Ginang 22

Taluꞌ ni , “Mga mokogulangu bug mga pigilugan ku, inongogoy niyu og daawa u.” 2 Pogdongog nong mga tow nong miktaluꞌ yanin sog bahasa , daꞌ ilon poglogonek, bu pidayun na ni Pol ok taluꞌ in. 3 “Akon kini solobuk Yahudi, binataꞌ sok Tarsus sog bonuwa Silisiya. Tibuwa sinumolagu dini sog bu solobuku mulid ni . Dituꞌ u tokodoy diyanin kipongadjian ok saraꞌ nong mga mokogulang ta niyu. Bu mamaꞌ nog lam niyu sog waktu kini, motuyuꞌ u da sop tokodoy momologbog sok suguan nok Tuhan. 4 Pigbinsanaꞌ u ong mga tow nong mogogunut ni Isa. Pinaggowu ilon libun-laki bangka u ilon pirisuhoy, bu ongon ok pipatoyu. 5 Ok bug lam nong mikosaksiꞌ nong motud ok tinaluꞌ u koyon. Poꞌ ilon ong miksulat bagun posunan ong mga sog Damaskus nok taga kopatutu sumaggow song mga mogogunut ni Isa dituꞌ. Saan na minangoyu sog Damaskus bagun ponaggowon ku ilon bu oyiton dini puliꞌ sog Jerusalem bangka binasahoy.

6 Dangan mipanowu na bu mikkolani u na sog Damaskus, sog daliꞌ-daliꞌ na lotu-ondow, sunoy pa ongon ong mosolag nog ligaꞌ tidu sog langit nok sinumahaya dinakon. 7 Na mibuksaku sog lupaꞌ bu mikodongogu nok tingog miktaluꞌ dinakon, ‘Sol, Sol, manu pigbinsanaꞌ nu ma akon?’ 8 Miksaku, ‘Sima a buwan, Panghuꞌ?’ Tinaluanin akon, ‘Akon si Isa, taga , ok pigbinsanaꞌ nu.’

9 Na ong mga dunutu kituꞌ, mitongow nilon ok , sugaid daꞌ nilon kodongog ok tingog nong migabit-abit dinakon. 10 Tubus miksaku, ‘Olo ok sumboy inangon ku, Panghuꞌ?’ Tinaluan ku nok Panghuꞌ, ‘Pogbuwata bangka a pogdayun sog Damaskus, dituꞌ a taluan nog lam nog ginantaꞌ inangon nu.’

11 Na dangan diꞌ u na mokotongow sabap sog ligaꞌ nok sinumahaya dinakon, inambitu nong mga dunutu kituꞌ, bu minatong ami sog Damaskus.

12 Ongon ok tow dituꞌ ngalanin Ananiyas. Moammal yanin, bu binologboganin ong mga saraꞌ ta. Pigaddatan sop yanin nong mga Yahudi nong migonong dituꞌ. 13 Minangoy yanin dinakon bangka indog song molani u, taluꞌ in, ‘Sol, gilugu, mokotongowa na puliꞌ.’ Sododuun kiulian ok ponontongu bu mitongowu yanin. 14 Tubus taluꞌ in, ‘Ok Tuhan nong mga pingapuꞌ ta, piniliꞌ in ika bagun kosunan nu ok koleganin bu motongow nu ong Mologdong, yonin na si Isa, bu modongog nu ok suwara nin. 15 Poꞌ moimunga nok saksiꞌ in sog lam nok tow pasal olo ong mitongow bu midongog nu. 16 Na olo pa og binagadan nu? Pogbuwata na bu sabbut nu ok bangka a poliguoy bagun moampun ong mga nu.’

17 Dangan minuliꞌ u sog Jerusalem, ongon og waktu nong mingoni-ngoni u sog . Na kibolongan ku nok sayu, 18 bu mitongowu ok Panghuꞌ miktaluꞌ dinakon, ‘Pogdaliꞌ a mawaꞌ sog Jerusalem, poꞌ diꞌ tolimaon nong mga tow dini ok koponaksiꞌ nu pasal dinakon.’ 19 Sugaid ok tabalu, ‘U Panghuꞌ, asal da kiosunan nilon nok sinolodu og lam nok poksumbahan nong mga Yahudi bagun pirisuhon bu lamboton ok sosuku nok tinumombaꞌ dinika. 20 Bu dangan pinatoy ok saksiꞌ nu kituꞌ nok si Istepan, dituꞌ u da sop bu kisuatan ku sok kopatoyin, bu inipatu og juba nong mga mikpatoy kituꞌ diyanin.’ 21 Tibuwa taluꞌ nok Panghuꞌ dinakon, ‘Panowa na, poꞌ pangoyon ku ika song molayuꞌ dituꞌ song mga len bangsa.’ ”

22 Na minginongog ong mga tow toktob sok tinaluꞌ in koyon, doksuꞌ migekesan ilon, bu taluꞌ nilon, “Awaon sog dunya ong maꞌ niyon nok tow poꞌ diꞌ na yanin tolopon motubuꞌ!” 23 Soliyan nilon mogekesan, piglabad-labad nilon ong mga ponapot nilon, bu piksibwag nilon og bogombun sok tas kobalan nog lingit nilon.

24 Miksuguꞌ ok kounutan koyon nog oyiton si Pol sok kampu. Miksagda da sop yanin nog lakposon bu sakan bug manu migekesan nong maꞌ nituꞌ ong mga tow diyanin. 25 Sugaid dangan kiikotan nilon na si Pol bagun lakposon, tinaluanin ok solobuk kapitan nog diyon, “Bilaꞌ ika, mosugat taꞌ sok saraꞌ nog bangsa nog lakposon ok tow nok sakupin bisan ondaꞌ hukumoy poguna?”

26 Dangan midongog kituꞌ nok kapitan, minangoy yanin sok kounutan nilon bangka poktaluꞌ, “Olo og inangon nu, poꞌ ok tow kini, sakup ma nog Rum?” 27 Dadi minangoy ok kounutan dituꞌ ni Pol bangka nin sakoy, “Taluan nu akon, ok sakupa taꞌ nog Rum?” Ok sambung ni Pol, “Oo.” 28 Taluꞌ nok kounutan, “Modakol ong migastu u bagun moimungu hadja nok sakup nog Rum.” Tinumabal si Pol, “Sugaid akon, sakupu na nog bonuwa Rum tidu pa sok kobataꞌ dinakon.”

29 Dadi ong mga moksumoriya bosiya kituꞌ diyanin, mikpolayuꞌ mogdayun. Miondok da sop ok kounutan koyon, poꞌ kiosunanin na nok si Pol sakup ma taꞌ nog Rum, sokaliꞌ piikotanin.

Og Daawa ni sok Poghukuman

30 Poglomaꞌ, piluwas soliyan nok kounutan nog batalyun si Pol pagga meleg yanin kosunan bug manu sinumbung si Pol nong mga Yahudi. Sinuguꞌ in moglimud ong mga kounutan nok koimaman bu og lam nong . Doksuꞌ inoyitin sog gadapan nilon si Pol.