sampoy sok kodatong nog Al-Masih bagun mooyit ita diyanin bagun mopologdong ta biyan sok kopongandol ta diyanin. 25 Tibuwa dangan pingandolan ta na og Al-Masih, kanaꞌ na ok saraꞌ ong mogipat dinita. 26 Kotanan niyu og gumbataꞌ na nok Tuhan pasal sok pongandol niyu ni Isa Al-Masih. 27 Poꞌ sok niyu diyon sog Al-Masih, mamaꞌ amu hantang sinumolug nog bogu ponapot, bu ok kotubuꞌ in ok kotubuꞌ niyu na. 28 Daꞌdun na ok pogbiddaan nog atawa kanaꞌ Yahudi, og atawa kanaꞌ, bu og laki atawa og libun. Poꞌ miksolobuk amu na ma sabap sok kosolobuk niyu diyon ni Panghuꞌ Isa Al-Masih. 29 Pagga misukuꞌ amu na sog Al-Masih, miimung amu na sop koyon nok ponupuꞌ ni Nabi , bu kipusakaan amu na nog barakat nog bakas jinanjiꞌ nok Tuhan diyon diyanin.