Ginang 26

Dimaawa si sog Gadapan ni Datuꞌ Agrippa

Na tinaluan ni Datuꞌ Agrippa si Pol, “Mogdadi a na moktaluꞌ para sog ginawa-baran nu.” Tubus ininat ni Pol ok komotin bangka nin taluoy og daawa nin, 2 “Datuꞌ Agrippa, miniyatu nong mobais ok sukudu nong motaluꞌ og daawa u sog gadapan nu sog gondow kini pasal sog lam nok tuntut dinakon nong mga Yahudi, 3 poꞌ kiosunan nu og lam nog gaddat bug pogdaawa nong mga Yahudi. Dadi pongonihon ku dinika nog diꞌ a motonop monginongog dinakon. 4 Kosunan da nong mga bangsa og gaddatu tidu pa sok kobikaan ku dituꞌ sog bonuwa u, sampoy nong mikangoyu sog . 5 Miobon nilon na kosunan, bilaꞌ meleg ilon da sumaksiꞌ nong miglokotubuꞌ u mounut sog gaddat , ok kinobingisan nok tumpukan sog agama Yahudi. 6 Ningkomun, dini u sok poghukuman sabap sok pongandol bug pogdodama u song Mogogawon nog jinanjiꞌ nok Tuhan song mga pingapuꞌ ta niyu. 7 Og janjiꞌ koyon, yonin da sop ok pigdodamahan motolimaꞌ ok sopuluꞌ bu duwaꞌ pangkatan nog bangsa ta niyu, dadi moksumba ilon nog ikhlas gobi-gondow. U Datuꞌ, sabap sog dinodamahan ku koyon, tinuntutan ku nong mga Yahudi. 8 Manu kologonan amu ma tumombaꞌ nong mokopotubuꞌ ok Tuhan nong mga minatoy?

9 Sala ginawa u, tinumombaꞌ u sop nok sumboy sumaggaꞌ u tokodoy song mga migunut ni , ok tow kituꞌ. 10 Dadi maꞌ niyon da sop ok piginangu dituꞌ sog Jerusalem. Sabap sok kopatutu nok tidu song mga kounutan nok koimaman, pinirisu u ong modakol nok sukuꞌ ni Isa, bu dangan popatoy na ilon, melegu. 11 Minglinsuwaan ku song mga moniksaꞌ dinilon, bu sinuloyan ku ilon tumogol monglaat ni Isa. Landuꞌ kosolag og dumutu dinilon. Tinuyuku tanan ilon song mga len bangsa bagun mominsanaꞌ dinilon.

12 Saan na mipanowu posunguꞌ sog Damaskus dunut kopatut bug bayaꞌ tidu song mga kounutan nok koimaman. 13 Na sog lotu-ondow, Datuꞌ, mikotongowu nog ligaꞌ tidu sog langit. Mosinag pa tidu sog gondow bu sinumahaya dinakon bu song mga dunutu. 14 Mibuksak ami sog lupaꞌ, bu mikodongogu nok tingog miktaluꞌ dinakon sog bahasa , ‘Sol, Sol, manu pigbinsanaꞌ nu ma akon? Ika da ong mosiksaꞌ bilaꞌ mongatu a dinakon. Mamaꞌ a da nong miksipaꞌ nok suyak.’ 15 Doksuꞌ tinumabalu, taluꞌ u, ‘Sima a buwan, Panghuꞌ?’ Ok tabalin, ‘Akon si Isa, ok pigbinsanaꞌ nu. 16 Pogbuwata, poꞌ ong maksudu mikpotongow dinika bagun pilion ka moimung nok sosuguon bug saksiꞌ u. Pokposampoya nong mga mitongow nu bu mga potongowon ku pa dinika. 17 Awonon ku ika tidu song mga salu bangsa nu bu song mga len bangsa nok pangoyan ku dinika. 18 Bukaon nu ok pongatoyan nilon bagun mokawaꞌ ilon tidu sok kodoloman posunguꞌ song modolag, tidu sok kowasa nog posunguꞌ sok Tuhan. Biyan sok kotombaꞌ nilon dinakon, ampunon og nilon bu moampuꞌ ilon song mga sinutsi nok Tuhan gantaꞌ sakupin.’

19 Dadi Datuꞌ Agrippa, inunutu ok ponontongon kituꞌ tidu sog langit. 20 Minintuluꞌ u moguna sog Damaskus, tubus sog Jerusalem bu sog lam nok kobonuwahan sog , sampoy song mga len bangsa. Pisampoyan ku ilon nok sumboy ilon moktowbat bu mokpuliꞌ sok Tuhan bu monginang nok tumolop sok nilon. 21 Na sabap niyon, sinaggowu nong mga Yahudi dituꞌ sog loma-lomahan sog diyalom bangka nilon bosiya akon patoyoy. 22 Tibuwa, sampoy sog gondow kini, tinabangan ku da nok Tuhan. Saan na dini u sumaksiꞌ song mga tow mokotas bug mokobabaꞌ. Daꞌdun da ok pisampoyu nong matong posunguꞌ luwal song mga pidinsamaꞌ tumaluꞌ nong mga konabihan bu ni Nabi Musa. 23 Pidinsamaꞌ nilon tumaluꞌ nok sumboy mobinsanaꞌ og , bu yanin ong mokuna potubuon tidu sok kopatoy bagun podolagonin ok pikilan nong mga Yahudi sampoy nong mga len bangsa bug ponoy ilon moawon.” 24 Na soliyan ni Pol dumaawa, miktaluꞌ si Pestus nong monamal, “Pol, og bunogon ka, ok kotas nok pongadjiꞌ nu ong mikobunog dinika.” 25 Sugaid ok taluꞌ ni Pol, “Kanaꞌ u og bunogon, Tuwan Pestus, miktaluꞌ u nok kosobonnalan bu taga sene-sabutu. 26 Moluhaya u moktaluꞌ diyon ni Datuꞌ Agrippa poꞌ kiosunanin ok pasal nini. Mitantu u nog daꞌdun song mga sinuksugu kini ong mibuni diyanin poꞌ miinang kini sok kodakolan nok tow. 27 Datuꞌ Agrippa, tinumombaꞌ a taꞌ song mga konabihan? Mitantu u nok tinumombaꞌ a.” 28 Tubus tinaluan ni Agrippa si Pol, “Diꞌ na mobon, mopotombaꞌ nu na akon sog Al-Masih!” 29 Taluꞌ ni Pol, “Bisan mobon atawa modaliꞌ, pongonihon ku sok Tuhan, nok kanaꞌ hadja ika ong moimung nong sog Al-Masih mamaꞌ dinakon, sugaid sampoy og lam nong mikodongog dinakon sog gondow kini. Tibuwa kanaꞌ mamaꞌ dinakon nog inikotan nok kodina.”

30 Doksuꞌ migbuwat siloꞌ Datuꞌ Agrippa, Gubernur Pestus, Bernike bug mga miningkud kituꞌ dunut nilon. 31 Dangan linumuwas ilon, migabit-abit ilon, “Daꞌdun og nok tow koyon nong mopatut patoyon atawa pirisuhon.”

32 Tubus tinaluan ni Agrippa si Pestus, “Bilaꞌ daꞌ da bosiya pogdang ok tow koyon sok sultan nog , mogdadi na yanin poluwason.”