Ginang 15

Ok Pogisun sog Jerusalem

Na ongon ong mga tow nong minatong sog tidu sog , bangka ponintuluꞌ song mga , taluꞌ nilon, “Bilaꞌ diꞌ amu mamaꞌ na nog gaddat tidu ni Nabi Musa, diꞌ amu moawon.” 2 Tubus migdaawa bu miglugat tokodoy siloꞌ bug song mga tow koyon. Dadi mipiliꞌ nong mga moktotombaꞌ sog Antiyok si Pol bug Barnabas bug duma pa nong mangoy sog Jerusalem dituꞌ song mga bug mga migmokogulang pasal sok parkalaꞌ koyon.

3 Doksuꞌ pipanow na ilon nog nong mga moktotombaꞌ, bu miniyan ilon sok Ponikiya bug . Sinuksug nilon song mga moktotombaꞌ diyon nog ongon na ong mga tow nok tinumombaꞌ ni Isa. Dadi binogoyan nilon ong mga pigilugan diyon nong mosolag nog loliyag. 4 Pogdatong niloꞌ Pol sog Jerusalem, tinolimaꞌ ilon nog jomaa, mga mokpoposampoy bug mga migmokogulang, bu piosun niloꞌ Pol og lam nog ininang nok Tuhan biyan dinilon. 5 Sugaid ongon og duma nong mga moktotombaꞌ nong misakup song mga , minindog ilon bangka poktaluꞌ, “Sumboy ong mga kanaꞌ Yahudi nong moktotombaꞌ, bu suguon ilon mogunut sok saraꞌ ni Nabi Musa.”

6 Na miglimud ong mga mokpoposampoy bug mga migmokogulang bagun pogisunan ok pasal niyon. 7 Pogobon-obon nok pogisun nilon, minindog si bangka poktaluꞌ dinilon, “Mga pigilugan, kiosunan niyu nok piniliꞌ u nok Tuhan tagnaꞌ tidu diniyu bagun posampoyon ong song mga kanaꞌ Yahudi supaya ilon tumombaꞌ. 8 Ok Tuhan ong mikokosun nok pongatoyan, sinaksianin ilon biyan sog ginangin, poꞌ binogoyanin ilon nog mamaꞌ dinita. 9 Bu daꞌdun ok pigbiddaꞌ in dinita bu dinilon, poꞌ biyan sok kotombaꞌ sinutsi nin da sop ok pongatoyan nilon. 10 Dadi manu sumaggaꞌ amu pa ma sok kolegan nok Tuhan? Manu pologonon niyu pa ma ong mga len bangsa nong migunut sog biyanan sok pokpoinang niyu dinilon sok suguan ni Nabi Musa. Sokaliꞌ bisan ita kini bug mga mokogulang ta kituꞌ, diꞌ da mokotatas monginang dun. 11 Tibuwa ita kini, tinumombaꞌ ita nong moawon ita biyan sok nok , mamaꞌ da sop dinilon.”

12 Na daꞌ poglogonek ong mga miglimud koyon. Minginongog ilon ni Barnabas bug Pol dangan sinuksug nilon ok pasal song mga mokosobuꞌ-sobuꞌ nog ininang nok Tuhan song mga len bangsa biyan dinilon. 13 Pogdoksuꞌ nilon moktaluꞌ, sinumukli si Yaꞌkub, taluꞌ in, “Mga pigilugan, ponginongog amu dinakon. 14 Sinuksugan ita niyu na ni Simon Petros pasal sok tolipunan nok pokpotongow nok Tuhan ok kololatin song mga len bangsa bagun malap da sop tidu dinilon ok piktowanin. 15 Bu sinumugat koyon sok tinaluꞌ nok Tuhan biyan song mga konabihan masa tagnaꞌ, mamaꞌ na nong misulat,

16 ‘Pogdoksuꞌ nini mokpuliꞌ u da, bu poongonon ku puliꞌ ok kopoksultan ni nong miladak na, pohatulan ku bu pindogon ku pa puliꞌ. 17 Inangon ku kini bagun ponontongon ku nong mga len bangsa, ok kotanan nok kanaꞌ Yahudi nog onggaton ku da sop moimung nok sukuꞌ u.’ 18 Yonin kini ok taluꞌ nok Tuhan, ong mikposun nog lam nini tidu pa tagnaꞌ.”

19 Tubus pidayun ni Yaꞌkub ok taluꞌ in, “Saan na mikohukumu nog ondiꞌ ta sumboy pologonon ong mga len bangsa kituꞌ nong miktowbat bangka pogunut sok Tuhan. 20 Sugaid sulatan ta ilon nog hallian nilon ong mga kan nong miharam poꞌ asal inuwakil song mga tuhan-tuhan. Hallian nilon sop ok pogjina, og binatang nong milongok bug duguꞌ, 21 poꞌ ok saraꞌ kini nok piponog diyon ni Nabi Musa, tidu pa sok tagnaꞌ nok pangkatan, pognasihaton na sok sosuku nok siyudad, bu pogbastahon song mga kada Sabtuꞌ.”

