Ginang 13

Piniliꞌ nog si bu si Mokposampoy

Na sog nog sog , ongon dinilon ong mga bug mga guru, ilon kini siloꞌ Barnabas, Simeon nok poktawagon nok si Itom, si Lukiyus nok tow Kirene, si Sol, bu si Manaen nong migdongan sumolag dunut ni Datuꞌ Herod Antipas. 2 Soliyan nilon moksumba sok Tuhan bu mokpuwasa, miktaluꞌ og Ruh nok Tuhan, “Poselen niyu dinakon si Barnabas bu si Sol, poꞌ ongon og wakilon ku poinangon dinilon.” 3 Pogdoksuꞌ nilon mokpuwasa bu mongoni-ngoni dunut pogdopon nilon ni Barnabas bu ni Sol, pipanow nilon na.

Si bu si dituꞌ sok Puluꞌ Kipros

4 Og duwaꞌ kotow kini nok pipanow nog , dinumiksun ilon sog bonuwa Silukiya bangka ilon poglayag posunguꞌ sok puluꞌ Kipros. 5 Pogdatong nilon sog bonuwa Salamis, mikposampoy ilon nok Parman nok Tuhan song mga nog diyon. Pidunut sop nilon si Yahiya bagun tumabang.

6 Dangan miulit nilon na angoyan ok puluꞌ koyon sampoy sog bonuwa Papos, milumpak nilon ok solokotow polohikmat, ok tow Yahudi mikpobaluꞌ-baluꞌ nong nabi, ong ngalanin Bar-Isa. 7 Si Bar-Isa kini, ok ponindog yanin nog gubernur sok Kipros nog iningalanan nok Sirgus Pol, ok tow nok taga kokosun. Dadi pitawag nog gubernur koyon siloꞌ Barnabas bug Sol, poꞌ meleg yanin monginongog nok Parman nok Tuhan. 8 Sugaid ok polohikmat kituꞌ nok si Elyamas, yonin koyon ong ngalan ni Bar-Isa sog bahasa , sinumaggaꞌ yanin dinilon. Pigmuhut-muhutanin polayuon sok kotombaꞌ og gubernur koyon. 9 Na pigbayaan nog Ruh nok Tuhan si Sol nok poktawagon da sop nok Pol. Dadi pidongotanin tumontong ok polohikmat koyon 10 bangka nin taluoy, “A, miponuꞌ a nok pongakkal bug ponipu. Ika og bataꞌ nok soytan, og banta nog lam nok kologdongan. Ondiꞌ a taꞌ lumotaꞌ moglikoꞌ nog dalan mologdong nok Tuhan? 11 Na ningkomun podatongan ka nok Pogbayaꞌ-bayaꞌ nok kobinsanaan, mobuta a soliyan, dadi diꞌ a pa mokotongow nog dolag nog gondow.”

Dadi sododuun gimabun bu migdolom ok ponontong ni Elyamas. Doksuꞌ mingikap yanin nok tow nog umambit dun. 12 Dangan mitongow nog gubernur ok sinumugat ni Elyamas, na misobuꞌ yanin nok pononduꞌ pasal ni , bu sododuun tinumombaꞌ yanin.

Siloꞌ sog Bonuwa nog Antiyok sok Pisidiya^a

13 Tubus miglayag si Pol bug mga kodumahanin tidu sok Papos, bu mikodopot ilon sok siyudad nok Perga sok probinsiya nok Pampilya. Ginonatan na ilon ni Yahiya diyon bangka na yanin pokpuliꞌ sog . 14 Tidu sok Perga, migdayun ilon sog bonuwa nok sakup nog bonuwa Pisidiya. Poggondow Pogogulali yonin na ok Sabtuꞌ, minangoy ilon sog bangka ilon ingkud diyon. 15 Dangan midoksuꞌ na mogbasta nok bug Kitab nok konabihan, tinaluan nong mga kounutan sog baloy poksumbahan siloꞌ Pol, long nilon, “Mga koilugan, bilaꞌ ongon sop ong motaluꞌ niyu nog gantaꞌ ikopagas nok kotombaꞌ nong mga tow, na mogdadi amu mokposampoy.”

