Ginang 19

Si sok Siyudad nog Epesus

Na soliyan ni Apollos dituꞌ sok , miniyan si Pol sok kobukidan nok Pirigiya bu minatong sog Epesus. Mibalakin dituꞌ og duma nong mga mulid. 2 Sinakanin ilon, taluꞌ in, “Mitabuk niyu taꞌ og dangan timombaꞌ amu?” Ok tabal nilon, “Ondaꞌ! Ondaꞌ nami tanan kosunoy nog ongon og Ruh nok Tuhan.” 3 Taluꞌ ni Pol, “Ponoy buwan ok pogliguꞌ diniyu?” Ok tabal nilon, “Ok pogliguꞌ ni Yahiya.” 4 Taluꞌ sop ni Pol, “Ok pokpongliguꞌ ni Yahiya, liguꞌ towbat. Sugaid tinaluanin da sop ong mga tow nok sumboy tumombaꞌ ilon sok sumunuꞌ diyanin, yonin na si Isa.” 5 Midongog nilon hadja koyon, liniguꞌ ilon song ngalan ni . 6 Dangan dinoponan ilon ni Pol, sinumolod dinilon og Ruh nok Tuhan. Miktaluꞌ ilon nog len-len bahasa, bu pisampoy nilon ok taluꞌ nok piponog dinilon nok Tuhan. 7 Mga sopuluꞌ bu duwaꞌ kotow ilon kotanan.

8 Tubus niyon, minangoy si Pol sog nong mga mognasihat. Sog bon nok tolu bulan, mikposampoy yanin diyon nong motowakkal. Mikopoglugat yanin, bu pisabutanin ilon pasal sok bagun moyitin ilon mampuꞌ dun biyan sok kotombaꞌ ni . 9 Tibuwa migmotogas og duma diyon, bu tinumolikud ilon sok pononduꞌ in. Dadi dangan miktaluꞌ ilon nong molaat sok kodakolan nok tow pasal sog dalan nok posunguꞌ sok Tuhan, ginonatan ilon ni Pol. Inoyitin ong mga mulid, bu minglugat pa yanin gondow-gondow sog giskulan ni Tirannus. 10 Midopot koyon duwaꞌ tahun boyaan og lam nong migonong sog nong mga Yahudi bug Kanaꞌ Yahudi, mikodongog nok Parman nok Tuhan pasal ni Panghuꞌ Isa.

Ong mga Gumbataꞌ ni Eskeba

11 Na modakol ong mga ginang nong mokosobuꞌ-sobuꞌ nog ininang nok Tuhan pibiyan ni . 12 Bisan ong mga panyuꞌ atawa mga tapis nong mikikapin bangka koyit song mga misaki, kulian ilon dun, bu mawaꞌ ong mga soytan sog lawas nilon.

13-14 Na ongon ong mga Yahudi migdundahan momugow nong mga soytan. Sinuloyan nilon sabbuton ong ngalan nok song mga tow nok sinolodan kituꞌ. Mamaꞌ niyon da sop og ininang nok pitu kotow bataꞌ nok solokotow Yahudi ngalanin si Eskeba. Si Eskeba kini, og mosolag. Dadi taluꞌ nog gumbataꞌ ni Eskeba sok soytan, “Song ngalan ni Isa, ok pignasihat ni Pol, awaꞌ a.” 15 Tibuwa taluꞌ nok soytan dinilon, “Kosunan ku si Isa, bu kindanan ku da sop si Pol, sugaid amu, sima amu?”

16 Linudoy bu linanog ok pitu kotow kituꞌ nok tow nok sinolodan nok soytan, bu dinagin ilon. Saan na minggobok ilon lumuwas, bu kilobasan ilon dunut gangol pa.

17 Na kiosunan koyon nog lam nong migonong sog , mga Yahudi bug mga len bangsa. Dadi sinolod ilon nog gondok, bu pigaddatan tokodoy ong ngalan ni Panghuꞌ Isa. 18 Modakol da sop ong mga nong minangkon sok kodakolan nong mga kokohinang nilon nong molaat. 19 Ongon sop ong mga bakas pologayd nong migoyit nong mga kitab-kitab nilon bangka nilon doksuloy sok kodakolan. Dangan binista nilon og lam niyon, sinumaut lima puluꞌ ngibu tibuk silber og halgaꞌ in. 20 Dadi sok kibiyan-biyanan koyon, pitongow nok Tuhan ok kowasa nin. Saan na mikanat ok suksugan pasal sok Panghuꞌ, bu migdodungag ok tinumombaꞌ diyanin.

Ok Sasow sog Epesus

21 Pokpuwas niyon, mikohukum si nong miyan song Makedonya bug posunguꞌ sog , taluꞌ in, “Doksuꞌ u dituꞌ, sumboyu sop mangoy sog .” 22 Dadi piuna nin song Makedonya og duwaꞌ kotow song mga tinumabang diyanin, yonin na si bug si Erastus. Tibuwa mikpobagak pa yanin soliyan-soliyan sog .

