Ginang 23

Na linonglongan ni ong mga bangka yanin poktaluꞌ, “Mga pigilugan, sampoy sog gondow kini pogmuhut-muhutan ku moglokotubuꞌ bagun kosuatan ku nok Tuhan.” 2 Dadi miksuguꞌ ok nok si Ananiyas song mga migindog molani ni Pol nog dapion og babaꞌ in. 3 Tubus tinaluan yanin ni Pol, “Dapion ka da sop nok Tuhan. Mokpotongow-tongowa. Miningkuda diyon bagun hukumon nu akon nong mounut sok saraꞌ, tibuwa dinugtul nu da ok saraꞌ sok pokpodapiꞌ nu dinakon.” 4 Taluꞌ nong mga tow diyon song molani ni Pol, “Sima a nong miktaluꞌ nok sumolap sok kinotasan nog gimam nok Tuhan.” 5 Ok tabal ni Pol, “Daꞌ u kosunoy, mga pigilugan, nog yanin ok kinotasan nog gimam, poꞌ misulat sok Kitab, ‘Sumboy diꞌ a moktaluꞌ nok sumolap sok sima-sima nong migbayaꞌ sok piktowan nu.’ ”

6-8 Kiosunan ni Pol ok sobahagiꞌ nong mga monghuhukum mga bu og len mga . Na ok taluꞌ nong mga Sadduki, daꞌdun ok kotubuꞌ puliꞌ, bu daꞌdun ong bug nyawa. Sugaid ong mga Parisi tinumombaꞌ nog ongon og lam niyon. Dadi miktaluꞌ si Pol nong monamal sok poghukuman koyon, “Mga pigilugan, akon kini, miampuꞌ u sok tumpukan nok Parisi, mamaꞌ nog gommaꞌ u. Soliyan ku kini poghukumon sabap sok pongandol bug pogdodama u nong motubuꞌ puliꞌ ong mga minatoy.”

Na dangan mitaluꞌ in koyon, miongon ok pogdodaawa nong mga Parisi bug mga Sadduki, bu mibahagiꞌ ok tumpukan koyon. 9 Tubus miongon ong mopagas nok pogginapisoy, bu ongon ong mga guru agama nok sakup nong mga Parisi minindog bu limugat tokodoy, “Daꞌdun ong mibalak nami nong molaat sok tow kini. Sunoy ongon og Ruh atawa malaikat ong miktaluꞌ diyanin.”

10 Dangan miglanduꞌ na ok poglugat nilon, miondok ok kounutan nong mga sundalu nok sunoy patoyon nilon si Pol. Dadi sinuguꞌ in ong mga sundalu nog alapon yanin tidu dinilon bu oyiton sok kampu.

11 Poglogobi, mikpotongow ok Panghuꞌ minindog song molani ni Pol bangka poktaluꞌ, “Pol, popagon nu ok pongatoyan nu. Sinaksian nu na akon sog , na sumboy sop saksian nu akon sok siyudad nog .”

Ok Pogisun sok Pokpatoy ni Pol

12 Dangan gondow na, migisun og duma nong mga dunut sapa nog diꞌ ilon kuman bu minum toktob song mopatoy nilon si Pol. 13 Ongon labi pat puluꞌ kotow ong migisun kini nong molaat. 14 Minangoy ilon song mga kounutan nok koimaman bug mga migmokogulang bangka ilon poktaluꞌ, “Sinumapa ami na nog diꞌ ami kuman toktob song mopatoy nami si Pol. 15 Dadi pongonihon nami diniyu bug mga nong maꞌ nini: Posunan niyu ok kounutan nog batalyun nok pangoyon dini si Pol poꞌ ok kolegan niyu sakan yanin pahatul puliꞌ. Sugaid sog diꞌ pa yanin matong diyon diniyu, patoyon nami na yanin.”