16 Dadi minindog si Pol bangka poksinyas nok komotin nong moginongog diyanin, taluꞌ in, “Mga koilugan ku tow bu amu nok kanaꞌ tow Israel nong migogondok sok Tuhan, ponginongog amu dinakon. 17 Ok Tuhan nog bangsa Israel, piniliꞌ in ong mga pingapuꞌ ta niyu, bu inimungin nog bangsa mosolag sog waktu nok pogonong nilon sog bonuwa . Bu biyanan sok kopagas nok kowasa nin, inoyitin ilon lumuwas tidu sog bonuwa koyon. 18 Tiniggolan nok Tuhan og gaddat nilon nong molaton dituꞌ sog sog bon nok pat puluꞌ tahun. 19 Poksaut nilon sok , linadakin ok pitu bangsa sog bonuwa koyon, bu pinusakaꞌ in song mga pingapuꞌ ta og lupaꞌ koyon. 20 Og bon nini, ongon mga pat gatus bu lima puluꞌ tahun tidu sok pogdatong nilon song Misir.

Pogdoksuꞌ nituꞌ binogoyan ilon nok Tuhan nong mga monghuhukum nong moksunud-sunud moglokounutan dinilon sampoy misaut sog waktu ni Nabi . 21 Dangan miobon, mingoni ilon nok tow nong moksultan dinilon. Dadi pipoksultan nok Tuhan dinilon si Saul, og bataꞌ ni Kish, ok ponupuꞌ ni Benhamin. Miksultan yanin sog bon nok pat puluꞌ tahun. 22 Tubus nituꞌ piawaꞌ nok Tuhan si Saul, bangka nin popoksultanoy si dinilon. Ok taluꞌ in pasal dun, ‘Mibalaku diyon ni Daud, og bataꞌ ni Yesse, ok tow nong mosulut sok pongatoyan ku, bu monginang nog lam nok kolegan ku.’

23 Na tidu sok ponupuꞌ ni Sultan Daud, pinoyit nok Tuhan ong Mogogawon nok si Isa, mamaꞌ na nog jinanjiꞌ in. 24 Sog daꞌ pa yanin datong, mignasihat si Nabi Yahiya nok pasal sok pogliguꞌ nok towbat sog lam nok tow Israel. 25 Dangan posunguꞌ na modoksuꞌ ni Yahiya ok piinang diyanin nok Tuhan, miktaluꞌ yanin song mga tow, longin, ‘Olo ong niyat niyu, nog akon na ong mogogawon nok pigbagadan niyu? Kanaꞌ, sugaid sunud yanin dinakon. Diꞌ u tanan tolopon mogubad nog gikot nok tolumpaꞌ in.’ ”

26 Taluꞌ pa ni Pol, “Mga koilugan ku nok ponupuꞌ ni bug mga nong migogondok sok Tuhan, dini dinita niyu pinoyit nok Tuhan ok pokposampoy pasal sok kini. 27 Ong mga tow sog Jerusalem bug mga kounutan nilon, ondaꞌ pokokilala bug sima tokodoy si Isa, bu ondaꞌ nilon sop kosabut ok piktaluꞌ nong mga konabihan pasal diyanin nok pogbastahon kada Gondow nok Pogogulali. Dadi biyan sog hukumon nilon yanin patoyon, miunut nilon ong mga tinaluꞌ nong mga konabihan. 28 Bisan daꞌdun ong motuntut nilon diyanin nong mopatut yanin patoyon dun, pingoni nilon ni Gubernur nok popatoy yanin. 29 Biyan sog ginang nilon koyon, miunut ok kotanan nong misulat sog diyalom nok Kitab pasal ni Isa. Pokpatoyin, inawaꞌ nilon og bangkoyin sok bangka yanin kubuloy. 30 Tibuwa pitubuꞌ yanin puliꞌ nok Tuhan, 31 bu modakol nog gondow mikpotongow yanin song mga dunutin kituꞌ tidu sog posunguꞌ sog Jerusalem. Ilon na ong mga saksiꞌ in ningkomun song mga tow.

