Ginang 8

Ok Ponglaat song mga ni Panghuꞌ Isa

1-2 Dadi og bangkoy ni Istepan, kinubul nong mga poloammal, bu mikkorukkaan tokodoy ilon diyanin. Sugaid si kini, kisulutan yanin sok kopatoy ni Istepan. Sog gondow nituꞌ miktagnaꞌ ong mosolag nok pogbinsanaꞌ song mga moktotombaꞌ ni Isa dituꞌ sog . Saan na mikanat ilon sog bonuwa bu sok luwal song mga . 3 Si Sol sop, pingmuhut-muhutanin tokodoy monglaat og nong mga moktotombaꞌ. Sinolodin og baloy mangoy sok solobuk baloy, bu pingguyudin ilon libun-laki bangka nin pirisuhoy.

Ong Mobais nok Suksugan Pisampoy sok Samariya

4 Na ong mga mikanat kituꞌ, mikposampoy ilon nong pasal ni bisan ayin na ok koposunguan nilon. 5 Si Pilip sop, minangoy dituꞌ sog bonuwa bangka nin posampoyoy song mga tow ok pasal sog . 6 Dangan midongog nok tumpukan nok tow si Pilip, bu mitongow nilon og ininangin nong mokosobuꞌ-sobuꞌ, minginongog ilon mahatul diyanin. 7 Poꞌ mipoluwas ong mga soytan tidu sog diyalom lawas nong modakol nok tow puyuk losik nilon. Modakol sop og daday bug pingkaꞌ nok kiulianin. 8 Dadi landuꞌ tokodoy og loliyag nong mga tow sok siyudad kituꞌ.

9 Na ongon ok tow diyon, ngalanin Simon. Polohikmat yanin nok taga kokosun sog ginis-ginisan, saan miobon misobuꞌ diyanin ong mga tow Samariya. Migbantug yanin nong motas yanin nok tow. 10 Og lam nong mga tow sok siyudad koyon, motas atawa mobabaꞌ og nilon, minginongog diyanin, taluꞌ nilon, “Diyon sok tow kini ok kowasa nok Tuhan nok tinawag nong Mosolag nok Kowasa.” 11 Minginongog ilon mahatul diyanin sabap miobon na ilon mosobuꞌ sok kokosunin monghikmat. 12 Tibuwa tinumombaꞌ ilon na ni Pilip nong mignasihat nong Mobais nok Suksugan pasal sok bu pasal ni Isa Al-Masih, dadi piliguꞌ ilon libun bug laki. 13 Tinumombaꞌ da sop si Simon, bu dangan miliguꞌ na yanin, migunut yanin ni Pilip, bu misobuꞌ yanin song mitongowin nong mga mokosobuꞌ-sobuꞌ nog ininang ni Pilip.

14 Na dangan midongog nong mga sog nok tinolimaꞌ nong mga tow Samariya ok Parman nok Tuhan, piangoy nilon dituꞌ si bu si Yahiya. 15-17 Pogdatong nilon, mingoni-ngoni ilon sok Tuhan bagun ong mga tow nok tinumombaꞌ, motabuk og . Dadi dinoponan nilon ong mga tow koyon, bu tinabuk nilon dodaꞌ og Ruh nok Tuhan, poꞌ daꞌ nilon pa kotabuk, mipoliguꞌ hadja ilon song ngalan ni Panghuꞌ Isa.

18 Na dangan mitongow ni Simon nong mibogoy og Ruh nok Tuhan biyan sok pogdopon nong mga mokpoposampoy, inandaganin ilon nok sin. 19 Taluꞌ in, “Bogoyan niyu sop akon nok kowasa koyon, bagun sima-sima ok kodoponan ku, mokotabuk nog Ruh nok Tuhan.”

20 Sugaid tinabal yanin ni Petros, “Bung mayan mopapas da ok sin nu sampoy ika, poꞌ baluꞌ nu dun, mosaluy nu nok sin og binogoy nok Tuhan. 21 Daꞌdun ok sukuꞌ atawa bahagiꞌ nu nini, poꞌ ok pongatoyan nu, kanaꞌ mologdong sok ponontong nok Tuhan. 22 Dadi poktowbata nok kolaat nu koyon, bu pongoni-ngoni a sok Tuhan bagun bung mayan ampunonin na ong niyat nok pongatoyan nu. 23 Poꞌ mitongowu nong miponuꞌ a nog gima, bu pigbayaan ka nog .”

