Lukas 23

Dadi minindog og lam nong kituꞌ, bangka nilon oyitoy si dituꞌ ni , og gubernur diyon.

Piadap si dituꞌ ni Gubernur bu ni Datuꞌ Herod

2 Sinumbung nilon yanin dituꞌ sog gadapan ni Gubernur Pilatu, taluꞌ nilon, “Ok tow kini migoyit nok sasow sog bangsa ta bu migondiꞌ dinami mogbayad nog sok sultan nog , bu inangkonin pa nog yanin og , ok sultan.” 3 Sinakan ni Pilatu si Isa, “Ika taꞌ ok sultan nong mga Yahudi?” Tinumabal si Isa, “Tinaluꞌ nu na.” 4 Doksuꞌ miktaluꞌ si Pilatu song mga kounutan nok koimaman bu sok kodakolan nok tow, “Daꞌdun ong motongowu nog nok tow kini nong mopatut hukumon.” 5 Sugaid dimaawa tokodoy ilon, taluꞌ nilon, “Ok poktintuluꞌ in miktolipun sog bu mikobogoy nok sasow sog lam nok tow sok koliwagan bonuwa sampoy dini sog .”

6 Pogdongog ni Pilatu nok tinaluꞌ nilon, miksak yanin bilaꞌ ok tow Jalil taꞌ si Isa. 7 Dangan kiosunan ni Pilatu nok si Isa tidu sog bonuwa nok pimarintahan ni Datuꞌ Herod, piangoyin si Isa dituꞌ diyanin, poꞌ sog waktu koyon kiotangan nog diyon sop yanin sog Jerusalem.

8 Na migloliyag tokodoy si Datuꞌ Herod dangan mitongowin si Isa, poꞌ miobon na yanin meleg tumontong nong mokosobuꞌ-sobuꞌ nog ginang ni Isa pasal sog dongoganin. 9 Saan na modakol ok sinak ni Datuꞌ Herod dituꞌ ni Isa, sugaid ondaꞌ tokodoy yanin tabal. 10 Migindog sop diyon ong mga kounutan nok koimaman bug mga guru agama, bu minamal ilon moksumbung pasal ni Isa. 11 Dadi pimosipog bu pigunda-undahan ni Datuꞌ Herod bug mga sundalu nin si Isa, bangka nilon pojubahoy nong molingkat bangka nilon populioy dituꞌ ni Gubernur Pilatu. 12 Tidu sog gondow nituꞌ, mikopoksupali si Datuꞌ Herod bu si Pilatu, poꞌ sok tagnaꞌ migbanta ilon.

13 Na pitawag ni Pilatu ong mga kounutan nok koimaman, ong mga migmokogulang sog bonuwa koyon, bug duma pa nong mga tow. 14 Taluꞌ ni Pilatu dinilon, “Inoyit niyu dini dinakon ok tow kini poꞌ ok taluꞌ niyu miktungi yanin nong mga tow bagun sumaggaꞌ sok parinta. Sugaid dangan sinakan ku yanin dini sok kodakolan niyu, na daꞌdun ong mitongowu nog mamaꞌ na nok sumbungan niyu kituꞌ. 15 Bisan pa si Datuꞌ Herod, daꞌdun ong mitongowin nog dusa nin, saan na pipuliꞌ in dini. Daꞌdun dodaꞌ og ginang nok tow kini nong mopatut yanin patoyon dun. 16 Dadi polambutu tibuwa yanin, bangka u poluwasoy.”

17 Saan na miktaluꞌ si Pilatu nong mamaꞌ niyon poꞌ kada tahun sog waktu nog , sumboy mokpoluwas yanin solokotow nok pinirisu. 18 Sugaid migdongan-dongan moglosik ok tumpukan nok tow, taluꞌ nilon, “Popatoy nu na ok tow koyon, bu poluwas nu si Barabbas.” 19 Na si Barabbas kini pinirisu poꞌ mikopogunut yanin song mga tow nong mingatu sok parinta nog bangsa Rum dituꞌ sog Jerusalem, bu mikobunuꞌ pa yanin.

