Ginang 7

Ok Tabal ni Istepan song mga

Na miktaluꞌ ok , “Motud taꞌ ok tinaluꞌ nilon kituꞌ?”

2 Tinumabal si Istepan, “Mga mokogulangu bug pigilugan ku, ponginongog amu dinakon. Ok Tuhan mikpotongow sok pingapuꞌ ta nok si Nabi sog waktu nog dituꞌ pa yanin song Mesopotamiya sog daꞌ pa yanin pogonong sog Haran. 3 Taluꞌ nok Tuhan diyanin, ‘Gonatan nu og bonuwa nu bug gusba-waris nu, bangka a angoy sog bonuwa nok tonduon ku dinika.’ 4 Dadi ginonatanin og bonuwa Kaldeya yonin na og bonuwa nin, bangka yanin pogonong sog Haran. Dangan minatoy na og gommaꞌ in, pipinda yanin nok Tuhan bangka yanin pangoyoy dini sog bonuwa nok pigonongan ta niyu ningkomun. 5 Sugaid daꞌ bogoyoy nok Tuhan si Nabi Ibrahim bisan sodangow lupaꞌ gantaꞌ pusakaꞌ diyanin. Tibuwa jinanjian yanin nog bogoyon da koyon diyanin sampoy song mga ponupuꞌ in, bisan daꞌdun pa og bataꞌ in sog waktu nituꞌ. 6 Miktaluꞌ ok Tuhan diyanin nong mogonong ong mga ponupuꞌ in sog len bonuwa, bu uliponon bu daugdaugon ilon dituꞌ sog bon nok pat gatus tahun. 7 ‘Sugaid,’ taluꞌ nok Tuhan, ‘Hukumon ku da og bangsa nong mongulipon song mga ponupuꞌ nu, bu doksuꞌ nituꞌ, lumuwas na ilon bangka nilon akon sumbahoy sog bonuwa kini.’ 8 Tubus binogoyanin si Ibrahim nok nok pogislam song mga kolakihan. Doksuꞌ miongon og bataꞌ in nok si , bu inislamin og bataꞌ in koyon sog ikowalu ondow. Miongon sop og bataꞌ ni Isahak nok si Yaꞌkub, bu inislam sop yanin ni Isahak. Domikkiyan og gumbataꞌ ni Yaꞌkub, ok sopuluꞌ bu duwaꞌ kotow, ok piktiduhan ta niyu nog bangsa Yahudi.

9 Na ong mga gumbataꞌ ni Yaꞌkub kituꞌ, migdalu sog gilug nilon nok si Yusup, dadi pigdagang nilon yanin bangka koyit song . Tibuwa daꞌ da yanin potiyangoy nok Tuhan. 10 Tinabangan yanin nok Tuhan sog lam nok kobinsanaanin, bu binogoyan yanin nog barakat bug kokosun madap sok Pirꞌawn, ok sultan song Misir. Inimung yanin nok Pirꞌawn nok kounutan sog bonuwa Misir bu sog gastanaꞌ in. 11 Na ongon ok ponggutom nong minatong song Misir bug . Kilogonan tokodoy ong mga tow, sampoy ong mga pingapuꞌ ta, bu daꞌdun na ong mobalak nilon nok kan. 12 Sugaid dangan midongog ni Nabi Yaꞌkub nog ongon ok kan song Misir, piangoyin dituꞌ ong mga gumbataꞌ in nog yonin na ong mga pingapuꞌ ta, bu yonin kituꞌ ok tagnaꞌ nilon mangoy song Misir. 13 Sog ikoduwaꞌ nilon mangoy song Misir, mikpoilala na si Yusup song mga gilugin, bu kiosunan nok Pirꞌawn ok pasal sog gommaꞌ bug gilug ni Yusup. 14 Tubus tinugun ni Yusup og gommaꞌ in nok si Yaꞌkub bug lam nog gusba nin. Pitu puluꞌ bu lima kotow ilon kotanan. 15 Dadi minangoy si Nabi Yaꞌkub song Misir dunut gumbataꞌ in. Dituꞌ na yanin minatoy bug mga pingapuꞌ ta. 16 Inoyit og bangkoy nilon mokpuliꞌ sog bonuwa Sekem, bu kinubul ilon dituꞌ sok kubulan kituꞌ nog binayadan ni Nabi Ibrahim nok dituꞌ sog gumbataꞌ ni Hamur.

17 Dangan mikkolani na og waktu nog unuton nok Tuhan og janjiꞌ in ni Nabi Ibrahim, miksidakol na tokodoy ong mga bangsa ta song Misir. 18 Tubus ongon ok simukli moksultan song Misir nog daꞌ pokokosun ni Yusup. 19 Inakkalanin og bangsa ta. Pinglaatanin ong mga pingapuꞌ ta, bu tinogolin ilon nok poluwason ong mga gumbataꞌ nilon nok popula bagun matoy.

