Ginang 2

Pidatongan nok Tuhan nog Ruh nin ong mga ni Panghuꞌ Isa

Na dangan minatong og gondow nog iningalanan nog Halilaya Lima puluꞌ, miglumpuk na ong mga ni Isa sok solobuk baloy. 2 Doksuꞌ sunoy pa ongon ok tingog nong midongog diyon tidu sog langit mamaꞌ nog dogos nog galuꞌ mopagas, bu miulit sog diyalom baloy nok piglumpukan nilon. 3 Mikotongow ilon nong mamaꞌ nog dilaꞌ nog gapuy, mibahagiꞌ bu mitonaꞌ sok kokoniya dinilon. 4 Tubus sinolod ilon nog , bu miktagnaꞌ ilon moktaluꞌ nog len-len bahasa poꞌ binogoyan ilon nok kopandoyan nog koyon.

5 Na ongon ong mga nong migonong sog , poloammal ilon koyon, bu miktidu ilon song modakol nog bonuwa. 6 Sabap sog dogos kituꞌ, minangoy ong mga tow moktopuk diyon bu miglibug ilon, poꞌ ok kokoniya dinilon mikodongog nong miktaluꞌ ong mga mulid koyon nong mga bahasa nilon. 7 Misobuꞌ ilon tokodoy, taluꞌ nilon, “Uy, kanaꞌ taꞌ ong mga miktaluꞌ koyon ok tow ? 8 Manu buwan mokopoktaluꞌ ma ilon nong mga bahasa ta? 9 Miktidu ita niyu le kini sog len-len bonuwa, mamaꞌ na nog bonuwa Partiya, Mediya, Elam, Mesopotamiya, , Kappaduki, Pontus, , 10 Pirigiya, Pampilya, , bu sog bonuwa nog Libiya posunguꞌ sok siyudad nok Kirene. Og duma dinita tidu sog bonuwa , 11 bu ongon da sop tidu sok Kerete bug Arabiya. Misakup ita sog bangsa Yahudi, bu og duma ta minuliꞌ na sog agama Yahudi. Na midongog ta niyu ilon nong moktaluꞌ nong mga bahasa ta pasal song mokosobuꞌ-sobuꞌ nog ginang nok Tuhan.” 12 Dadi og lam nilon koyon, misobuꞌ bu miglibug tokodoy bu miksak-sinakoy ilon, “Olo bayuꞌ ong maana nini?” 13 Sugaid og duma miksudiꞌ hadja, taluꞌ nilon, “Milangu laꞌ ilon koyon!”

Ok Posampoy ni sok Tumpukan nok Tow

14 Na minindog si Petros bu ok sopuluꞌ bu sala kotow nong ni . Doksuꞌ miktaluꞌ yanin nong mopagas, “Mga duma u nog Yahudi, bu og lam nong migonong sog , posunon ku diniyu ok pasal nini. Ponginongog amu mahatul sok taluon ku. 15 Ondaꞌ kolangu ong mga tow kini mamaꞌ nong miniyat niyu, poꞌ lisag siyam pa nok sisolom, 16 tibuwa yonin kini ok tinaluꞌ ni Nabi Yoel sok tagnaꞌ kituꞌ, longin:

17 ‘Taluꞌ nok Tuhan, “Sog waktu nog daꞌ pa datong ok kotapusan nog dunya, bogoyon ku og Ruh u sog lam nong manusiyaꞌ. Moktaluꞌ og gumbataꞌ niyu libun-laki bug olo ok suguon ku dinilon, mongintongowan ong mga kosubulan niyu, bu ong mga mokogulang, monoginop. 18 Sampoy ong mga ku libun-laki, bogoyan ku nog Ruh u sog waktu koyon, bu moktaluꞌ ilon bug olo ok suguon ku dinilon. 19 Potongowon ku ong mga mokosobuꞌ-sobuꞌ sok tas langit bug mga gindanan sog dunya. Motongow og duguꞌ, gapuy bug bol nong modikpol. 20 Ong mata gondow modolom bu og bulan mamaꞌ na nog duguꞌ. Mounut og lam niyon sog diꞌ pa matong ong mosolag nog gondow nok poghukum. 21 Sugaid sima-sima ong mokitabang song ngalan nok Panghuꞌ, moawon.” ’ ” 22 Taluꞌ pa ni Petros, “Dadi mga pigilugan ku tow , inongogoy niyu ok taluꞌ u kini: Tinantu nok Tuhan si Isa, ok tow biyan song mga piinangin dun nong mga mokowasa bu mokosobuꞌ-sobuꞌ nog gindanan sog gadapan niyu, kiosunan niyu na koyon.