20 Tinaluan ni Pilatu mokpuliꞌ ong mga tow poꞌ ok koleganin poluwason si Isa. 21 Sugaid miggekes mokpuliꞌ ong mga tow, taluꞌ nilon, “Lansang nu yanin sok , lansang nu yanin!”

22 Doksuꞌ miktaluꞌ na sop puliꞌ si Pilatu dinilon, longin, “Manu ma, olo buwan og dusa nong miinangin? Daꞌdun ong mitongowu nog dusa nok patut yanin patoyon dun. Polakposon ku saan yanin bangka u poluwasoy.” 23 Tibuwa sigi-sigi da og gekes nilon nong mopagas nok sumboy lansangon sok kayu si Isa, bu pogobon-obon mimondag ilon. 24 Saan na binotangan na ni Gubernur Pilatu nog hukuman si Isa mamaꞌ na nok pingoni nong mga tow. 25 Piluwasin si Barabbas nok pinirisu kituꞌ pasal sok pongatu nin sok parinta bu mikobunuꞌ pa yanin, poꞌ yanin ok pingoni nilon nok poluwasan. Sugaid inuwakilin na si Isa song mga sundalu nin bagun mounut ok kolegan nong mga tow.

Ok Poglansang ni  sok Kayu

26 Dangan inoyit nilon si Isa posunguꞌ sok poglansangan dun, sinaggow nilon ok tow Kirene nog iningalanan nok Simun nok posunguꞌ sok siyudad. Pipisan nilon diyanin ok kayu bangka potuyukoy ni Isa.

27 Modakol tokodoy nok tow ong miktuyuk sog binayaan ni Isa, sampoy na ong mga kolibunan nong mikkorukkaan bangka poksingkok mogaduy pasal diyanin. 28 Na linumingoy si Isa dinilon bangka poktaluꞌ, “Mga kolibunan sog , diꞌ niyu akon pogaduyan, tibuwa ok pogaduyan niyu og ginawa-baran niyu bug mga gumbataꞌ niyu. 29 Poꞌ ongon og waktu nong mokopoktaluꞌ amu, ‘Mobais ok sukud nong mga kolibunan nog baug bug daꞌ pokopoduduꞌ nog bataꞌ.’ 30 Sog waktu koyon mokpokilolat ong mga tow song mga bontud, ‘Labuoy niyu ami!’ Bu song mga bukid, ‘Dungmaoy niyu ami!’ ” 31 Taluꞌ pa ni Isa, “Na bilaꞌ ininang nilon kini sok tow nog daꞌdun og dusa nin, olo na bayuꞌ in ong moinang sok tow nok taga ?”

32 Na ongon sop og duwaꞌ kotow molaat og inoyit nilon poꞌ pogdonganon patoyon bu si Isa. 33 Dangan minatong ilon sog bonuwa nok pogingalanan nog Bakuk, linansang nilon si Isa bug duwaꞌ kotow molaat kituꞌ. Ok solokotow binotang sog lintu bug solokotow sog bibangin. 34 Dangan dituꞌ na si Isa sok tas nok , mingoni-ngoni yanin, taluꞌ in, “U Ommaꞌ, ampun nu ilon poꞌ daꞌ nilon kosunoy ok pinginang nilon.”

Na pigbahagian nilon ong mga ponapot ni Isa, migbunut-bunut ilon bug sima taꞌ ong mokalap dun.

35 Modakol ong mga tow nong migbantoy, bu pigunda-undahan si Isa nong mga kounutan nog Yahudi, taluꞌ nilon, “Mokotabang yanin sog duma, dadi sumboy kotabanganin sop og ginawa nin bilaꞌ motud nog yanin, ok piniliꞌ nok Tuhan.” 36 Piksudian sop yanin nong mga sundalu. Mikpolani ilon bangka nilon toyooy si Isa nog ginumon nong mosom. 37 Tubus tinaluan nilon si Isa, “Bilaꞌ ika ok sultan nog bangsa Yahudi, tabang nu og lawas nu.”