20 Sog waktu kituꞌ binataꞌ na si Nabi Musa, bu kisulutan ok Tuhan diyanin. Inipat yanin nong mokogulangin sog bon nok tolu bulan. 21 Dangan kitogolan ilon mokpoluwas diyanin sog baloy nilon, mitongow yanin nog bataꞌ nok Pirꞌawn nok putliꞌ. Dadi tinogikulin bu pisolagin nong mamaꞌ nog bataꞌ in jatti. 22 Tinonduan yanin nog lam nok kokosun song Misir, bu taga kowasa ok taluꞌ in bug ginangin.

23 Dangan mikosaut na pat puluꞌ tahun og gumul ni Musa, mipikilin tumibow song mga koiluganin . 24 Mitongowin ok solokotow dinilon nog bininasa nok tow Misir, na sinugutanin ok tow koyon. Pinatoyin ok tow Misir gantaꞌ poksuliꞌ in para sok pokasi nin koyon. 25 Ong niyat ni Musa, misabut nong mga pigiluganin nok tabangon ilon nok Tuhan biyan diyanin, sugaid daꞌ nilon kosabut. 26 Poglomaꞌ, kidatongan ni Musa nong miksuwal og duwaꞌ kotow bangsa Israel. Pipoksulutin bosiya ilon, taluꞌ in, ‘Mga pigilugan, manu mikpinosakitoy amu ma?’ 27 Tibuwa ok solokotow nong mikposakit sog duma nin, dinondolin si Musa bu taluꞌ in, ‘Sima ong migimung dinika nok kounutan bug monghukum dinami? 28 Olo ok kolegan nu? Patoyon nu taꞌ akon mamaꞌ nok tow Misir nok pinatoy nu kolabung?’

29 Dangan midongog koyon ni Musa, milaguy yanin sog bonuwa Midiyan. Miglibun yanin dituꞌ, bu mikobalak yanin nog bataꞌ duwaꞌ kotow, lunsan laki.

30 Na dangan pat puluꞌ tahun na ong miniyan, ongon ong mikpotongow ni Nabi Musa dituꞌ sog molani sog bontud Sinay, sok kayu dugihon nong miksuliyab. 31 Poktontong ni Nabi Musa niyon, misobuꞌ yanin, bu soliyanin mokpolani tumontong, midongogin ok tingog nok Tuhan, 32 taluin,

‘Akon ok Tuhan nong mga pingapuꞌ nu, ok Tuhan niloꞌ Ibrahim, Isahak bug Yaꞌkub.’ Na mingongkog si Nabi Musa bu daꞌ na pokotowakkal tumontong. 33 Tinaluan pa yanin nok Tuhan,

‘Awaꞌ nu ok tolumpaꞌ nu, poꞌ og lupaꞌ nok pigindogan nu koyon, sutsi. 34 Mitongowu tokodoy og lossahi nong mga towu dituꞌ song Misir, bu midongogu ok kolong nilon. Minangoyu dini bagun kotabangan ilon, dadi pangoyon ku ika song Misir.’ ”

35 Taluꞌ pa ni Istepan, “Si Nabi Musa kini, yanin og ondaꞌ nilon tolimaoy sok tinaluꞌ nilon nog ‘Sima ong migimung dinika nok kounutan bug monghukum dinami?’ Yanin ok pinoyit nok Tuhan gantaꞌ kounutan bu mokpopuwas dinilon biyan song malaikat nong mikpotongow diyanin sok kayu kituꞌ. 36 Mingulu yanin dinilon lumuwas song Misir, bu minginang yanin nong mga gindanan nong mokosobuꞌ-sobuꞌ dituꞌ song Misir, bu sog bu sog bon nok pat puluꞌ tahun dituꞌ sog ginlupaan mimala. 37 Si Nabi Musa ong miktaluꞌ song mga tow Israel, ‘Ongon og waktu nok pangoyan amu nok Tuhan solobuk nong moktidu sok koilugan ta niyu mamaꞌ dinakon.’

38 Si Nabi Musa sop ok kodumahan nong mga pingapuꞌ ta niyu dituꞌ sog ginlupaan mimala. Yanin ok pigabit-abitan nong malaikat sog bontud Sinay bu mikotabuk yanin nok Parman nok Tuhan nong mokopotubuꞌ bagun posampoyonin da sop dinita. 39 Na diꞌ na meleg tumombaꞌ diyanin ong mga pingapuꞌ ta. Binibas nilon yanin, bu sog diyalom pongatoyan nilon meleg ilon mokpuliꞌ song Misir.