32 Dadi pisampoyan nami amu nong kini nog jinanjiꞌ nok Tuhan song mga pingapuꞌ ta niyu. 33 Inunutin dinita nong mga ponupuꞌ nilon og janjiꞌ kituꞌ biyan sok pokpotubuꞌ in puliꞌ ni Isa, mamaꞌ da sop nong misulat sok , sura ikoduwaꞌ, ‘Ika og bataꞌ u, posampoyon ku sog gondow kini nog akon og nu.’ 34 Poꞌ jinanjiꞌ nok Tuhan nok potubuonin puliꞌ si Isa tidu sok kopatoy, bu ondiꞌ yanin moglogoduꞌ, tinaluꞌ in, ‘Bogoyon ku dinika ok sutsi bug kopongandolan nog barakat nog jinanjiꞌ u ni Daud.’ 35 Tinaluꞌ pa tokodoy ni Nabi Daud sok Kitab Jabur, ‘Diꞌ nu dodaꞌ potiyangan moludak ok Solobuk-lobuk Sutsi nu.’ 36 Na kanaꞌ si Daud ok pigbinaan diyon, poꞌ pogdoksuꞌ in inangoy ok suguan nok Tuhan song masa nin, minatoy da yanin bu kinubul song mga pingapuꞌ in bangka koludak. 37 Sugaid ok pitubuꞌ puliꞌ nok Tuhan, daꞌ koludak. 38 Dadi sumboy kosunan niyu mga koilugan, nog biyanan sok solokotow kini pisampoy na diniyu nog ongon na ok koampunan nong mga niyu. 39 Sima-sima ok tumombaꞌ ni Isa mopuwas tidu sog olo-olo nog diꞌ yanin mopuwas dun sok saraꞌ ni Nabi Musa. 40 Dadi poghalliꞌ amu bagun diꞌ sumugat diniyu ok tinaluꞌ nong mga konabihan nong mamaꞌ nini, 41 ‘U mga mokosudiꞌ, tontong niyu. Mosobuꞌ amu nong mongmula amu, poꞌ ongon og inangon ku sok timpu niyu nog diꞌ amu tumombaꞌ bisan pa posampoyan amu nog duma niyu.’ ”

42 Na pogluwas niloꞌ Pol sog baloy poksumbahan, pingoni nong mga tow nok suksugon puliꞌ dinilon ok pasal niyon sok sumunuꞌ nog . 43 Pogdoksuꞌ nok poglumpuk nilon, modakol ong migunut ni Pol bug nong mga Yahudi bug mga boloammal nong minuliꞌ sog agama Yahudi. Pogonggaton ilon nog duwaꞌ kotow kini nok sumboy tattap ok pongandol nilon sok kolasa bug kololat nok Tuhan.

44 Na poksunud Gondow nok Pogogulali, agon-agon og lam nok tow sok siyudad ong miglumpuk bagun monginongog nok Parman nok Tuhan. 45 Tibuwa dangan mitongow nog duma mga Yahudi ok tumpukan koyon, migdalu ilon tokodoy, bu sinaggaꞌ bu pigunda-undahan nilon si Pol. 46 Na miktaluꞌ si Pol bu si Barnabas nong motowakkal, “Sumboy amu ok pogunahan posampoyan nok Parman nok Tuhan kini. Tibuwa pagga diꞌ niyu ma tolimaon, mamaꞌ nog hinukuman niyu na og ginawa-baran niyu nog diꞌ tumolop sok . Dadi posampoyon nami na song mga len bangsa. 47 Poꞌ yonin na kini ok sinuguan dinami nok Tuhan, mamaꞌ nong misulat sok Kitab Nabi masa tagnaꞌ, taluꞌ in, ‘Imungon ku ika nok politaan mogbogoy nok song mga tow nok kanaꞌ bangsa Yahudi bagun biyan dinika ongon ong moawon sog ayin-ayin bonuwahoy.’ ”

48 Dangan midongog nong mga tow nok kanaꞌ bangsa Yahudi, na landuꞌ tokodoy og loliyag nilon, bu piotas nilon ok Parman nok Tuhan. Dadi timombaꞌ ok kotanan nok piniliꞌ nok Tuhan bogoyan nok kotubuꞌ solama-lama.

49 Tubus ok pononduꞌ nok Panghuꞌ, mikanat na sok koliwagan nog bonuwa koyon. 50 Sugaid piktungihan nong mga Yahudi ong mga kolibunan nong motas og gollalin nok taga gondok sok Tuhan sampoy ong mga migmokogulang sog bonuwa Antiyok. Piminasa nilon siloꞌ Pol bug Barnabas bangka nilon bugowoy sog bonuwa nilon. 51 Tibuwa pinokpasan niloꞌ Pol bug Barnabas og bogombun sog botis nilon, og gindanan nok puwas na ilon dinilon, bangka ilon angoy sog Ikoniyum. 52 Sugaid ong mga mulid diyon sog Antiyok, linoliyag ilon, bu diyon dinilon og .