38 Na ongon ok sulat nog binotang sok tas nog gulu ni Isa, yonin na, “KINI OK SULTAN NONG MGA YAHUDI.”

39 Doksuꞌ pigunda-undahan da sop si Isa ok solokotow nog linansang sok kayu, taluꞌ in, “Kanaꞌ taꞌ ika og Al-Masih? Na tabang nu og lawas nu sampoy ami.” 40 Sugaid pigboluanan yanin nog duma nin, taluꞌ in, “Diꞌ a taꞌ mondok sok Tuhan? Og hukuman patoy nog binotang diyanin batuk da bug hukuman nog binotang dinita. 41 Na ita kini patut hukumon poꞌ mikodusa ita, tibuwa yanin daꞌdun og dusa nin.” 42 Tubus tinaluanin si Isa, “Tuwan Isa, pondom nu dona akon bug diyon ka na sok pomarintahan nu.” 43 Ok tabal ni Isa diyanin, “Janjiꞌ u dinika, sog gondow kini mogdunuta dinakon sok .”

Ok Kopatoy ni Panghuꞌ Isa

44 Dangan lotu-ondow na, dinumolom na ok koliwagan nog bonuwa toktob lisag tolu 45 poꞌ og gondow daꞌ silak. Bu ong modikpol nok kurtina nok pigdonding sog lot nog bug sog Baloy nok Tuhan, migodit tongaꞌ. 46 Doksuꞌ miktaluꞌ si nong mopagas, longin, “U Ommaꞌ, poglillaꞌ u ong nyawa u dinika,” bangka pa yanin kotoktus.

47 Dangan mitongow nok kapitan nong mga sundalu ong mga kokohinang kini, piotasin ok Tuhan, bu taluꞌ in, “Motud dodaꞌ ok tow kini mologdong nok tow.” 48 Na og lam nok tow nong miglumpuk tumontong, dangan mitongow nilon nog biyan-biyan koyon, minuliꞌ ilon sampoy nok piksuntuk-suntuk nilon og digdob nilon kobalan nok kosusahan nilon. 49 Sugaid ok kotanan nong mga duma ni Isa nong mikokilala diyanin sampoy na ong mga kolibunan nong migunut diyanin tidu sog , mikpobagak ilon dituꞌ sok kolayuan tinumontong nog lam nong mikobiyan.

Ok Pokkubul ni Panghuꞌ Isa

50-51 Na ongon ok tow nok pigingalanan nog Yusup tidu sog Arimati, ok solobuk bonuwa nog . Mobais bu mologdong yanin nok tow, bu sakup yanin nong mga nog bangsa Yahudi. Sugaid ondaꞌ yanin koleg sok pigisunan nilon nok pokpatoy nilon ni Isa, bu migbagad yanin nok pogdatong nok . 52 Minangoy yanin dituꞌ ni Gubernur bangka nin pongonihoy og bangkoy ni Isa. 53 Doksuꞌ inalapin og bangkoy ni Isa dituꞌ sok bangka nin saputoy nok kokanaꞌ putiꞌ. Tubus kinubulin sog langub linuwangan nog daꞌ pa sibon kokubuloy.

54 Na og gondow kituꞌ, gondow poktogama. Dangan simindop hadja og gondow, miktagnaꞌ na og . 55 Migunut diyon ni Yusup sok kubulan ni Isa ong mga kolibunan nok tagnaꞌ tinumuyuk ni Isa tidu pa sog . Mitongow nilon bug ponoy ok pogbotang nog bangkoy ni Isa sog diyalom nok kubul. 56 Tubus minuliꞌ ilon bangka ilon pokpodinsamaꞌ nong mga ginis-ginisan nok pokpomut sog bangkoyin. Tibuwa sog Gondow nok Pogogulali, minulali ilon poꞌ yonin koyon ok saraꞌ.