Ginang 18

Si Pol sok Siyudad nok Kurintu

Tubus nituꞌ ginonatan ni og Aten bangka yanin angoy sok siyudad Kurintu. 2 Mibalakin diyon ok solobuk Yahudi, ok tow Pontus, ong ngalanin Akila, dunut nog libunin nok si Prisila. Bogu ilon da minatong tidu sog bonuwa Italya, poꞌ sinuguꞌ ni Sultan Kalawdi ong mga nog gonatan nilon ok siyudad nog . Dadi minangoy si Pol diyon niloꞌ Akila. 3 Pagga batuk ma ilon nok kopandoyan mogimung nok tulda, na migonong yanin dinilon bu miginang dunut nilon. 4 Kada migisun-isun yanin dunut mga tow sog , bu pigmuhut-muhutanin potombaon ong mga Yahudi bug .

5 Dangan minatong na si bug tidu song Makedonya, tinipot na ni Pol og waktu nin sok pognasihat. Sinaksianin song mga Yahudi nok si Isa og , ok Piniliꞌ nok Tuhan. 6 Tibuwa dangan sinumaggaꞌ ilon bu migunda-unda diyanin, pinokpugan ni Pol ok ponapotin ok tandaꞌ nog diꞌ na nilon yanin kotuntutan, bu taluꞌ in dinilon, “Bilaꞌ siksaon amu nok Tuhan, daꞌdun na og labutu dun. Bayaꞌ-bayaꞌ niyu na. Tidu ningkomun, posampoyon ku ong song mga len bangsa.”

7 Doksuꞌ niyon minawaꞌ si Pol sog baloy poksumbahan, bangka angoy sok tow nong migogondok sok Tuhan, ong ngalanin si Titus Yustus. Og baloyin, mikkilani da bug poksumbahan.

8 Na ongon ok kounutan sog baloy poksumbahan koyon, ong ngalanin Krispus, nok tinumombaꞌ na sok sampoy ong mga gampuꞌ baloyin. Modakol pa sop ong mga taga Kurintu nong mikodongog ni Pol bangka tombaꞌ bu liniguꞌ.

9 Ongon solobuk gobi miktaluꞌ ok Panghuꞌ dituꞌ ni Pol sok ponontongon, longin, “Diꞌ a mondok! Bu diꞌ a lumotaꞌ mokposampoy, 10 poꞌ diꞌ u ika potiyangan. Daꞌdun ong mokobinasa dinika dini poꞌ modakol ok tow sok siyudad kini nok tinumombaꞌ dinakon.”

11 Dadi migonong yanin diyon sotahun bu tongaꞌ, bu pinintuluꞌ in dinilon ok Parman nok Tuhan.

12 Sugaid dangan si Galliyo na ong miimung nog gubernur sog bonuwa , miksolobuk ong mga Yahudi sumaggow ni Pol bangka nilon oyitoy sok poghukuman. 13 Ok sumbungan nilon, “Ok tow kini, mokpongoyit nong mga tow sumumba sok Tuhan, sugaid ok poksumba nilon dun dumugtul sok saraꞌ nami.” 14 Dangan moktaluꞌ na bosiya si Pol, tinaluan ni Galliyo ong mga Yahudi, “Amu mga Yahudi, bilaꞌ sabap koyon song molaat nog ginang, atawa taga ok tow kini sok parinta, ongon bosiya ok sabapan nog inongogan ku ok sumbungan niyu. 15 Tibuwa pagga ong mga sumbungan koyon pasal da song mga taluꞌ, mga ngalan bug saraꞌ niyu, amu-amu na ong moglukung humusoy dun. Ondiꞌ u humukum niyon.” 16 Doksuꞌ piawaꞌ in ilon sok poghukuman. 17 Sugaid sinaggow nog lam nilon ok kounutan sog baloy poksumbahan, ong ngalanin si Sostenes, bangka nilon lambotoy sog gadapan nok poghukuman. Tibuwa daꞌ da koyon maling-malingoy ni Galliyo.

Ok Pokpuliꞌ ni sog Antiyok

18 Pogdoksuꞌ niyon, migonong pa si Pol nong mobon-obon diyon. Tubus mimuhun na yanin song mga pigilugan bangka gonat poꞌ koleganin mangoy sok Siriya. Migunut sop diyanin si Prisila bu si Akila bu miyan ilon sok Kinkiriya monontong nok kappal. Na sog daꞌ pa ilon poglayag tidu sok Kinkiriya, miktukung si Pol nog bukin, poꞌ ongon ok somayaꞌ in sok Tuhan.

19-21 Pogdatong nilon sog bonuwa , minangoy si Pol sog bangka nin lugatoy ong mga Yahudi. Dangan midongog nilon ok posampoyin, mingoni ilon nog lumihan pa yanin diyon nong mobon-obon, sugaid daꞌ yanin koleg. Dadi mimuhun na yanin, taluꞌ in, “Mokpuliꞌ u da diniyu, bilaꞌ meleg ok Tuhan.” Tubus miglayag na si Pol tidu sog Epesus, bu binagakin siloꞌ Prisila bug Akila diyon.

22 Pogdongguꞌ nilon sok Sesareya, tinumukad yanin sog bangka nin tibowoy ong mga sog diyon. Doksuꞌ migdayun yanin posunguꞌ sog . 23 Dangan miobon-obon na yanin diyon, ginumonat yanin bangka angoy sog len-len bonuwa nok sakup nog bug Pirigiya. Pipagonin ok pongandol nong mga mulid diyon.

24 Sog waktu niyon ongon ok tow Yahudi mikangoy diyon sog Epesus, ngalanin Apollos. Binataꞌ yanin sog bonuwa Aleksandriya song . Motas ok pongadjiꞌ in, bu mopandoy yanin song mga Kitab. 25 Bakas na yanin kitonduan nok pasal sog dalan nok Panghuꞌ. Motuyuꞌ yanin moktaluꞌ bu monintuluꞌ nong mologdong pasal ni Isa bisan ok kiosunanin pasal da sok pokpongliguꞌ ni Yahiya. 26 Miktagnaꞌ yanin moktaluꞌ nong motowakkal dituꞌ sog baloy poksumbahan. Sugaid dangan midongog yanin ni Prisila bug Akila, pidunut nilon yanin bangka nilon potampaloy dun og duma pasal ni Isa, bug ponoy ok nok Tuhan song mga manusiyaꞌ.

27 Tubus nituꞌ meleg si Apollos moglayag tumolipag sog bonuwa . Dadi pipagon nong mga pigilugan ok pongatoyanin sog legin kituꞌ, bu sinulatan nilon ong mga mulid sog Akaya nok tolimaon yanin. Pogdatongin, mosolag ong mitabangin song mga tow nok tinumombaꞌ ni Isa biyan sok nok Tuhan. 28 Dinagin saan ong mga Yahudi moglugat sok kodakolan biyan sok pokpomotudin song mga Kitab, nok si Isa og , ok piniliꞌ nok Tuhan.