1 Kurintu 12

Ong Mga Kopandoyan nok Pomogoyon nog

Dadi mga koilugan ku sok kotombaꞌ, kolegan ku nog diꞌ amu moawam pasal song mga mobarakat nok kopandoyan nong miktidu sog Ruh nok Tuhan. 2 Kiosunan niyu da sog waktu nog daꞌ amu pa tombaꞌ sog , lolayun amu sinassat nok soytan boyaan mikosimoy amu sumumba song mga tuhan-tuhan nog diꞌ tanan mokopoktaluꞌ. 3 Sugaid tinumombaꞌ amu na ningkomun ni , saan na kolegan ku mosabut niyu nog daꞌdun ok tow nok sumuknaꞌ ni Isa bilaꞌ diyon diyanin og Ruh nok Tuhan. Daꞌdun da sop mokotaluꞌ nok si Isa ok Panghuꞌ in, luwal bilaꞌ pigbayaan yanin nog .

4 Ongon ong miglologinis nok kopandoyan nog bogoyon song mga , sugaid solobuk da mogbobogoy dun, yonin na og Ruh nok Tuhan. 5 Miglologinis da sop ok kopoktolagad nok kiwakilan dinita, sugaid solobuk da ong moglokounutan dinita, yonin ok Panghuꞌ ta niyu. 6 Miglologinis nog ginang og inuwakil dinita niyu nok Tuhan, sugaid solobuk da ok Tuhan nok tumabang dinita niyu song mga ginang koyon.

7 Monolokotow dinita niyu ongon og binogoy nog Ruh nok Tuhan bagun moktinabangoy ita niyu. 8 Og duma dinita niyu binogoyan nog Ruh nok Tuhan nok kopandoyan mokposampoy nok kokosun nok Tuhan, bu og duma sop binogoyanin nok kopandoyan mokpotampal nong mosobonnal nok pononduꞌ. 9 Og Ruh nok Tuhan ong mogbobogoy sog duma nok tow nong mopagas nok kotombaꞌ, bu yanin da sop ong mogbobogoy sog duma nok kowasa momulung nong mga misaki. 10 Og duma sop binogoyan nog Ruh nok Tuhan nok kowasa monginang nong mokosobuꞌ-sobuꞌ. Og duma binogoyan nog Ruh nok Tuhan nok kopandoyan mokposampoy nok podatongonin dinilon mamaꞌ nong mga masa tagnaꞌ, bu og duma sop binogoyan nog Ruh nok Tuhan nok kopandoyan momikilan bilaꞌ tidu taꞌ sok Tuhan atawa song mga soytan og ginang nok solokotow. Og duma tokkow binogoyan nog Ruh nok Tuhan nok kopandoyan mokposampoy sog ginisan nog bahasa nog daꞌ pa nilon sibon poganadoy, bu og duma sop binogoyan nok kopandoyan mogmaana nong mga taluꞌ koyon. 11 Sugaid kotanan nong mga kopandoyan koyon, ok solobuk-lobuk da nog Ruh nok Tuhan ong mogbobogoy dun. Bahagianin ong monolokotow dinita niyu mounut sok koleganin.

Ong mga Piktowan ni , Mipononggiꞌ sog Bahagiꞌ nog Lawasin

12 Og lawas nong manusiyaꞌ modakol og bahagiꞌ in. Tibuwa, bisan sooy modakol ong mga bahagiꞌ in, solobuk da og lawas. Domikkiyan da sop ita niyu kini, mamaꞌ ita sopantun nong mga bahagiꞌ nog lawas ni Isa Al-Masih. 13 Poꞌ bisan modakol ita, miimung ita niyu bahagiꞌ nog lawas ni Isa Al-Masih biyan sok poksolobuk ta diyanin sog waktu nok piliguꞌ ita. Ita kini ong mga bu kanaꞌ Yahudi, mga bu kanaꞌ gulipon, sugaid ok kotanan ta niyu binogoyan nog .