16 Na midongog ok pogapaꞌ nilon koyon nok komanak ni Pol, og bataꞌ nog gilugin nog libun. Dadi minangoy yanin sumolod sok kampu bangka nin suksugoy si Pol. 17 Puwas nituꞌ tinawag ni Pol ok solobuk kapitan, bangka nin taluoy, “Oyit nu ok subul kini sok kounutan niyu poꞌ ongon ok taluonin dun.” 18 Dadi inoyitin ok subul koyon dituꞌ sok kounutan nong mga sundalu bangka poktaluꞌ, “Tinawagu nong mipirisu kituꞌ nok si Pol bu pingoni nin nog oyiton dinika ok subul kini, poꞌ ongon ok taluonin.”

19 Na inambit nok kounutan nok sundalu ok subul koyon bangka ilon angoy sok kilid-kilid bangka nin sakoy nog ilon-ilon da, “Olo ok taluon nu dinakon?” 20 Taluꞌ nok subul, “Kipogisunan nong mga Yahudi nok pongonihon nilon dinika nog oyiton nu si Pol sok poghukuman nilon lomaꞌ. Baluꞌ-baluꞌ sakan nilon yanin nong mahatul. 21 Sugaid sumboy diꞌ nu kumboyon dinilon poꞌ ongon labi pat puluꞌ kotow ong mogapaꞌ diyanin. Ong mga tow koyon sinumapa nog diꞌ ilon kuman bu minum sog bon nog diꞌ nilon mopatoy si Pol. Miktogama na ilon bu migbagad nok kumboyon nu si Pol mangoy dituꞌ dinilon.” 22 Taluꞌ nok kounutan, “Diꞌ a moksuksug sog bisan sima nok piosunan nu akon nini.” Tubus piuliꞌ in na ok subul.

Piatod si dituꞌ ni Gubernur Piliks

23 Doksuꞌ tinawag nok kounutan og duwaꞌ kotow kapitanin bangka nin taluoy, “Sog lisag siyam nog gobi, togama niyu asal og duwaꞌ gatus kotow sundalu bagun mangoy sog bonuwa Sesareya. Podunut niyu sop ok pitu puluꞌ sundalu mokkudaꞌ bu duwaꞌ gatus kotow polobudjak. 24 Bogoyan niyu sop si Pol nok kopongudaanin, bu potubudoy niyu yanin mogoyit dituꞌ ni Gubernur Piliks.” 25 Tubus miksulat ok kounutan, taluꞌ in,

26 “Salam tuwan Gubernur Piliks,

Ong mikpoyit nok sulat kini, si Kalawdi Lisiyas.

27 Ok tow kini sinaggow nong mga tow Yahudi bu posunguꞌ na nilon patoyon. Minangoyu dituꞌ dunut mga sundalu u, bu dangan kiosunan ku nok sakup yanin nog , tinabangan ku yanin. 28 Sabap sok kolegan ku kosunan bug manu sinumbung nilon yanin, inoyitu yanin sok poghukuman nilon. 29 Na kiosunan ku nok sinumbung nilon yanin pasal da song mga sak sok saraꞌ nilon. Sugaid daꞌdun ok sumbungan diyanin nong mopatut yanin patoyon dun atawa pirisuhon. 30 Dangan kiposunan ku nog ongon ong mga moksipi mokpatoy sok tow koyon, piangoyu yanin mogdayun dinika. Suguan ku da sop ong mga miksumbung diyanin nong mangoy ilon moktaluꞌ sog gadapan nu bug olo ok tuntuton nilon dun.

Wassalam.”

31 Dadi inunutan nong mga sundalu ok suguan nok kounutan dinilon. Inalap nilon si Pol bangka nilon oyitoy sog gobi nituꞌ, sampoy nong mikosaut sog bonuwa Antipatris. 32 Na dangan gondow na, mikpuliꞌ sok kampu ong mga duma nok sundalu. Ong mga mikkudaꞌ da ong migdayun mogatod ni Pol. 33 Pogdatong nilon sok Sesareya, miposampoy nilon na ok sulat sog gubernur, bu inuwakil nilon na si Pol diyanin. 34 Doksuꞌ in bastahoy ok sulat, sinakanin si Pol bug ayin og bonuwa nin. Dangan kiosunanin nok tidu si Pol sok Silisiya, 35 miktaluꞌ yanin, “Inongogan ku ika pogdatong nong mga miksumbung dinika.” Tubus miksuguꞌ yanin nog ipaton si Pol sog gastanaꞌ ni Datuꞌ Herod.