Ginang 10

Tinugun ni Kapitan Korneliyos si Petros

Na ongon ok tow sok Sesareya ong ngalanin Korneliyos. Solobuk yanin kapitan nog batalyun nok sundalu nog iningalanan nog Italya. 2 Boloammal yanin bu migogondok sok Tuhan sampoy ok salu baloyin. Moksosodokka yanin nong modakol song mga tow, bu lolayun yanin mongoni-ngoni sok Tuhan. 3 Solobuk gondow mingoni-ngoni yanin nog lisag tolu nog lolabung. Sunoy pa mitongowin sok ponontongon nong motampal ong nok Tuhan tinumuwaꞌ diyon diyanin bangka poktaluꞌ, “Korneliyos!” 4 Linonglonganin ong malaikat dunut gondokin, bu taluꞌ in, “Olo niyon, tuwan?” Taluꞌ nong malaikat, “Kisulutan ok Tuhan dinika. Mitongowin ok sodokka nu, bu midongogin ok pongoni-ngoni nu. 5 Pokpangoya nong mga tow sog Yoppa, bangka nilon oyitoy si Simon nog iningalanan nok Petros. 6 Dituꞌ yanin migdukon sok sangoyin nok si Simon, ong moglolonuꞌ nok panit nog binatang. Og baloyin molani sok kilid dagat.”

7 Dangan minawaꞌ na ong malaikat nong migabit-abit diyon ni Korneliyos, pitawagin og duwaꞌ kotow song mga sosuguonin bug solokotow sundalu nin nog boloammal nok tidu song mga ponindogin. 8 Pogdoksuꞌ in ilon suksugan nog lam nituꞌ, piangoyin na ok tolu kotow koyon sog Yoppa.

9 Poksunud gondow, dangan molani na ok tolu kotow koyon sog Yoppa, minenek si Petros sok tas gatop bagun mongoni-ngoni, mga lisag sopuluꞌ bu duwaꞌ na sog waktu kituꞌ. 10 Doksuꞌ ginutom yanin bu meleg kuman. Sugaid soliyan pa usibaon ok kan, kibolongan yanin nok sayu bu ongon ok pitongow nok Tuhan diyanin sok ponontongon. 11 Mitongowin nong mibukaꞌ og langit bu ongon ok pibabaꞌ nong mosolag nok kayab posunguꞌ diyanin, bu mamaꞌ nog hantang inonggaydan ok pat pidjulu nin. 12 Og gungodin, og ginis-ginisan nog binatang nong mopanow bug mokponanap sampoy mga komanuk-manukan. 13 Tubus ongon ok tingog midongogin, “Pogbuwata Petros, poksumbaliꞌ a bangka a kan.” 14 Tibuwa taluꞌ ni Petros, “U Tuhan, ondiꞌ u, poꞌ daꞌ u sibon kan nog olo-olo nog haram.” 15 Midongogin na sop puliꞌ ok tingog, “Diꞌ nu haramon ong mga hinalal nok Tuhan.” 16 Tolu kali koyon pokpuliꞌ-pulioy, doksuꞌ inoyit na mogdayun sog langit ok kayab koyon.

17 Soliyan momikil ni Petros bug olo dodaꞌ ong maana nok pitongow diyanin, sunoy pa diyon na ong mga tow nok piangoy ni Korneliyos sog baloy nok pigdukonanin. Minindog ilon sog bongowan nog galadin. 18 Miksabi ilon bug diyon taꞌ migdukon si Simon nok poktawagon nok Petros.

19 Na soliyan ni Petros momikil pasal song mitongowin, tinaluan yanin nog , “Simon, ongon tolu kotow minontong dinika. 20 Ponoga, bu diꞌ a mogduwaꞌ-duwaꞌ mogunut dinilon, poꞌ akon ong mikpangoy nilon dini.” 21 Dadi minonog si Petros bangka poktaluꞌ, “Akon ok pinontong niyu. Olo buwan og gawoy niyu?” 22 Ok tabal nilon, “Piangoy ami dini ni Kapitan Korneliyos. Mologdong yanin nok tow bu migogondok sok Tuhan, bu pigaddatan yanin nong mga salu bangsa nu Yahudi. Tinaluan yanin nong malaikat nok Tuhan, nok pangoyon ka dituꞌ sog baloyin, bagun modongogin bug olo ok taluon nu.” 23 Dadi inonggat ni Petros ong mga tow kituꞌ motulug diyon dinilon sog gobi niyon.

