2 Kurintu 5

Og Bogu Lawas nok Pigdodamahan nong mga

Og lawas ta kini, mamaꞌ sopantun nog nok pogonongan ta soliyan dini sog dunya. Sugaid bilaꞌ ladakon na kini, pidinsamaan ita nok Tuhan nok pogonongan solama-lama sok nog daꞌ imungoy nok komot nong manusiyaꞌ. 2 Soliyan dini ita pa sog dunya, kibogatan ita tokodoy poꞌ mosolag og leg ta sumolug nog len lawas ta dituꞌ sok surgaꞌ, mamaꞌ nok ponapoton kituꞌ nog bogu nok kolog-kologan ita na sumolug dun. 3 Poꞌ ongon og bogu lawas (mamaꞌ nog juba nyawa) nok solugon ta sok surgaꞌ, dadi diꞌ tontongon ong nyawa ta mamaꞌ nong miglobas. 4 Sog bon nog dini ita sog lawas ta sog dunya, kibogatan ita. Kanaꞌ ita da sop meleg matoy, sugaid ok kolegan ta og lawas ta kini nok taga kopatoy, kogantian mogdayun sog bogu nok taga . 5 Ok Tuhan yonin na ong mikpodinsamaꞌ dinita bagun motabuk ta og bogu lawas kini. Bu binogoyanin ita nog , og gindanan bagun motantu ta nog inangonin tokodoy kini.

6 Saan na lolayun mokotowakkal ita, bisan kiosunan ta nok kobon ta dini sog dunya, ondaꞌ ita pa poksolobuk pogonongan ni . 7 Bisan ondiꞌ ta yanin motongow ningkomun, mogdayun ita pa tumombaꞌ diyanin, poꞌ moglokotubuꞌ ita biyan sok kotombaꞌ, kanaꞌ mounut song motongow ta. 8 Dadi mokotowakkal ita bisan song niyat ta golom ta pa mawaꞌ sog lawas ta bagun moksolobuk sok . 9 Saan na bisan dini ita niyu pa sog dunya atawa dituꞌ ita na diyanin, kolegan ta nok kosuatan yanin dinita. 10 Poꞌ ita niyu kotanan sumboy madap sog sog , bagun tumbasanin ok ponolokotow nok tolop sog ginangin dini sog dunya nong mobais atawa molaat.

Mikopuliꞌ ita sok Tuhan biyan ni  Al-Masih

11 Dadi pasal sog gondok nami sok Panghuꞌ, mogmuhut-muhut ami mogoyit nong mga tow tumombaꞌ diyanin. Kiosunan nok Tuhan nog ikhlas og diyalom pongatoyan nami, bu migdodama u nok kiosunan niyu da sop. 12 Kanaꞌ kini migmaana nog bantugon nami puliꞌ og ginawa-baran nami diniyu, sugaid bagun diꞌ amu mosipog pasal dinami. Taluꞌ nami da sop nong maꞌ niyon bagun ongon ong motabal niyu song mga tow nong mogabbu pasal sog nilon, tibuwa og diyalom pongatoyan nilon, kanaꞌ nilon tulikan. 13 Na bilaꞌ migbunog ami na dow, sogaran na bagun potason ok Tuhan sok poktolagad nami. Bu bilaꞌ ondaꞌ ami dow pogbunog, mobais da sop bagun mokohampit amu dun. 14 Pasal sog landuꞌ nok kolasa nok pitongow ni Isa Al-Masih dinami, miktogol ami moginang para diyanin, poꞌ kiosunan nami nog yanin ok solobuk-lobuk nok sinumoliyu matoy para sog lam nok tow. Saan na mamaꞌ sopantun nong minatoy ita niyu da sop kotanan. 15 Minatoy si Isa Al-Masih para sog lam nok tow bagun ong mga totubuꞌ diꞌ na motubuꞌ para sog ginawa-baran nilon, sugaid para diyanin nong minatoy bu pitubuꞌ puliꞌ sabap dinilon.

16 Saan na song ningkomun kini, ok ponontong nami song mga kodumahan nami manusiyaꞌ, mibogu na, kanaꞌ mamaꞌ nok tagnaꞌ. Bisan ok ponontong nami tagnaꞌ pasal ni Panghuꞌ Isa, manusiyaꞌ da yanin, sugaid song ningkomun kini kiosunan nami na bug sima yanin. 17 Dadi sima-sima ok sinumolobuk na ni Isa Al-Masih, mamaꞌ daꞌ yanin nog bogu bataoy. Og dan nok kotubuꞌ in miniyan na, bu og bogu minatong na. 18 Na ok Tuhan ok piktiduhan nog lam nini, poꞌ biyan sok kotombaꞌ ta sog ininang ni Isa Al-Masih, initung ita nok Tuhan nong mosulut diyanin. Saan na mobais puliꞌ ok kobotang-botang ta diyanin. Bu kiwakilanin ami nog ginang mokposampoy nong kini pasal sok pokposulut bagun mokopuliꞌ ong mga tow diyanin. 19 Poꞌ biyan sok pongandol ni Isa Al-Masih miposulut nok Tuhan ong mga manusiyaꞌ diyanin, bu ondiꞌ in na mopondom ong mga kodusahan nilon. Na ok pokposampoy kini, og winakilin dinami. 20 Dadi pagga ami ong mga wakil ni Isa Al-Masih, posampoyon nami ok pogonggat nok Tuhan song mga tow. Pongonihon nami tokodoy song ngalan ni Isa, pobabaꞌ niyu ok pongatoyan niyu sok Tuhan bagun itungonin amu nong mosulut diyanin. 21 Og Al-Masih daꞌdun tokodoy og dusa nin, sugaid pasal dinita pipisan nok Tuhan diyanin ok kodusahan ta bagun yanin og gantiꞌ nong mga ta. Dadi biyan sok poksolobuk ta sog Al-Masih, inawaꞌ in ong mga dusa ta bagun moimung ita nong mologdong, poꞌ biyan diyanin binogoyan ita nok kologdongan nok tidu sok Tuhan.