40 Tinaluan nilon si , ‘Imungan nu ami nong mga tuhan-tuhan nong mokkounutan dinami, poꞌ si Nabi Musa nong migoyit dinami lumuwas tidu song Misir, diꞌ nami na kosunan bug olo ong mikobiyan na diyanin.’ 41 Dadi migimung ilon nok tuhan-tuhan mamaꞌ nong nati sapiꞌ bangka ilon pokkurban dun, bu miglami-lami ilon gantaꞌ pokpotas sog inimung nok komot nilon. 42 Saan na tinolikudan ilon nok Tuhan bu pitiyangan ilon sumumba song mga bitun, gondow bug bulan sog langit mamaꞌ na nong misulat sok Kitab nong mga Konabihan, taluꞌ nok Tuhan,

‘Para taꞌ tokodoy dinakon ok pokkurban niyu mga bangsa Israel sog bon niyu pat puluꞌ tahun sog ginlupaan mimala? 43 Kanaꞌ, sugaid pigoyit niyu ok tuhan-tuhan niyu nok si Molok sampoy og baloy-baloyin, bu bayuꞌ-bayuꞌ ni Repan, ok tuhan-tuhan niyu nog bitun. Inimung niyu ong mga bayuꞌ-bayuꞌ koyon, bagun sumbahon niyu, saan na poyiton ku amu sog gunan pa nog .’ ”

44 Miktaluꞌ pa si Istepan, “Dangan dituꞌ pa ok pingapuꞌ ta sog ginlupaan mimala, ongon og poksumbahan sok Tuhan. Ok pogimung nilon dun, inunut ok suntuan nok pitongow nok Tuhan dituꞌ ni Nabi Musa.

45 Poksukli nong mga gumbataꞌ nong mga pingapuꞌ ta kituꞌ, si Nabi Yussa na ok kounutan nilon. Inoyit nilon og Langgal poksumbahan kituꞌ dangan inalap nilon og lupaꞌ tidu song mga bangsa nok piawaꞌ nok Tuhan. Dadi midopot og Langgal kituꞌ toktob song masa ni Sultan . 46 Na kisuatan ok Tuhan diyanin bu mimuhun yanin nong mogimung nok pogonongan nok Tuhan nok piktuhanan sop ni Yaꞌkub. 47 Sugaid si Sultan og dinuhulan mogimung nog baloy kituꞌ. 48 Tibuwa ok Tuhan Mahatinggi, ondiꞌ na dodaꞌ mogonong song mga baloy nog inimung nok komot, mamaꞌ na nok tinaluꞌ biyan song nabi, 49 ‘Og langit yonin ok trunu u, bu og lupaꞌ yonin ok pogontudan nog botisu. Olo baloyoy og imungon niyu dinakon, atawa olo ma ok pogulalihan ku? 50 Kanaꞌ taꞌ akon ong migimung nog lam nituꞌ?’ ”

51 Dadi tinaluan ni Istepan ong mga tow sok poghukuman, “Landuꞌ kotogas og gulu niyu! Ok pongatoyan niyu mamaꞌ nok pongatoyan nok kapir, bu bongol amu sok taluꞌ nok Tuhan. Simopu amu da tokodoy song mga pingapuꞌ niyu, sumaggaꞌ amu hadja sog . 52 Ongon taꞌ sibon ong nabi nog ondaꞌ binsanaoy nong mga pingapuꞌ niyu kituꞌ? Pinatoy nilon tanan ong mga mikposun kituꞌ nok pasal sok pogdatong nog , ok solobuk-lobuk nong mologdong, yonin na ok tinipu bu pinatoy niyu kituꞌ. 53 Tinabuk niyu ong mga saraꞌ nok pisampoy diniyu nong mga malaikat, sugaid daꞌ niyu da unutoy.”

Binatu si Istepan

54 Dangan midongog nilon koyon, milingit tokodoy ilon, bu linoligot ilon diyanin. 55 Sugaid pigbayaan si Istepan nog . Miglonglong yanin sog langit bu mitongowin ok nok Tuhan bu si migindog sog dapit lintu nin. 56 Taluꞌ in, “Tontong niyu ba! Mibukaꞌ ok surgaꞌ bu mitongowu nong migindog og sog dapit lintu nok Tuhan.”

57 Na migekes ong mga nong monamal bangka nilon tamboloy ok tolinga nilon, bu migdaliꞌ-daliꞌ ilon gumobok posunguꞌ ni Istepan. 58 Binugow nilon yanin posunguꞌ sog luwasan nok siyudad, bangka nilon batuhoy. Minampuꞌ da sop mogbatu ong mga tow nok sumaksiꞌ nog loput sok poktuntut diyon ni Istepan. Sugaid sog daꞌ pa nilon batuhoy, binilin nilon ong mga juba nilon dituꞌ song mobataꞌ nok tow, ong ngalanin si Sol. 59 Soliyan nilon batuhon si Istepan, mingoni-ngoni yanin, “ , tolimaꞌ nu ong nyawa u.” 60 Tubus limuhud si Istepan bangka poglosik nong monamal, “Panghuꞌ, bung mayan diꞌ nu ilon tuntutan sog kini.” Pogdoksuꞌ in moktaluꞌ, minatoy yanin.