Poglogondow, migbuwat si Petros bangka pogunut dinilon, bu og duma pigilugan sog Yoppa, migunut da sop diyanin. 24 Poksunud gondow, minatong na ilon sok Sesareya. Dinodamahan ilon ni Korneliyos, bu pitawagin na asal ong mga lahasiyaꞌ in bug supali nin. 25 Poksolod ni Petros, linumpak yanin ni Korneliyos bu simudjud diyanin bangka yanin sumbahoy. 26 Sugaid binuwat yanin ni Petros bangka taluoy, “Indoga, akon sooy, ong manusiyaꞌ u da.” 27 Na soliyan nilon mogabit-abit, simolod ilon bu mitongow ni Petros ong modakol nok tow miglimud. 28 Doksuꞌ tinaluanin ilon, “Kiosunan niyu nog haram sok saraꞌ nami mongampuan atawa tumibow sok tow nog len bangsa. Tibuwa pitongow dinakon nok Tuhan nok sumboy diꞌ u tawagon nog haram og bisan sima towoy. 29 Saan na dangan pitawag niyu akon, ondaꞌ u pogduwaꞌ-duwaꞌ mangoy dini. Na sakan ku amu, bug manu piangoy niyu akon dini?” 30 Dadi tinabal yanin ni Korneliyos, “Pat ondow miniyan song maꞌ nini nog oras, mingoni-ngoni u nog lisag tolu dini sog baloy. Sunoy pa, ongon na ok tow migindog sog gadapan ku bu miksahaya ok ponapotin. 31 Taluꞌ in dinakon, ‘Korneliyos, ininongogan ok pongoni-ngoni nu, bu tinulikan nok Tuhan ong mga sodokka nu. 32 Pokpangoya nong mga tow sog Yoppa bangka nu potawag si Simon nog iningalanan nok Petros. Migdukon yanin sog baloy ni Simon, ong moglolonuꞌ nok panit nog binatang. Og baloyin molani sok kilid dagat.’ 33 Dadi pitawagu ika mogdayun bu mobais nong minangoya dini. Saan na miglumpuk ami kotanan dini mongadap sok Tuhan bagun inongogan og lam nog olo-olo sinuguꞌ nok Tuhan posampoyon nu dinami.”

Ok Pokposampoy ni Petros

34 Tubus miktagnaꞌ si Petros moktaluꞌ, “Mitantu u na ningkomun nok kanaꞌ dodaꞌ mogbiddaꞌ ok Tuhan sok tow. 35 Sugaid tolimaonin ok sosuku bisan olo bangsahoy nong migogondok diyanin bu minginang nong mologdong. 36 Kiosunan niyu na ok Parman nok pinoyit nok Tuhan song mga tow mokposampoy nong nok kosannangan biyan ni , yanin ok Panghuꞌ nok kotanan. 37-38 Tantu midongog niyu da sop ong mokosolag nong miinang ni Isa, tow sog liwag nog bonuwa . Miktagnaꞌ og ginangin sog pogdoksuꞌ ni mokposampoy nok sumboy mokpoliguꞌ ong mga tow. Piniliꞌ yanin nok Tuhan bu binogoyan yanin nog Ruh nin bug kowasa, bangka yanin angoy ayin-ayin moginang nong mobais bu momulung nong mga tow nog linossahi nok kounutan nong mga soytan, poꞌ ok Tuhan diyon diyanin. 39 Kisaksian nami og lam nog ininangin sog bonuwa nong mga Yahudi bu sog . Pinatoy yanin nong mga tow biyan sok poglansang diyanin sok . 40 Tibuwa pitubuꞌ yanin nok Tuhan sog ikotolu ondow, bu pitongowin sok tow. 41 Kanaꞌ da og lam nong manusiyaꞌ ong mikotongow diyanin, sugaid ong mga mipiliꞌ nok Tuhan nong mokosaksiꞌ, mamaꞌ dinami og duma nin moksalu kuman sog waktu nong mitubuꞌ yanin mokpuliꞌ tidu sok kopatoy. 42 Bu sinuguꞌ in ami mokposampoy song mga tow bu sumaksiꞌ nog yanin ong mipiliꞌ nok Tuhan monghukum nong mga totubuꞌ bug mga patoy. 43 Si Isa Al-Masih ok pigbinaan nong mga konabihan nok sima-sima ok tumombaꞌ diyanin ongon ok koampunan nog nin biyan sok kowasa nong ngalanin.”

Mikotabuk ong mga Kanaꞌ Yahudi nog

44 Na soliyan koyon taluon ni , sinolod nog og lam nong miginongog nok posampoyin. 45 Ong mga Yahudi nok tinumombaꞌ ni nong migunut ni Petros, misobuꞌ ilon nok pimogoyan da sop nog Ruh nok Tuhan bisan . 46 Poꞌ midongog nilon nong miktaluꞌ siloꞌ Korneliyos nog len-len bahasa sampoy mokpudji sok Tuhan. Doksuꞌ miktaluꞌ si Petros, 47 “Ongon pa taꞌ ong mokosaggaꞌ nok poliguon ong mga tow kini nong mikotabuk nog Ruh nok Tuhan mamaꞌ dinita?”

48 Dadi sinuguꞌ in ilon poliguon song ngalan ni . Tubus nituꞌ pingoni nong mga tow nog lumihan pa si Petros dituꞌ mga sanu ondow.