Ok Sulat nok Pinoyit song mga

22 Dadi miksolobuk ok pikilan nong mga ni , mga migmokogulang dinilon bug lam nong mga sog . Mikohukum ilon nong mobais momiliꞌ nok tow nog podunuton niloꞌ bu ni mangoy sog . Ong mipiliꞌ nilon si bu si Yudas nok poktawagon da sop nog Barsabbas. Og duwaꞌ kotow kini kounutan da sop sog jomaa nilon. 23 Pinoyit nilon ok sulat nong maꞌ nini ok taluꞌ in,

“Ok sulat kini, tidu song mga mokpoposampoy bug mga migmokogulang, ong mga pigilugan niyu sog . Sinulat kini para song mga moktotombaꞌ ni Isa nog len bangsa sog bonuwa , Siriya bug Silisiya.

Salam diniyu kotanan!

24 Midongog nami nog ongon ong mga tow nok tidu dini dinami ong minangoy diyon diniyu bangka nilon sasowoy ok pikilan niyu. Ong mga tow koyon, ondaꞌ nami suguoy mokposampoy nong mamaꞌ niyon. 25 Dadi kipogisunan nami nong mobais nong momiliꞌ ami nong mga tow bangka nami pangoyoy diniyu dunut nong mga kolasahan nami nok siloꞌ Barnabas bug Pol. 26 Ilon koyon, piglillaꞌ nilon ok kotubuꞌ nilon para song ngalan nok Panghuꞌ ta niyu . 27 Dadi piangoy nami diniyu si Yudas bug si Silas bagun posampoyon diniyu bug olo ok kipogisunan nami sok sulat kini.

28 Miksolobuk ami sok kolegan nog nog diꞌ amu pobogatan nog inangon niyu, luwal hadja song mga suguan nok sumboy inangon. 29 Hallian niyu ong mga kan nog asal inuwakil song mga tuhan-tuhan bug duguꞌ, og binatang nong milongok bug pogjina. Bilaꞌ hallian niyu koyon, mokobais koyon diniyu.

Wassalam!”

30 Doksuꞌ pipanow na ilon, dinumiksun ilon posunguꞌ sog Antiyok. Pogdatong nilon, linimud nilon og , bangka nilon posampoyoy ok sulat. 31 Pogbasta nong mga moktotombaꞌ dun, linoliyag ilon bu linumasig ok pongatoyan nilon.

32 Na si Yudas bu si Silas kini, ong mga . Piogot bu pilasig nilon ok kotombaꞌ nong mga moktotombaꞌ biyan song mobon nok ponaluon nilon. 33 Dangan mikosaut ilon nok sanu-sanu ondow dituꞌ, pingoni-ngonihan ilon nong mga mogogunut sog Al-Masih nog bogoyan ilon nok kosannangan nok Tuhan bangka pa ilon kumboyon mokpuliꞌ song mga miksuguꞌ dinilon. 34 Tibuwa, si Silas ok koleganin mokpobagak diyon.

35 Na si Pol bug Barnabas, mikpobagak da sog Antiyok, pinintuluꞌ bu pignasihat nilon ok Parman nok Tuhan dunut nog duma nong modakol.

Ok Poksuwoy niloꞌ bug Barnabas

36 Dangan nong miobon-obon na, tinaluan ni Pol si Barnabas, “Alung, mokpuliꞌ ita song mga bonuwa nog bakas pisampoyan ta nok Parman nok Tuhan, poꞌ tontongon ta bug moolo-olo na ilon.”

37 Ok kolegan ni Barnabas, podunuton nilon si Yahiya nok poktawagon nong . 38 Tibuwa diꞌ meleg si Pol nok podunuton yanin, poꞌ pitiyanganin ilon tagnaꞌ sok Pampilya. Ondaꞌ yanin pogunut dumoksuꞌ nog ginang nilon. 39 Na miongon ok pogdaawa nilon boyaan miksuwoy ilon. Pidunut ni Barnabas si Markus bangka ilon poglayag posunguꞌ sok puluꞌ nok Kipros. 40 Sugaid si Pol, piniliꞌ in si bangka ilon gonat. Sog daꞌ pa ilon panow, inuwakil ilon nong mga pigilugan sok Tuhan. 41 Tubus minangoy ilon sok Siriya bug Silisiya. Piogot nilon ayin-ayin ok pongandol nong mga ni .