Ginang 28

Si Pol sok Puluꞌ nong Malta

Na dangan mikosampoy ami na nong mosannang, kiosunan nami ong ngalan nok puluꞌ koyon, Malta. 2 Pibaisan ami tokodoy nong mga tow sog bonuwa koyon. Miktagun ilon nog gapuy pogdondangan poꞌ og dupiꞌ bu motigdow.

3 Dadi mingalap si nok kayu bangka nin tagunoy sog gapuy. Sunoy pa, linumuwas ong mamak mobisa kobalan nok kinit bangka likos bu ugdit sok komotin. 4 Dangan mitongow nong mga tow sok puluꞌ koyon ong mamak nog linumikos sok komotin, miktaluꞌ ilon sok sosolokotow dinilon, “Daꞌdun og duwaꞌ-duwaꞌ in, ok tow kini polomatoy. Bisan mikopolaguy yanin tidu sog dagat, ok sukudin da matoy ningkomun.” 5 Sugaid pinisik hadja ni Pol ong mamak sog gapuy, bu daꞌ da yanin koolo. 6 Migdodama ilon nong momagaꞌ yanin, atawa sunoy mobuksak na yanin bangka patoy. Sugaid dangan kiobonan ilon mogbagad bu mogumatiꞌ nog daꞌ da yanin pongmula, mipinda ok pikilan nilon, bu tinaluꞌ nilon nok solobuk yanin nok tuhan.

7 Song molani nog bonuwa koyon, ongon og lupaꞌ nok sukuꞌ nok kounutan sok puluꞌ koyon, ong ngalanin Publiyus. Tinolimaꞌ in ami, bu pibaisanin ami sog bon nok tolu ondow. 8 Kiotangan sop nong mipanas og gommaꞌ ni Publiyus bu migudu-udu. Na tinumibow si Pol diyanin bangka pongoni-ngoni bu dinoponin ok komotin dun bu kiulian. 9 Pokpuwas nok kobiyan-biyanan koyon, ong mga len tow sok puluꞌ koyon nok taga longkoꞌ, minangoy da sop diyanin, bu kiulian ilon. 10 Dadi tandaꞌ nok pogaddat nilon dinami, modakol ok pimogoy nilon. Bu sog daꞌ ami pa pokotulak, inatodan nilon pa ami nong mga kulang-kabus nami.

Ok Poktulak sok Siyudad nog Rum

11 Pogdopot tolu bulan, simakoy ami sok kappal nok tidu sog Aleksandriya nong mikpobiyan nok pongbagyu sok puluꞌ koyon. Ok kappal koyon, taga bayuꞌ-bayuꞌ nok tuhan-tuhan nilon nok kambal song mundaꞌ in. 12 Ginumonat ami song Malta posunguꞌ sok Sirakus. Pogdongguꞌ nami, linumihan ami dituꞌ tolu ondow. 13 Tubus tidu dituꞌ, miglayag ami, bu minatong ami sog bonuwa Regiyum. Pogbiyan nok sondow, minoyup og galuꞌ habagat, bu sog ikoduwaꞌ ondow, minatong ami sog bonuwa Puteyoli. 14 Mikobalak ami dituꞌ nong mga pigilugan sok kotombaꞌ, bu inonggat nilon ami lumihan dituꞌ nilon sog bon nok pitu ondow. Tubus migdayun ami na sok siyudad nog .

15 Pogdongog nong mga pigilugan diyon nong mikposunguꞌ ami na, minangoy ilon lumumpak dinami toktob sok Tabuan nog Appiyus bu og duma toktob da sok Tolu Pogulabungan. Dangan mitongow ilon ni , miksukul yanin sok Tuhan, bu mikkobais ok pongatoyanin. 16 Pogdatong nami sog Rum, kinumboy si Pol mogonong sala nin dunut solobuk sundalu nong mogjaga diyanin.