23 Si Isa kini, inuwakil diniyu mounut song maksud bug gantaꞌ nok Tuhan. Sugaid amu ong mikpopatoy diyanin biyan sok pogwakil niyu song mga tow nog daꞌ diyon dinilon ok saraꞌ nok Tuhan bagun lansangon yanin sok . 24 Sugaid pitubuꞌ yanin mokpuliꞌ nok Tuhan. Pinuwas yanin tidu sok kobinsanaan nok kopatoy, poꞌ ondiꞌ na dodaꞌ mokosaggaꞌ diyanin ok kopatoy. 25 Poꞌ miktaluꞌ ok pingapuꞌ ta si Nabi pasal ni Isa, longin, ‘Motongowu lolayun ok Tuhan song molani u, poꞌ dini yanin sog dapit lintu u bagun ondiꞌ mosasow ok pongatoyan ku. 26 Saan na mobogan ok pongatoyan ku, bu migloliyagu na moktaluꞌ. Matoyu sooy, ongon da og dodamahan ku. 27 Poꞌ ondiꞌ nu bagakon ong nyawa u sok poglihanan nong mga minatoy, bu diꞌ nu dodaꞌ potiyangan moludak ok Solobuk-lobuk Sutsi nu kini sog diyalom nok kubul. 28 Tinonduan nu na akon nok pogbiyanan posunguꞌ sok , bu bogoyan nu akon nog landuꞌ nog loliyag sog gadapan nu.’ ”

29 Miktaluꞌ pa si Petros, “Mga koilugan ku, diꞌ u mogalang-alang moktaluꞌ diniyu nok kanaꞌ og lawas nog ginawa nin ok pigbinaan ni Nabi Daud sok taluꞌ in koyon, poꞌ minatoy da bu kinubul yanin, bu ok kubulin, dini pa dinita sampoy ningkomun. 30 Tibuwa solobuk yanin bu kiosunanin nong mogot og janjiꞌ nok Tuhan diyanin, yonin na nog ongon ok solobuk nok ponupuꞌ in nong moksultan mamaꞌ diyanin. 31 Asal na kiosunan ni Nabi Daud nok potubuon puliꞌ og , saan na sinuksugin nog ondaꞌ bagakoy og Al-Masih sok poglihanan nong mga minatoy, bu daꞌ koludak og lawasin dituꞌ sog diyalom nok kubul. 32 Na si Isa Al-Masih kini, pitubuꞌ puliꞌ nok Tuhan, bu kisaksian nami kotanan. 33 Tubus piotas na yanin dituꞌ sog dapit lintu nok Tuhan, bu mitabukin og nog jinanjiꞌ diyanin nog , bangka nin sop bogoyoy dinami mamaꞌ na nong mitongow bu midongog niyu kini. 34 Poꞌ si Daud, daꞌ da koinat mamaꞌ ni Isa kituꞌ sok , sugaid tinaluꞌ in, ‘Miktaluꞌ ok Pogbayaꞌ-bayaꞌ sok Panghuꞌ u, “Ingkuda dini sog dapit lintu u 35 toktob dagon ku ong mga banta nu dinika bu moimung ilon mamaꞌ nog gontudan nog botis nu.” ’ 36 Dadi sumboy tokodoy kosunan nog lam nok tow Israel nog ginollal nok Tuhan si Isa nok Panghuꞌ bug Al-Masih, yanin og linansang niyu kituꞌ sok .”

37 Na dangan midongog nong mga tow ok tinaluꞌ ni Petros, misugat tokodoy ok pongatoyan nilon, bu taluꞌ nilon ni Petros bug duma nong mga ni Isa, “Mga koilugan, olo og inangon nami?”

38 Tabal ni Petros, “Poktowbat amu, bu amu sosolokotow diniyu song ngalan ni Isa Al-Masih bagun ampunon ong mga niyu, bu motabuk niyu og Ruh Mahasutsi. 39 Poꞌ og janjiꞌ kituꞌ, para diniyu bu song mga gumbataꞌ niyu bu sog lam nok tow nog dituꞌ song molayuꞌ, sog lam nok sabihon nok Pogbayaꞌ-bayaꞌ, ok Tuhan ta niyu, mogunut diyanin.” 40 Modakol pa og len nok pidinsamaꞌ ni Petros dinilon, bu pingoni nin dinilon, taluꞌ in, “Pokiawon amu tidu song mulkaꞌ nok podatongon song molikoꞌ nok pangkatan kini.” 41 Dadi ong mga tinumolimaꞌ nok tinaluꞌ in kituꞌ, liniguꞌ na, og gindanan nok timombaꞌ ilon ni Isa, bu sog gondow nituꞌ, kidungagan ilon mga tolu ngibu kotow. 42 Ong mga tow kituꞌ, inunut nilon tokodoy ong mga ponintuluꞌ nong mga mokpoposampoy, bu lolayun ilon moglumpuk bug mga len nong . Miksolobuk ilon sok pogbobahagiꞌ nok pan, pomondoman sok kopatoy ni Panghuꞌ Isa bu sok pongoni-ngoni.

Ok Poglimud nong mga Moktotombaꞌ

43 Sinolod nog gondok og lam nok tow diyon bu modakol ong mokosobuꞌ-sobuꞌ nog gindanan nog ininang nong mga mokpoposampoy. 44 Og lam nong ni , piglimud bu piksolobuk nilon og gartaꞌ nilon. 45 Pigdagang nilon ong mga gartaꞌ nilon bu pimogoy og halin sok sosuku nog duma nilon nong mikkogunahan. 46 Gondow-gondow ilon moktopuk-topuk sog , bu mogbobahagiꞌ ilon bu moksalu-salu kuman song mga baloy nilon dunut loliyag bu ikhlas ok pongatoyan nilon. 47 Lolayun ilon mokpudji sok Tuhan, bu kisulutan dinilon ong mga tow. Gondow-gondow pogdungagan nok Panghuꞌ og dakol nong mga miawon kituꞌ.