1 Kurintu 1

Og Ikosolobuk Sulat ni Pol song mga Moktotombaꞌ sok

KURINTU

Ok Salam-duwaa ni Pol

1-2 Salam-duwaa diyon diniyu nong mga sok Tuhan sok siyudad nok . Sinutsi amu biyan ni , bu piselen amu miimung , mamaꞌ nog ininang nok Tuhan sog lam nong mga sumabbut song ngalan ni Isa Al-Masih bisan ayin-ayin na bonuwahoy. Yanin ok Panghuꞌ nilon, bug Panghuꞌ ta niyu da sop.

Akon si Pol ok kiwakilan moimung nong mokpoposampoy ni Isa Al-Masih biyan sok kolegan nok Tuhan. Tidu da sop kini sog gilug ta sok kotombaꞌ nok si Sostenes.

3 Bung mayan modiyon diniyu ok bug kosannangan tidu sok Tuhan, og ta bug Panghuꞌ ta Isa Al-Masih.

Ok Poksarang-sukul ni  sok Tuhan

4 Lolayun ku moksarang-sukul sok Tuhan pasal sok kolasa bug kololat nog binogoyin diniyu biyan ni . 5 Miksukulu poꞌ pasal sok poksolobuk niyu sog Al-Masih migidud ok kokosun niyu bu ok kobais niyu moktaluꞌ. 6 Ok tintuluan pasal sog Al-Masih miggamut na sok pongatoyan niyu, og gindanan nok tinumombaꞌ amu na diyanin. 7 Dadi daꞌdun ok kulang diniyu song mga ginisan nok pomogoy nog sog bon niyu mogbagad nong mokpuliꞌ ok Panghuꞌ ta niyu Isa Al-Masih. 8 Yanin ong mokpopagon nok kotombaꞌ niyu toktob sok kodoksuan bagun diꞌ amu na kosusunan sog gondow ni Panghuꞌ Isa Al-Masih mokpuliꞌ dini sog dunya monghukum. 9 Kopongandolan ok Tuhan nong migonggat diniyu bagun sumolobuk sog Bataꞌ in nok si Isa Al-Masih nog yonin na ok Panghuꞌ ta niyu.

Sumboy Moksulut-sulut ong mga Moktotombaꞌ ni  Al-Masih

10 Dadi mga koilugan ku sok kotombaꞌ, song ngalan nok Panghuꞌ ta Isa Al-Masih, pongonihon ku nong moksulut-sulut amu. Naꞌ amu moksuwoy-suwoy, sugaid poksolobuk amu nok pongatoyan bug pikilan. 11 Kiosunan ku mga koilugan ku nog ongon ok poksuwal-suwal diyon diniyu poꞌ mikosuksug dinakon ok sakup ni Kaluya. 12 Miktaluꞌ u nong maꞌ nini poꞌ ongon og duma diyon diniyu miktaluꞌ, “Sukuꞌ u ni Pol.” Miktaluꞌ sop og duma, “Sukuꞌ u ni Apollos,” bu ongon og duma miktaluꞌ, “Sukuꞌ u ni .” Og duma sop taluꞌ nilon, “Sukuꞌ u ni Isa Al-Masih.” 13 Na kanaꞌ koyon mobais. Mibahagiꞌ taꞌ buwan og Al-Masih? Akon si Pol, sugaid tantu kanaꞌ akon ong mikpolansang sok para diniyu. Kanaꞌ da sop biyan song ngalan ku nong mipoliguꞌ amu.

14 Moksukulu sok Tuhan nog daꞌdun ok piliguꞌ u diyon diniyu luwal da si Krispus bu si Gayus 15 bagun daꞌdun polosili ong mokopoktaluꞌ nog liniguꞌ ilon biyan song ngalan ku miimung nok sukuꞌ u. 16 Na song motudin, piliguꞌ u da sop si Istepanus bug mga salu baloyin. Tidu diyon daꞌdun na ong mipondomu nog ongon pa og duma nok piliguꞌ u diyon diniyu. 17 Poꞌ ondaꞌ u suguoy nog Al-Masih nong mokpoliguꞌ song mga tow, sugaid sinuguꞌ in akon mokposampoy nong . Na ok pokposampoyu kini kanaꞌ tidu sok kopandoyu moktaluꞌ bagun diꞌ kobolongan nog halgaꞌ ok kowasa nok kopatoy ni Isa Al-Masih mogawon song mga manusiyaꞌ.

