Rum i

Ok Pokposun

pasal sok Sulat ni Pol song mga Moktotombaꞌ sog Rum

Mga pigilugan,

Salam diniyu kotanan.

Ok sulat nok posunguꞌ niyu bastahon kini, tidu ni Pol mga 25 tahun na tidu sok kotubuꞌ puliꞌ ni bangka pokpuliꞌ sok . Tagnaꞌ mimologbog tokodoy si Pol sog agama nong mga Yahudi, bu sinumaggaꞌ yanin song mga ni Isa Al-Masih. Sugaid miimung da sop yanin nong moktotombaꞌ ni Isa Al-Masih. Sog waktu koyon, si Sol ong ngalanin (Kitab Injil, Mga Ginang 9:1-19). Ondaꞌ kobon kiwakilan yanin nok Tuhan mokposampoy nong pasal ni Isa Al-Masih song mga len-len bangsa bug bonuwa. Ong Mobais nok Suksugan kini, yonin na nok piangoy nok Tuhan si dini sog dunya. Bu biyan sok kopatoyin bu kotubuꞌ in puliꞌ, inaku nin ok siksaꞌ nog nong mga manusiyaꞌ bagun sima-sima ong mongandol diyanin, diꞌ na mobinsanaꞌ, sugaid mosurgaꞌ.

Na si Pol, modakol ong mga sulatin. Dadi miksulat da sop yanin song mga moktotombaꞌ sok siyudad nog Rum. Na ong mga moktotombaꞌ diyon miktidu sog ginis-ginis nog bangsa sampoy bangsa Yahudi.

Ok siyudad nog Rum ok pun nok siyudad koliwagan nog bangsa Rum, bu mibotang sog Italya. Diyon da sop og gastanaꞌ nok sultan nilon. Migbayaꞌ yanin sog lam nong mga bonuwa nog inagow nog bangsa nin, mamaꞌ nog bonuwa nong mga tow Yahudi nog iningalanan da sop nong mga tow .

Sok sulat kini, pitampal ni Pol song mga moktotombaꞌ sok siyudad nog Rum nog daꞌdun ong moimung mologdong biyan sok saraꞌ nok Tuhan, poꞌ daꞌdun ok tow nong mokojukup sok saraꞌ pagga mikodusa og lam nok tow. Dadi daꞌdun bisan solokotow ong mologdong sok ponontong nok Tuhan bu daꞌdun ong manusiyaꞌ nong moimungin og ginawa nin mologdong. Sugaid ong mga manusiyaꞌ moimung mologdong bilaꞌ mongandol ilon ni Panghuꞌ Isa Al-Masih. Poꞌ inunutin tokodoy ok saraꞌ para song mga manusiyaꞌ, bu inangkonin ok siksaꞌ nog dusa nilon biyan sok piglillaꞌ in ong nyawa nin. Saan na sima-sima ong mongandol diyanin, mosurgaꞌ. Bilaꞌ mongandol ita diyanin, mogunut ita da sop ni Nabi , poꞌ miitung yanin mologdong pasal sok kopongandolin.

Og ginang nong mobais, mobais da inangon, sugaid ondiꞌ mokoposurgaꞌ dinita, poꞌ mga baldusa ita ma saan. Tibuwa bilaꞌ tumabuk ita nok nok Tuhan biyan sok kopongandol ta ni Isa Al-Masih, yanin ok kosurgaan ta, bu binogu nin ok pongaddatan ta. Dadi kolegan ta na monginang nong mokososuat sok Tuhan. Mokotabang da sop koyon song mga kodumahan ta. Moktagnaꞌ sok sura 12 modakol ong mga taluꞌ ni Pol pasal bug olo ok pongaddatan nog dumait song mga manusiyaꞌ nong moimung mologdong sok ponontong nok Tuhan biyan sok kopongandol ni Isa.

Bung mayan bogoyan ita niyu nok Tuhan nok ponabut biyan sok pogbasta ta nini, bu potontulonin ita niyu sog dalan mologdong nok posunguꞌ sok surgaꞌ.

 

Wassalam