Ok Pognasihat ni Pol sog Rum

17 Pogdoksuꞌ nok tolu ondow, pitawag ni Pol ong mga kounutan nong mga Yahudi. Dangan milimud na ilon, tinaluanin ilon, “Mga pigilugan, daꞌdun og ininangu nong molaat song mga pokasi ta bu song mga gaddat nong mga pingapuꞌ ta. Tibuwa misaggowu sog , bangka u pokangoy sog diyaloman nog bangsa Rum. 18 Poksumoriya dinakon nong mga moghuhukum nilon, ok kolegan nilon, poluwason nilon na akon, poꞌ daꞌdun da ok sabapan nong mopatutu patoyon dun. 19 Sugaid sinumaggaꞌ ong mga Yahudi. Dadi kitogolan ku mogdang sok sultan nog bonuwa Rum bisan daꞌdun ok sumbungan ku song mga salu-bangsa ta. 20 Dadi sabap niyon pilumpuku amu bu abit-abiton ku amu. Poꞌ kiikotan ku nok kodina kini pasal sok kotombaꞌ u sog , og dinodamahan nog bangsa ta .”

21 Taluꞌ nilon ni Pol, “Daꞌdun ong mitabuk nami nok sulat tidu sog pasal dinika. Daꞌdun da sop song mga pigilugan ta nong minangoy dini ong migoyit nong molaat nok taluꞌ pasal dinika. 22 Kiosunan nami tibuwa nog ayin-ayin bonuwahoy modakol ong miktaluꞌ nong molaat pasal sok tumpukan nog inampuan nu koyon. Sugaid meleg ami monginongog bug olo ok pikilan nu pasal sok kotombaꞌ nu koyon.”

23 Dadi miksosaꞌ ilon nog gondow nok poktongow nilon puliꞌ. Modakol ilon minangoy diyanin sok pigdukonanin. Pisabutin dinilon ok parkalaꞌ koyon tidu sok sisolom mangoy sog gobi. Pisampoyin dinilon ok pasal sok , bu pigmuhut-muhutanin ilon potombaon nok pasal ni Isa biyan sok saraꞌ ni Nabi Musa bu tidu song mga konabihan. 24 Na og duma mioyit sok taluꞌ in, og duma sop ondaꞌ tombaꞌ. 25 Dadi soliyan nilon mogdaawa, ginumonat ilon. Tibuwa sog daꞌ pa ilon uliꞌ miktaluꞌ si Pol, “Motud dodaꞌ ok tinaluꞌ nog song mga pingapuꞌ niyu kituꞌ biyan ni Nabi , taluꞌ in,

26 ‘Angoya song mga tow kini, bu taluꞌ nu,

“Monginongog amu,

sugaid diꞌ amu da mokosabut.

Lolayun amu tumontong,

sugaid diꞌ amu da mokotongow.

27 Poꞌ ok pongatoyan nong mga tow kini, tinumogas.

Tinimpong nilon ok tolinga nilon,

bu pinodong nilon ong mata nilon

bagun diꞌ ilon mokotongow

bu diꞌ mokodongog

bu diꞌ mokosabut ok pongatoyan nilon

bu diꞌ mokopuliꞌ dinakon

bagun ampunon ku ilon.” ’ ”

28 Taluꞌ pa ni Pol, “Na sumboy niyu kosunan nok pisampoy na song mga len bangsa ok suksugan pasal sok kini nok Tuhan, bu monginongog ilon dun.” 29 Pokpuwasin koyon taluon, mingawaꞌ na ong mga Yahudi, bu migdaawa tokodoy ilon.

30 Na migonong yanin dituꞌ sog bon nog duwaꞌ tahun nog yanin da ong miggastu nog ginawa nin, bu tinolimaꞌ in og lam nong minangoy diyanin. 31 Mignasihat yanin nong motowakkal pasal sok Pomarinta nok Tuhan, bu mimituwa yanin nok pasal ni Al-Masih sok kodakolan, bu daꞌdun ok sinumaggaꞌ diyanin.

Wassalam