Ok Kowasa bug Kokosun nok Tuhan diyon Kotongow sog Al-Masih

18 Ok suksugan pasal sok kopatoy ni Al-Masih sok mamaꞌ da nok kodupangan para song mga tow posunguꞌ siksaon, sugaid para dinita nog awonon nok Tuhan, ok suksugan koyon, ok kowasa tidu diyanin. 19 Poꞌ misulat sog diyalom nok Kitab, ok taluꞌ nok Tuhan,

“Bisan andun kokosun nong mga tow sok ponontong nilon,

daꞌdun og halgaꞌ in dinakon.

Bisan andun ok kopandoy nilon momikilan,

daꞌdun ok kopologunahan ku dun.”

20 Dadi olo og jatu nong mga tow modalom ok kokosun nilon? Olo ok kopologunahan nong modalom ok pongadjiꞌ, bu ok tow nong mopandoy mogdaawa? Pitongow na nok Tuhan nok kodupangan hadja ok kokosun nong mga manusiyaꞌ, ondiꞌ tokodoy mokotopong sok kokosunin. 21 Pagga landuꞌ ok kopandoy nok Tuhan, daꞌdun ok tow mokotokkad dun biyan sok kokosun nilon. Sugaid kosuatan yanin nog awononin ong mga tow biyan sok kotombaꞌ nilon sog Al-Masih. Kosuatan yanin dun bisan pingindupangan da nong mga tow nog daꞌ tombaꞌ ong kini. 22 Ong mga lolayun mongoni nong mokosobuꞌ-sobuꞌ nog gindanan, bu ong mga , mogmuhut-muhut ilon nok kokosun. 23 Sugaid ami, ok pisampoy nami sog lam nok tow yonin na si Isa Al-Masih nog linansang sok . Ok suksugan kini kosipog-sipog para song mga Yahudi, bu para song mga kodupangan tibuwa. 24 Sugaid para song mga tow nog inonggat bangka koimung , Yahudi atawa kanaꞌ, si Isa Al-Masih yonin na ok kowasa nok Tuhan bu ok kokosun nok tidu sok Tuhan. 25 Og ginang nok Tuhan kini nong minatoy si Isa para song mga kodusahan nong manusiyaꞌ, sok ponontong nong mga daꞌ tombaꞌ, ok kodupangan hadja bu daꞌdun kowasa nin. Sugaid og baluꞌ nilon nok kodupangan, lumabi pa sok kopandoy nok tow, bu ok kopatoy ni Isa sok kayu nog baluꞌ nilon daꞌdun kowasa nin, taga kowasa mongawon nong manusiyaꞌ.

Ok Kopiliꞌ nok Tuhan kanaꞌ batuk sok Kopiliꞌ nong Manusiyaꞌ

26 Dadi mga koilugan ku, pondom niyu ok kobotang-botang niyu sog waktu nog inonggat amu nok Tuhan mogunut sog . Sok ponontong nong manusiyaꞌ kanaꞌ da modakol diniyu ong mopandoy atawa mokowasa, bu kanaꞌ da sop modakol diniyu nong miktidu sog duguꞌ nog datuꞌ bug salip. 27 Sugaid ok piniliꞌ nok Tuhan yonin na ong mga tow nog daꞌdun ok kokosunin sok ponontong nong mga duma nilon manusiyaꞌ bagun kosipogan ong mga tow taga pongadjiꞌ. Piniliꞌ in ong mga tow nog daꞌdun kowasa-kopatut bagun kosipogan ong mga motas nok tow. 28 Bu piniliꞌ sop nok Tuhan ong mga tow nong mobabaꞌ bu ong mga poksudian sok ponontong nog duma manusiyaꞌ, bagun mopotongowin nog daꞌdun jatu nog olo-olo og halgaan nok tow kododunyahoy. 29 Saan daꞌdun ong manusiyaꞌ nong mokopogabbu sok ponontong nok Tuhan. 30 Poꞌ og ginang nok Tuhan nok pisolobukin amu dituꞌ ni Isa Al-Masih, bu inimungin yanin nok kokosun niyu. Bu pasal sog Al-Masih miimung amu da sop nong mologdong, mosutsi bu linokat amu. 31 Saan na mamaꞌ na nong misulat sok Kitab, “Bilaꞌ mogbantug amu, og ginang tibuwa nok Tuhan, og bantugon niyu.”