24 Ok tabal ni Simon, “Pongoni-ngonihan niyu akon sok Tuhan, bagun daꞌdun song mga tinaluꞌ niyu koyon ok sumugat dinakon.”

25 Dangan midoksuꞌ na mga mokpoposampoy sumaksiꞌ bu mognasihat nong nok Tuhan, mikpuliꞌ na ilon sog Jerusalem, bu mingapitan ilon song mga kowman nok Samariya mokposampoy nok Parman nok Tuhan.

Mikposampoy si Pilip sok Tow Etupiya

26 Tubus tinaluan nong nok Tuhan si Pilip, “Panowa bangka nu tontul og dalan tidu sog posunguꞌ sog Gasa.” Og dalan kini moliyang na pogbiyanan. 27 Dadi mipanow si Pilip, bu ongon ong mitongowin solokotow nog Etupiya. Yanin koyon ok solokotow song mga ponindog ni Bai Kandis sog Etupiya, nok pingandolan nog gartaꞌ in. Ok tow kini, tidu moksumba sog Jerusalem. 28 Posunguꞌ na yanin muliꞌ solabu mogingkud sok nin dunut pogbasta nin nok Kitab Nabi .

29 Tubus tinaluan si Pilip nog , “Pokpolani a bu dolaboya sok korumata koyon!” 30 Dadi ginumobok si Pilip posunguꞌ sok tow koyon, bu midongogin nong migbasta nok Kitab Nabi Isaya. Miksak yanin, “Misabut nu da taꞌ og binasta nu koyon?” 31 Ok tabal nok tow koyon, “Ponoy ma ok kosabutu dun, luwal bilaꞌ ongon ong mokposabut dinakon.” Dadi pisakoyin si Pilip sok korumata nin bangka nin pingkudoy dunut diyanin. 32 Na og binasta nin koyon, ong mga ayat nok sinulat sok Kitab nog,

“Mamaꞌ yanin nog nog oyiton sok poksumbalian diyanin, atawa og bataꞌ nog bilibili nog daꞌdun gonekin sog gadapan nong moggunting diyanin. Dadi ondiꞌ sop yanin moktokonil. 33 Pisipog yanin bu kanaꞌ mologdong ok poghukum diyanin. Daꞌdun ok tow nong mokosuksug nok pasal sok ponupuꞌ in, poꞌ inawaꞌ ok kotubuꞌ in dini sog dunya.”

34 Doksuꞌ sinakan nok kounutan si Pilip, “Posun nu dinakon busung-busung, sima ok pigbinaan nong kini, og ginawa nin taꞌ atawa og len?” 35 Dadi tagnaan song mga ayat sok Kitab koyon, sinuksug diyanin ni Pilip ong pasal ni Isa.

36 Na soliyan nilon mogdayun sog dalan, mikodatong ilon sok taga tubig. Dadi taluꞌ nok kounutan koyon, “Tontong nu ba! Koyon da ok tubig. Ongon taꞌ ong mokosaggaꞌ nog diꞌ nu akon poliguon?” 37 Ok sambung ni Pilip, “Bilaꞌ ikhlas da sok pongatoyan nu nok tinumombaꞌ a, mogdadi na.” Ok tabal nok tow Etupiya koyon, “Oo, tumombaꞌ u nok si , og .” 38 Dadi pilotaꞌ in ok korumata, bangka ilon ponog sok tubig. Doksuꞌ liniguꞌ yanin ni Pilip. 39 Dangan gimawon na ilon sok tubig, inawaꞌ nog Ruh nok Tuhan si Pilip diyon, bu daꞌ na yanin kotongow nok kounutan koyon. Migdayun na yanin sok panowin dunut loliyagin.

40 Na si Pilip sop, dituꞌ tinumuwaꞌ sog bonuwa Asotus, bu mingnasihat yanin nong Mobais nok Suksugan sog lam nog lungsud nok kibiyananin toktob song midopotin og bonuwa Sesareya.