23 Na sog waktu koyon, miongon ong mosolag nok sasow pasal sog dalan nok posunguꞌ sok Tuhan mamaꞌ nok ponintuluꞌ ni Isa.

24 Ongon ok tow polononsal nok , ong ngalanin Dimitri. Mokpononsal yanin nong mokobikaꞌ nog baloy-baloy silber poksumbahan sok tuhan-tuhan nilon nok si , bu mikobogoy yanin nong mosolag nog gusaha song mga polononsal. 25 Dadi linimudin ong mga polononsal koyon, dunut nong mga tow nog batuk gusaha nilon, bu taluꞌ in, “Mga pali, kiosunan niyu nong mokosin ita niyu tidu sok pongusaha kini. 26 Mitongow bu midongog niyu og ininang ni Pol koyon. Miktaluꞌ yanin nog ong mga tuhan-tuhan nog inimung nok tow, kanaꞌ dow motud. Bu modakol na ok tow nong mipotombaꞌ in kanaꞌ hadja sog Epesus kini, sugaid sampoy sok koliwagan nog . 27 Dadi sunoy kanaꞌ hadja ok pongusaha ta kini ong moglaat og dongoganin, sugaid sampoy si Artemis ong mosolag nok tuhan ta, kobolongan na nog halgaꞌ og baloyin. Bu sunoy ok tuhan ta kini nok piksumba sog lam nog bonuwa sog Bataꞌ-bataꞌ Asiya bu sog dunya, mokawaꞌ pa sok kotasin.”

28 Dangan midongog nilon koyon, milingit ilon tokodoy bangka ilon pogekes, “Motas si Artemis, ok tuhan nong mga tow Epesus!”

29 Dadi misasow ok siyudad, bu minggobok ilon posunguꞌ sok poglumpukan nok tow. Si Gayus bug Aristarkus, ong mga tow Makedonya nog dunut ni Pol sok popanowan, sinaggow nilon bangka nilon oyitoy dituꞌ sok poglumpukan nilon koyon. 30 Meleg bosiya si Pol mangoy sok tumpukan koyon, sugaid pigondian yanin nong mga mulid ni Isa. 31 Bisan ong mga supali ni Pol nok taga sog bonuwa koyon, mikpoyit da nok pomilin diyanin, bu pingoni nilon tokodoy nog diꞌ yanin mangoy sok poglumpukan koyon.

32 Sog waktu koyon, miglibug ok tumpukan nong mga tow, dadi miglosikan ilon, sugaid miglen-len ok poglosik nilon. Ok kodakolan nilon daꞌ tanan pokosayu manu miglumpuk ma ilon. 33 Dadi tinogol nong mga Yahudi ok solobuk tow, ong ngalanin Aleksander, mangoy sog gunahan mokposampoy sok kodakolan nok tow. Sininyasin ok komotin bagun diꞌ moglimut ong mga tow, bu bagunin mopodolag dinilon ok kobotang-botang koyon. 34 Tibuwa dangan kiosunan nong mga tow nog Yahudi yanin, migekesan ilon sog duwaꞌ oras, “Motas si Artemis, ok tuhan nong mga tow Epesus!”

35 Pogobon-obon mipolotaꞌ da nok solobuk kounutan nilon ong mga tow miglimut. Miktaluꞌ yanin, “Mga piktowan sog Epesus! Sima buwan og daꞌ pokokosun nong mogogipat ok siyudad ta nog baloy ni Artemis, ong motas nok tuhan ta? Inipat ta da sop og bayuꞌ-bayuꞌ in nog batu mosutsi nong milabuꞌ tidu sog langit. 36 Na pagga diꞌ da koyon kopoliluhan, sumboy mokpotonaꞌ amu bu diꞌ amu motopak. 37 Inoyit niyu ong mga tow kini dini nog daꞌ tanan ilon ponakow sok poksumbahan ta, bu daꞌ ilon pogunda-unda sok tuhan ta niyu. 38 Dadi bilaꞌ ongon og dangaton ni Dimitri bug mga duma nin nok polononsal, bukaꞌ da ok poghukuman, bu ongon ong mga humusoy. Potiyangoy niyu ilon mogoyit nok sumbungan nilon diyon. 39 Tibuwa bilaꞌ ongon pa muwal ok sumbungan niyu, husoyon ta sok kilayaman ta nok poglimudan dunut nong mga bogollal. 40 Ong motudin, sunoy motaksil ita sok sasow sog gondow kini. Bilaꞌ maꞌ nituꞌ, daꞌdun ong modaawa ta, poꞌ daꞌdun ok sabapan dun.”

41 Na pogdoksuꞌ in moktaluꞌ, piuliꞌ in na og lumpukan koyon.