14 Poꞌ og lawas kanaꞌ solobuk tibuwa bahagiꞌ, sugaid modakol. 15 Bilaꞌ og botis moktaluꞌ, “Kanaꞌ u og bahagiꞌ nog lawas poꞌ kanaꞌ u ok komot,” masi-masi da yanin bahagiꞌ nog lawas. 16 Bu sunoy moktaluꞌ ok tolinga, “Kanaꞌ u bahagiꞌ nog lawas poꞌ kanaꞌ u ong mata.” Bisan taluꞌ in nong maꞌ niyon, masi-masi da yanin bahagiꞌ nog lawas. 17 Poꞌ bilaꞌ ok solobuk lawas lunsan mata, olohon na ma pokodongog nok tow? Bu bilaꞌ og lawasin lunsan tolinga na sop, olohonin na ma poksapu? 18 Sugaid inimung nok Tuhan og ginisan nog bahagiꞌ nog lawas ta, bu yanin ong migbayaꞌ bug ayinin dapit pomotangoy. 19 Poꞌ bilaꞌ soginis da og bahagiꞌ nog lawas nong manusiyaꞌ, ondiꞌ koyon motaluꞌ nog lawas. 20 Dadi motud nong modakol ong mga bahagiꞌ nog lawas, sugaid solobuk da yanin. 21 Ong mata diꞌ mokopoktaluꞌ dituꞌ sok komot nog, “Ondaꞌ u mikkogunahan dinika!” Bu og gulu diꞌ sop mokopoktaluꞌ dituꞌ sog botis nog, “Ondaꞌ u mikkogunahan dinika!” 22 Sugaid song motudin, og bahagiꞌ nog lawas ta nok pinikil ta nok kulang tokodoy ok kopagasin, kogunahan ta tokodoy. 23 Bu og bahagiꞌ nog lawas ta nok pinikil ta nog diꞌ halgaan, podogdoyan ta mahatul, bu og bahagiꞌ nong mokosipog ta potongowon, dungmaan ta tokodoy. 24 Sugaid ong mga pinikil ta nong mobais tontongon, diꞌ na sumboy dungmaan. Tibuwa sinukpat nok Tuhan ong mga bahagiꞌ nog lawas ta mogusoy-usoy, bu ginantaꞌ in nok potubudan mahatul ong mga bahagiꞌ nog lawas ta nok pinikil ta nog diꞌ halgaan. 25 Yonin kini og dalanan nong moksinulutoy ong mga bahagiꞌ nog lawas, dadi mokopoksolobuk bu moktabang-tinabangoy ilon. 26 Bilaꞌ kosakitan ok sobahagiꞌ nog lawas, mosunuꞌ da sop og duma bahagiꞌ monanam dun. Bu bilaꞌ sangliton ok sobahagiꞌ, og lam nong mga bahagiꞌ mosunuꞌ mogloliyag.

27 Na amu koyon kotanan mamaꞌ hantang nog lawas nog Al-Masih, bu ong monolokotow diniyu hantang bahagiꞌ nog lawasin. 28 Dadi migbayaꞌ ok Tuhan bug olo ok poinangonin diniyu mga sukuꞌ nog nin. Miguna kiwakilanin ong mga duma moimung nong , ikoduwaꞌ kiwakilanin ong mga , ikotolu mga guru, doksuꞌ ong mga monginang nong mokosobuꞌ-sobuꞌ, mga binarakatan momulung, moktotabang, atawa mokkounutan song mga tow, bu mga mokposampoy nok taluꞌ song miglologinis nog bahasa nog daꞌ nilon sibon poganadoy. 29 Kanaꞌ kotanan ta niyu moktotombaꞌ kiwakilan moimung nong mokpoposampoy ni Isa Al-Masih. Kanaꞌ kotanan kiwakilan moimung nong nabi. Kanaꞌ kotanan kiwakilan moimung nog guru, bu kanaꞌ da sop ok kotanan ta kiwakilan mokinang nong mokosobuꞌ-sobuꞌ. 30 Kanaꞌ ok kotanan ta niyu taga kowasa momulung nong mga misaki, atawa kiwakilan nok kopandoyan mokposampoy song miglologinis nog bahasa nog daꞌ ta niyu sibon poganadoy, bu kanaꞌ da sop ok kotanan ta niyu kiwakilan nok kopandoyan mokpotampal nong maana nong mga bahasa kituꞌ. 31 Na pongmuhut-muhutan niyu nok kowakilan amu nok Tuhan nong mga kinobaisan nok kopandoyan bug barakat nong mokohampit song mga moktotombaꞌ.

Sugaid ongon pa ok tintuluon ku diniyu ong mobais pa tidu sok kotanan nong milabitu, yonin na ok poglasa.